उत्कृष्ट लयमा रहेका वार्नर टोलीबाट बाहिरिए

काठमाडौंः अष्ट्रेलियाका ओपनर ब्याट्सम्यान देविड वार्नर भारतविरुद्धको तेस्रो अन्तर्राष्ट्रिय एकदिवसीय खेलबाट बाहिरिएका छन् । उनी तीन म्याचको टी ट्वान्टी अन्तर्राष्ट्रियबाट समेत बाहिरिएका छन् ।

क्रिकेट अष्ट्रेलियाका अनुसार उनको स्थान डी आरसी शर्टलाई टोलीमा बोलाइएको छ । भारतविरुद्धको दोस्रो अन्तर्राष्ट्रिय एकदिवसीय खेलमा फिल्डिङको क्रममा उनको खुट्टाको मांसपेशीमा समस्या आएपछि खेलको बीचमै मैदान छोड्न बाध्य भएका थिए ।

याे पनि पढ्नुस  इन्गेजमेन्टको हिराको औंठी फोहोरमा फ्याँके पछि, ३० टन फोहोरमा खोजी

पहिलो दुई खेलमा ६९ र ८३ रन बनाएका वार्नर उत्कृष्ट लयमा रहँदा घाइते भएपछि अष्ट्रेलियाका लागि चिन्ता बढेको छ । दुबै खेलमा अष्ट्रेलियाले उत्कृष्ट सुरुवात गरेपछि विशाल योगफल तयार गर्न सफल भई दुबै खेल जितेको छ ।

अष्ट्रेलियाका प्रमुख प्रशिक्षक जस्टिन लैंगरले भने वार्नरलाई पूर्ण आराम दिइएको बताए । अबको दुई सातामा निको हुने लक्ष्य लिएर भारतविरुद्धको पहिलो टेष्टका लागि उनलाई आराम दिइएको लैंगरले बताए ।

याे पनि पढ्नुस  अष्ट्रेलियासँगको सीमा खुला गर्दै न्युजिल्याण्ड

प्याट्ट क्युमिन्सलाई समेत आराम दिइएको छ । विश्ववरियताको शिर्ष स्थानमा रहेका क्युमिन्सलाई टेष्ट श्रृखंलाका लागि आराम दिइएको हो । अष्ट्रेलियाले डिसेम्बर तेस्रो साताको सुरुवातमा भारतविरुद्ध टेष्ट श्रृखंला खेल्नेछ ।

 

कमेन्ट गर्नुहोस्