कोहलपुरका संक्रमितको भेरी अस्पतालमा मृत्यु

नेपालगञ्जः कोरोना भाइरसको संक्रमणबाट बाँकेमा बिहिबार बिहान थप एकजनाको मृत्यु भएको छ ।

जिल्ला कोभिड–१९ संकट व्यवस्थापन केन्द्र बाँकेका अनुसार कोहलपुर नगरपालिका–२ का ७४ वर्षीय पुरुषको उपचारका क्रममा भेरी अस्पतालमा मृत्यु भएको हो ।

जिल्ला कोभिड १९ संकट व्यवस्थापन केन्द्र बाँकेका संयोजक तथा प्रमुख जिल्ला अधिकारी राम बहादुर कुरुमवांगले स्वास्थ्यमा समस्या आएपछि उनलाई मंसिर ६ गते अस्पताल भर्ना गरिएकोमा सबै प्रकारका उपचार गर्दा पनि जोगाउन नसकिएको बताए ।

याे पनि पढ्नुस  पहिराेमा पुरिएर पाँचको मृत्यु, चार बेपत्ता

उपचारका क्रममा बिहिबार बिहान उनको मृत्यु भएको भेरी अस्पतालले जनाएको छ ।

योसँगै बाँकेमा कोरोनाबाट मृत्यु हुनेको संख्या ३९ पुगेको छ । हालसम्म जिल्लामा ३ हजार ९४० जनाका संक्रमण पुष्टि भएकोमा ३ हजार ७०९ जना निको भएर घर फर्किसकेका छन् ।

याे पनि पढ्नुस  सडक दुर्घटना हुँदा मोटरसाइकल चालकको मृत्यु

१९३ जनाको अझैपनि विभिन्न अस्पताल र आइसोलेसनमा उपचार भैरहेको छ ।

कमेन्ट गर्नुहोस्