वामदेव गौतमविरुद्व लेखेको सूर्य थापाको स्टाटस डिलिट !

काठमाडौंः प्रधानमन्त्री केपी शर्मा ओलीका प्रेस सल्लाहकार सूर्य थापाले नेकपा उपाध्यक्ष वामदेव गौतमविरुद्व लेखेको स्टाटस डिलिट गरेका छन् ।

थापाले आइतबार बिहान ‘को कस्तो ? तस्बिर काफी छ’ भन्दै गौतमले ट्राफिक नियम उल्लङ्घन गर्दै सडक पार गरेको तस्बिरसहित पोस्ट गरेका थिए । तर, व्यापक आलोचनापछि थापाले उक्त स्टाटस अहिले डिलिट गरिसकेका छन् । स्टाटसमा अधिकांशले थापालाई गाली गरेर स्टाटस हटाउन दवाव दिएका थिए ।

याे पनि पढ्नुस  प्रधानमन्त्री ओलीले गरे मोदीलाई फोन, के भयो कुराकानी?

शनिबार बसेको सचिवालय बैठकमा गौतमले प्रधानमन्त्रीका प्रेस सल्लाहकार थापालाई पदबाट हटाउन माग गरेका थिए । गौतमले बैठकमा भनेका थिए, ‘प्रधानमन्त्रीले सूर्य थापालाई कारबाही गर्नुस्, उनले प्रशंसा गरेजस्तो गरेर सिध्याइदिन्छन् ।’

त्यसपछि गौतमप्रति आक्रोशित बनेका थापाले बिहानै स्टाटस हालेका थिए ।

याे पनि पढ्नुस  ओली, प्रचण्ड र नेपालबीच भेटवार्ता, के भयो कुराकानी?
थापाले आइतबार बिहान गौतमविरुद्व लेखेको स्टाटस, जुन अहिले डिलिट भइसकेको छ ।

कमेन्ट गर्नुहोस्