बैतडीमा जन्मियो अनौंठो शिशु !

बैतडीः सुर्नया गाउँपालिकामा एक अनौठो शिशु जन्मिएको छ ।

सुर्नया गाउँपालिकाको–५ मडकी २१ वर्षीया गिता विकले अनौंठो शिशु (छोरा)को जन्म दिएकी हुन् । पहिलो सन्तानको रुपमा मलद्धार, नाक र ओठ नभएको अनौंठो बच्चाको जन्म दिएकी सुर्नया गाउँपालिकाका स्वास्थ्य शाखा प्रमुख रामसिंह महराले जानकारी दिए ।

याे पनि पढ्नुस  निधारमा मृत्यु नलेखेपछि... १८ तलाबाट खस्दा समेत ४ महिनाको शिशु सकुशल

समय पुगेपछि ९ महिनामा जन्मेको उक्त शिशुको अवस्था सामान्य रहेको छ । महराले भने, ‘बच्चाको मलद्धार, मल्लो ओठ र नाकको प्वाल पनि छैन, मुखको छेउमा मासुका डल्ला पलाएका छन् । शिशुले दुध चुस्न सकेको छैन् । चम्चाले दुध खुवाइरहेका छन् ।’

याे पनि पढ्नुस  जुम्ल्याहा नर्सले दिए जुम्ल्याहा शिशुको जन्म

सोमबार बेलुका जन्मिएको शिशुलाई स्वास्थ्यचौकीले उपचारका लागि धनगढी रेफर गरे पनि आमा र शिशु घर फर्किएको बताइएको छ । आर्थिक अभावका कारण शिशुको उपचारमा समस्या भएको बताइएको छ ।

बच्चा जन्माउने प्रक्रियामै समस्या भएर यस्तै बच्चा जन्मिएको हुनसक्ने जिल्ला अस्पताल बैतडीका प्रमुख डाक्टर वशन्तराज जोशीले बताए ।

याे पनि पढ्नुस  खोलामा गाडिएको अवस्थामा जीवित शिशुको उद्धार

कमेन्ट गर्नुहोस्