‘राष्ट्रपतिविरुद्ध महाअभियोग र प्रधानमन्त्रीलाई अविश्वास प्रस्तावबाट हटाउन’ तरुण दलको माग (विज्ञप्तीसहित)

काठमाडौं । नेपाल तरुण दलले राष्ट्रपति तथा प्रधानमन्त्रीलाई हटाउन माग गरेको छ ।
संगठनका अध्यक्ष जीतजंग बस्नेतले आज एक विज्ञप्ती जारी गर्दै सम्मानीय राष्ट्रपतिज्यूको भूमिका ‘सबै नागरिकको अभिभावक हुनुपर्नेमा प्रधानमन्त्रीको कारिन्दा र संविधानको भक्षक जस्तो देखिन आएको’ बताएका छन् ।
संसदीय मुल्य मान्यता बोकेका मुलुकहरुले सबै समस्याको समाधान संसदबाट नै खोज्नु पर्छ भन्ने मान्यता नेपाल तरुण दलले राख्ने समेत उनले बताएका छन् ।

पढ्नुस् विज्ञप्तीको पूर्ण पाठ

विषयः प्रेस विज्ञप्ती

प्रस्तुत विषयमा प्रमुख प्रतिपक्षी दल लगायतका विपक्षी दलले संसद बैठकको माग गरिरहेको बेला महिनौ देखि संसदलाइ बन्धक बनाएर र उप(सभामुख जस्तो गरिमामय पद खाली राखेर प्रधानमन्त्रीले आफ्नो स्वैच्छाचारी तरिकाले ल्याएको संवैधानिक परिषदसम्बन्धी अध्यादेश अत्यन्तै अलोकतान्त्रिक, संविधानको मर्म र भावना विपरीत छ । त्यसैले उक्त अध्यादेश तुरुन्त फिर्ताका लिन र जारी अध्यादेश लाई टेकेर तत्काल कुनै पनि निर्णय नगर्न नेपाल तरुण दल केन्द्रिय समिति अनुरोध गर्दछ । संसदीय मुल्य मान्यता बोकेका मुलुकहरुले सबै समस्याको समाधान संसदबाट नै खोज्नु पर्छ भन्ने मान्यता नेपाल तरुण दलले राख्दछ । साथै सम्माननिय राष्ट्रपति ज्युको भुमिका सबै नागरिकको अभिभावक हुनुपर्नेमा प्रधानमन्त्रीको कारिन्दा र संबिधानको भक्षक जस्तो देखिन आएको हुँदा राष्ट्रपतिलाई महाअभियोग र प्रधानमन्त्रीलाई अबिश्वासको प्रस्तावबाट पदबाट हटाई मुलुकलाई संकटबाट मुक्त गर्नका लागि नेपाल तरुण दल केन्द्रिय समिति जोडदार माग गर्दछ । हाम्रो माउ पार्टी नेपाली कांग्रेसले सर्बसत्ताबादका विरुद्ध सडक संघर्ष सुरु गरिसकेको र आन्दोलन अझै सशक्त हुने जानकारी समेत गराउदछौ ।
जय नेपाल ।

जित जङ्ग बस्नेत
अध्यक्ष

कमेन्ट गर्नुहोस्