हट्यो जोर–बिजोर प्रणाली (सूचनासहित)

काठमाडौंः शुक्रबारदेखि काठमाडौं उपत्यकामा सार्वजनिक तथा निजी सवारीमा लगाइएको जोर–बिजोर प्रणाली हट्ने भएको छ ।

काठमाडौंका प्रमुख जिल्ला अधिकारी कालीप्रसाद पराजुलीले तोकिएको स्वास्थ्य मापदण्ड पालना गरेर सबै सार्वजनिक र निजी सवारी चल्न दिने निर्णय भएको जानकारी दिए । शहरमा बढेको यात्रुको चापलाई ध्यानमा राखेर शुक्रबारदेखि लागू हुनेगरी जोर–बिजोर प्रणाली हटाउने निर्णय भएको हो ।

याे पनि पढ्नुस  ‘जहाँ कोरोना संक्रमितको मृत्यु, त्यहीँ अन्त्येष्टि’

जिल्ला प्रशासन कार्यालय काठमाडौंले कम सार्वजनिक सवारी सञ्चालन रहँदा कोरोनाको जाखिम झन बढन सक्ने भन्दै जोर बिजोर प्रणाली हटाउने निर्णय गरेको हो ।

कार्यालयले मापदण्ड पालना नगरी सवारी साधन संचालन गरेमा अनुगमन गरी संक्रामक रोग ऐन, २०२० बमोजिम कारबाही गरिने समेत बताएको छ । असोज १ देखि काठमाडौं जिल्लाभरि सवारी साधन जोरबिजोर प्रणाली लागू गरिएको थियो ।

याे पनि पढ्नुस  आज कहाँ कति संक्रमित थपिए ? (सूचीसहित)

कमेन्ट गर्नुहोस्