संसद् विघटनविरुद्व कांग्रेसः यस्ता गर्‍यो ३ निर्णय (सूचीसहित)

काठमाडौंः नेपाली कांग्रेसले संसद् विघटनप्रति गम्भीर रुपले ध्यानाकर्षण भएको जनाएको छ ।

संसद् विघटनपछि आइतबार कांग्रेस केन्द्रीय कार्यसमितिका पदाधिकारी एवं पूर्व पदाधिकारीहरुको बैठक सभापति शेरबहादुर देउवाको निवासमा बसेको थियो ।

बैठकले संसद् विघटन सरकारको घोर अधिनायकवादी, सर्वसत्तावादी, निरंकुश र स्वेच्छाचारी चरित्रबाट उत्पन्न लोकतान्त्रिक मूल्य, मान्यता र संवैधानिक व्यवस्था प्रतिकुल बदनियतपूर्ण निन्दनिय कार्य रहेको ठहर गरेको छ । सरकारले गरेको यो निर्णयले संघीय लोकतान्त्रिक गणतन्त्रात्मक संविधान भत्काउने र मुलुकलाई अस्थिरता, अनिश्चितता, अराजकता र असफलतातर्फ लैजाने गम्भीर षडयन्त्रमूलक काम गरेको उसले जनाएको छ ।

याे पनि पढ्नुस  निर्वाचनमा उम्मेदवारको टुङ्गो लगाउँदै नेपाली काँग्रेस

‘विगतको निर्वाचनमा स्थिरता, शान्ति र संमृद्धिको नारा दिएर झन्डै दुई तिहाई जनमत प्राप्त गरेको वर्तमान सरकारले जनताबाट प्राप्त जनादेशको अपमान गरेको छ । कोभिड—१९ को माहामारीले जनता सर्वाधिक पिडामा रहेको अवस्थामा नेपाल कम्युनिष्ट पार्टीको सरकार जनताका जन–जिवीका र सुविधाका विषयबाट विमुख र निरपेक्ष हुदै, आफ्नो पद र शाक्तिका लागि सत्ता संघर्षमा केन्द्रीत रह्यो’, बैठकपछि मुख्य सचिव कृष्णप्रसाद पौडेल जारी विज्ञप्तिमा भनिएको छ, ‘पछिल्ला घटना क्रमले कम्युनिष्ट पार्टी र सरकार देश र जनताका हितमा सत्ता संचालन गर्न अक्षम र जनताप्रति गैर जिम्मेवार र अनुत्तरदायी रहेको प्रष्ट छ । प्रारम्भदेखि नै असफलतातर्फ उन्मुख सरकारको यो कदम संवैधानिक मूल्य र लोकतान्त्रिक मान्यता विपरित कार्यहरुको श्रखृलाको निरन्तरता हो ।’

याे पनि पढ्नुस  कांग्रेस महाधिवेशन फागुन ७ देखि १० सम्म, महत्वपूर्ण निर्णय हुँदा पौडेल पक्ष अनुपस्थित

नेपाली कांग्रेसले सरकारका कारण उत्पन्न यो असहज परिस्थितिमा नेपाली जनता सामु नेपालको संघीय लोकतान्त्रिक गणतन्त्रात्मक संसदीय शासन व्यवस्था र संविधानको संरक्षण गर्दै मुलुकलाई सही मार्गमा डोर्याउन आफ्ना सबै प्रयत्न केन्द्रीत गर्ने प्रतिवद्धता व्यक्त गरेको छ ।

साथै कांग्रेस पार्टी सभापति देउवाको नेतृत्वमा संसदमा क्रियाशील अन्य राजनीतिक दलहरुसंग समन्वय र सल्लाह गरी लोकतान्त्रिक पद्धतिको संरक्षणका लागि कार्य गर्ने बैठकले निर्णय गरेको छ ।

याे पनि पढ्नुस  संसद् विघटनः रिट निवेदक पक्षका वकिलको बहस सकियो, भोलिदेखि विपक्षीको शुरू हुने

कमेन्ट गर्नुहोस्