लोकतन्त्रको रक्षा गर्न पछिल्लो कदम चालेको हुँः प्रधानमन्त्री ओली

काठमाडौंः प्रधानमन्त्री केपी शर्मा ओलीले आफूमाथि र राष्ट्रपतिमाथि महाअभियोगको प्रस्ताव ल्याउने तयारी गरेपछि लोकतन्त्रको रक्षा गर्न आफूले बाध्य भएर पछिल्लो कदम चालेको बताएका छन् ।

संसद पुनस्र्थापना गर्न संविधानले नदिने र त्यो सपना नदेख्न ओलीले आग्रह गरे । ‘अब नयाँ सरकार बन्ने पनि विकल्प छैन, संसद् पुनस्र्थापनाको पनि विकल्प छैन’,उनले भने । नयाँ निर्वाचन भए मात्र त्यो सम्भव हुने उनले बताए । संविधानको धारा ७६ अनुसार आफूले प्रतिनिधिसभा विघटन गरेको र त्यो आफ्नो कदम असंवैधानिक नभएको उनले दाबी गरे ।

याे पनि पढ्नुस  नेपालमा कोरोना भाइरसले महामारी रुप लिन सक्दैनः प्रम ओली

नेकपा उपत्यकामा उपलब्ध सुदूरपश्चिम प्रदेश स्तरीय बुधबार आयोजित कार्यकर्ता भेलामा प्रधानमन्त्री ओली भने, ‘लोकतान्त्रिक गणतन्त्र विचार टुङ्गो लगाएर आफूहरु अघि बढेको छौं । मुलुकको लोकतन्त्रलाई खतरामा पर्न दिइँदैन । सामाजिक न्यायसहितको लोकतन्त्र, सुशासन र आर्थिक विकासकै बाटोमा लोकतन्त्र जानुपर्छ ।’

याे पनि पढ्नुस  नेतृत्वमा परिवर्तन र सुधार भए प्रशासनले प्रतिफल दिनसक्छः प्रधानमन्त्री ओली

सुदूरपश्चिमले विकासको पथ समाटिसकेको बताउँदै उनले भने, ‘त्यहाँको विकासकै लागि आफ्नो नेतृत्वको सरकारमा चारजना मन्त्री बनाएको छु । विकासको, अग्रगमनको डुङ्गा अघि बढ्यो, अब प्रचण्ड–माधव समूह पछाडि छुट्यो । केही समय डुङ्गा समाटेर मलाई अल्झाउनुभयो, अल्झाउन खोज्नुभयो तर अब हामी अगाडि बढ्यौं ।’

याे पनि पढ्नुस  सिंगापुरमा उपचार गराएर स्वदेश फर्किँदै प्रधानमन्त्री ओली

‘म विमारी पर्नासाथ अब मरिहाल्छ भने म मरिनँ, अहिले वैशाखसम्म मात्र आयु हो भनिरहेका छन्, यो भविष्यबाणी पनि मिल्दैन, हेर्नुहोला । एकातिर चुनाव हुँदै हुँदैन भन्नुहुन्छ, अर्कोतिर वैशाखपछि ओलीको पत्तासाफ हुन्छ भन्नुहुन्छ, कुरा कहाँ मिल्यो ?’ ओलीले टिप्पणी गरे ।

कमेन्ट गर्नुहोस्