म ओलीको ठाउँमा भएको भए अविश्वास प्रस्ताव दर्ता गर्नु अघि नै राजीनामा दिन्थेंः गौतम

काठमाडौंः राष्ट्रिय सभाका सांसद तथा नेकपा उपाध्यक्ष वामदेव गौतमले पार्टीका नेताहरुले आफूविरुद्ध अविश्वासको प्रस्ताव लगिँदैछ भन्ने थाहा पाएपछि प्रधानमन्त्री केपी शर्मा ओलीले राजीनामा दिनुपर्ने तर्क गरेका छन् ।

अल्पमतमा परेपछि प्रधानमन्त्रीले राजीनामा दिनुपर्ने बताउँदै उनले अगाडि थपे, ‘उहाँले मलाई अविश्वासले बर्खास्त गर्नुभयो भने त्यो दुर्भाग्यपूर्ण हुनेछ भन्नुभएको थियो । अल्पमतमा परे प्रधानमन्त्रीबाट राजीनामा दिनुपर्दछ । त्यसो भएको भए पार्टी जोगिन्थ्यो । म भए अविश्वास प्रस्ताव दर्ता गर्नु अघि नै राजीनामा दिन्थें । मैले मेहेनत गरेर निर्माण गरेको पार्टी जोगिन्थ्यो ।’

याे पनि पढ्नुस  प्रधानमन्त्री ओलीद्वारा बुद्ध प्रतिमामा माल्यार्पण

बिहीबार राष्ट्रियसभा बैठकलाई पहिलोपटक सम्बोधन गर्दै प्रधानमन्त्री ओलीको कार्यशैलीका कारण पार्टी विभाजनको संघारमा पुगेको उनले आरोप लगाए ।

संसद् विघटनको विषय अदालतमा पुगेकोले आफू चुप लागेको बसेको बताएका छन् । उनले नेकपा दुई समूहमा विभाजित भए पनि आफू कुनै गुटमा नरहेको बताए ।

ओलीको कार्यशैलीका कारण पार्टी विभाजनको संघारमाः गौतम

कमेन्ट गर्नुहोस्