‘‘मिल्ने भए दुःख हटाइ खुशी किन्थेँ आमा’ भन्दै पोर्चुगलमा एक नेपालीले गरे आत्महत्या

पोर्चुगल : पोर्चुगलको राजधानी लिस्बनमा बझाङका एक नेपालीको मृत्यु भएको छ ।

पोर्चुगलाई कर्मथलो बनाउँदै आएका बझाङका २७ वर्षीय सुरत कुँवर शुक्रबार नेपाल आउने तयारीमा रहेको अवस्थामा फेसबुकमा ‘मिल्ने भए दुःख हटाइ खुशी किन्थेँ आमा, आफ्नो को हुन् पराइ को हुन् सबै चिन्थेँ आमा’ स्टाटस सेयर गरेर आफू बस्दै आएको होस्टेलको चार तलाबाट हाम फाल्दा घटनास्थलमै मृत्यु भएको हो ।

एउटै होस्टेल कोठामा बसेका साथी र परिवारका सदस्यलाई आफ्नो आत्महत्या गर्ने आफ्नो बोली अन्तिम भनेर भनेपछि कुँवरले साथी भान्सा कोठामा गएको मौका छोपी हामफालेको कुरा पोर्चुगाली प्रहरीले बताएको छ । त्यसैगरी कोरोनाका कारण सोलुखुम्बू घर भई विगत एक वर्षदेखि पोर्चुगल रहनुभएकी तारादेवी परियारको निधन भएको छ ।

आफ्नै घरमा ग्यास पड्केपछि घाइते भएकी परियारलाई उपचारका क्रममा कोरोना पोजिटिभ देखिएको थियो । अङ्ग्रेजी वर्ष २०२१ को आगमनसँगै पोर्चुगलमा ज्यान गुमाउने नेपाली सङ्ख्या तीन पुगेको छ ।

राससको समाचारमा यसअघि दिनेश कुँवर लेखिएकोमा सो नभइ सुरत कुँवरको निधन भएको जानकारी भएकोले सच्च्याइएको छ ।

कमेन्ट गर्नुहोस्