प्रधानमन्त्रीलाई राष्ट्रिय सभा सदस्यको सुझावः संविधान पढ्नुस्, गेस पेपर पढेर हुँदैन

काठमाडौंः प्रधानमन्त्री केपी शर्मा ओलीलाई राष्ट्रिय सभाका सदस्यले संविधान पढ्न सुझाव दिएका छन् ।

राष्ट्रिय सभामा प्रधानमन्त्री ओलीको सम्बोधनपछि राष्ट्रिय सभा सदस्यले संविधान पढ्न सुझाव दिएका हुन् । उनीहरूले संसद् विघटन असंवैधानिक, अलोकतान्त्रिक भएको भन्दै आलोचना गरे ।

राष्ट्रिय सभा सदस्य प्रकाश पन्तले ओलीलाइ संविधान पढ्न सुझाव दिए । उनले भने, ‘संसद् विघटन गर्ने अधिकार संविधानमा छैन । संविधान पढ्नुस राम्रोसँग । गेस पेपर पढेर हुँदैन ।’

याे पनि पढ्नुस  नेकपा विवादः यी विषयमा हुँदैछ सहमति

उनले चुनाव त राजाले पनि गर्छु भनेको भन्दै चुनाव हुनेमा पनि आशंका व्यक्त गरे । उनले प्रश्न गर्दै भने, ‘संसद् विघटन गरेर चुनाव गराउने कुरा नहर भत्काएर रोपाईँ गर्न जाँ भनेजस्तो भएन र ?

राष्ट्रिय सभा सदस्य जितेन्द्र देवले संसद् विघटन अलोकतान्त्रिक र असंवैधानिक भएको दाबी गरे । उनले ओलीले राष्ट्रिय सभामा गरेको सम्बोधनमा पूर्ण असहमति प्रकट गरे ।

याे पनि पढ्नुस  ओली-प्रचण्डबीचको निर्धारित बैठक स्थगित

राष्ट्रिय सभा सदस्य प्रमिला कुमारीले संसद् विघटनले सम्पूर्ण उपलब्धमाथि तरबार झुण्ड्याएको भन्दै चिन्ता व्यक्ति गर्नि । उनले संसद् पुनःस्थापना हुनुपर्ने माग गरिन् ।

राष्ट्रिय सभाका सदस्य रमेशजंग रायमाझीले संविधानको गलत धारा प्रयोग गरेर संसद् विघटन गरिएको आरोप लगाए । उनले सरकार गठन गर्ने विकल्प हुँदाहुँदै किन असंवैधानिक कदम चालेको भनेर प्रश्न गरे ।

याे पनि पढ्नुस  कोभिड–१९ विरुद्धको खोपको शुभारम्भ, तीन महिना भित्र सबैले पाउँछन्ः प्रधानमन्त्री ओली

राष्ट्रिय सभाका सदस्य अनिता देवकोटाले सत्ता यात्रा टुङ्गिने भएपछि संसद्को घाँटी रेट्ने प्रधानमन्त्री ओलीले कसरी चुनाव गराउँलान् भनेर प्रश्न गरिन् ।

कमेन्ट गर्नुहोस्