भारतले फेरि लगायो पाम आयलमा प्रतिबन्ध, नेपाली तेल उद्योग धरासयी हुँदै, ठूलो लगानी पनि जोखिममा

काठमाडौं । भारतले पाम आयलमा प्रतिबन्ध लगाएपछि नेपाली तेल उद्योग धरासयी हुँदै गएका छन् । यसरी भारतले पाम आयलमा प्रतिबन्ध लगाउँदा पर्सा, बारामा रहेका ९० प्रतिशत तेल उद्योग धरासायी हुँदै गएका हुन् ।

पाम आयल आयातमा प्रतिबन्ध लगाएपछि व्यवसायीहरुको ठूलो लगानी पनि जोखिममा परेको छ । नेपालबाट निकास हुने प्रमुख वस्तुमध्ये एक पाम तेल नै हो ।

पाम आयलको आयातमा भारतले एकपक्षीयरूपमा प्रतिबन्ध लगाउँदा यसले पर्सा, बारामा रहेका ९० प्रतिशत तेल उद्योग बन्द हुने अवस्थामा पुगेको नेपाल चामल, दाल, तेल उद्योग सङ्घका अध्यक्ष सुवोधकुमार गुप्ताले बताए ।

याे पनि पढ्नुस  चीनका केही शहरमा कुकुर र बिरालाको मासुमाथि प्रतिबन्ध किन लगाइयो ?

आर्थिक वर्ष २०७६र७७ मा निकासीको सूचीमा रहेको प्रशोधित पाम आयल चालु आर्थिक वर्षको साउनदेखि मङ्सिरसम्म निकासीको सूचीबाट हटेको छ ।

पाम आयल उत्पादन गरी भारतमा निकासी हुने मुख्य २० वस्तुको सूचीबाट पाम आयल हटेका कारण यस क्षेत्रका उद्योग आर्थिक मारमा पर्दै गएको छ ।

इण्डोनेसिया, क्यानाडालगायत तेस्रो मुलुकबाट भारतको बाटो हुँदै आयात भइरहेको पाम आयल नेपालमा प्रशोधन गरी पुनः भारतीय बजारमा पठाइने गरिएको थियो । पाम आयलको माग भारतमा उच्च छ ।
भारतले पाम आयल आयातमा प्रतिबन्ध लगाएपछि गत वैशाखदेखि यसको निकासी हुन नसकेको वीरगञ्ज भन्सार कार्यालयका भन्सार अधिकृत रमेश सुकमनीले बताए ।

याे पनि पढ्नुस  ट्रम्पद्धारा चीनमाथि प्रतिबन्ध लगाउन सक्ने चेतावनी!

भारतमा पाम आयल निर्यात गर्न नपाएर अहिले उद्योगी सोयाबिनको प्रशोधित तेल निकासी गरिरहेका छन् । अहिले उद्योगीहरुले बाध्य भएर सोयाबिन तेल निकासीमा जोड दिएरहेका छन् ।

चालु आर्थिक वर्षको पहिलो पाँच महिनामा रु नौ अर्ब १० करोड मूल्य बराबरको ६३ हजार १०१ मेट्रिक टन भटमासको प्रशोधित तेल भारततर्फ निर्यात भएको छ ।

याे पनि पढ्नुस  डब्लूएचओको अपील- वन्यजन्तुको मासुको व्यापारमाथि कडा प्रतिबन्ध लगाऊँ

नेपाली उत्पादन भारतमा जाँदा भारतीय उद्योग प्रभावित हुन थालेपछि भारत सरकारले यस्तो कदम चालेको उद्योगी बताउँछन् ।नेपालबाट प्रशोधन भएर भारत जाने पाम आयलले ८० प्रतिशत भारतीय बजार ओगटेको बताइन्छ ।

कमेन्ट गर्नुहोस्