हाई अलर्टमा अमेरिकी सेना, ५० वटै राज्यमा उच्च सतर्कता

काठमाडौं । अमेरिकी संसदमा केही समय अगाडि भएको ह्रिंश्रक प्रदर्शन दोहोरिने सूचना पाएपछि अमेरिकामा सेनाले उच्च सर्तकता अपनाएको छ ।

पराजित राष्ट्रपति डोनाल्ड ट्रम्पका समर्थकहरुले देशव्यापी हिंसा मच्चाउन सक्ने आशंका भएपछि देशैभरि सेनाले उच्च सतर्कता अपनाएको हो ।

आगामी जनवरी २१ मा नव निर्वाचित राष्ट्रपति जो बाइडेनले शपथ ग्रहण लिइरहेकोले सो को बिरोधमा ट्रम्प समर्थकहरुले हिंसा फैलाउन सक्ने सुरक्षा एजेन्सीहरुको आशंका रहेको छ ।

याे पनि पढ्नुस  बाइडेनले जिते २९० सीट, ७ करोड बढी भोट पाएको भन्दै ट्रम्पद्वारा जीतको दावी

फेडरल ब्यूरो अफ इन्भेष्टिगेसनले देशका पचास वटै राज्यमा ट्रम्पका समर्थकहरुले हिंसा फैलाउने चेतावनी दिएको छ । वाशिङ्टन डिसीमा भने कर्फ्यूको घोषणा यसअघि नै गरिएको छ । डिसीमा रहेको नेशनल मल बन्द गरिएको छ । यसैगरी डिसीको सडकमा भारी मात्रामा सुरक्षाकर्मी तैनाथ गरिएको छ ।

याे पनि पढ्नुस  ट्रम्पद्वारा सम्बोधन, बाइडेनले ठगी र धाँधली गरेको आरोप, वैध भोटले जितेको दावी, मतगणना रोक्न माग, तत्काल परिणाम घोषणा नहुने (अपडेट)

हिंसात्मक अभिव्यक्ति दिएको भन्दै ट्विटर, फेसबुक र अन्य बिभिन्न वेभ एपहरुले राष्ट्रपति डोनाल्ट ट्रम्पका एकाउन्ट यसअघि नै बन्द गरिसकेको छ

सबै जसो राज्यहरुले पूर्व सर्तकताका लागि आवश्यक प्रबन्ध गरेका छन् । मेरिल्याण्ड, न्यू मेक्सिको र उताहमा पनि संकटकालको घोषणा गरिएको छ । यसैगरी शनिवारदेखि शपथ ग्रहणको अवधिसम्म टेक्सासले पनि संसद भवन बन्द गरेको छ ।

याे पनि पढ्नुस  आफ्नै पार्टीमा एक्लिए ट्रम्प, निर्वाचन परिणाम स्वीकार्ने विषयमा गम्भीर मतभेद

 

कमेन्ट गर्नुहोस्