२ दिनदेखि बन्द बेंसीशहर-चामे सडक खुल्यो

लमजुङ : लमजुङ र मनाङ जिल्ला जोड्ने बेंसीशहर-चामे सडक सञ्चालनमा आएको छ । सो सडक तीनदिनदेखि बन्द रहेको थियो ।

मर्स्याङ्दी गाउँपालिका-४ स्याँगेनिरको सडक ढलान गर्नलाई गत मङ्गलबार बिहानदेखि सडक बन्द गरिएको थियो । सो स्थानमा ढलान सम्पन्न भएसँगै सडक सञ्चालनमा आएको हो ।

डुम्रे-बेंसीशहर-चामे सडक योजना कार्यालयका सूचना अधिकारी सुरज महर्जनले शुक्रबार बिहानदेखि सो सडक सञ्चालनमा आएको जानकारी दिए । उनले ६५ किलोमिटर सडकमध्ये ३५ किमी लमजुङतर्फ र ३० किमी हिमाली जिल्ला मनाङमा पर्ने बताए ।

याे पनि पढ्नुस  पोखरीमा भेटियो २ युवकको शव

हिमाली जिल्ला मनाङलाई सडक सञ्जालसँग जोड्ने सरकारको योजनाअनुरुप सडक डिभिजन कार्याल तनहुँले विसं २०५१ बाट सडक निर्माण थालनी गरेको थियो । विविध कारणले विसं २०५७ मा तत्कालीन नेपाली सेनाले निर्माणको जिम्मा लियो । सेनाले यस सडक विसं २०६९ मा निर्माण सम्पन्न गर्दै सडक डिभिजन कार्यालयलाई हस्तान्तरण गरेको थियो । सडक सञ्चालनमा आएयता वर्षेनी वर्खायाममा पटकपटक सवारी साधन अवरुद्ध हुँदै आएको छ ।

यस सडकमा मर्स्याङ्दी नदीमाथि ३०० देखि दुई हजार ६०० मिटरमाथि हुँदै सवारी साधन सञ्चालन हुन्छ । वर्षेनी सरकारले करोडौँ रकम खर्च गर्दै आए पनि सडक सुधार नहुँदा जोखिमपूर्ण यात्रा गर्न यात्रु बाध्य हुँदै आएका छन् ।

याे पनि पढ्नुस  लमजुङमा बस दुर्घटना हुँदा एकको मृत्यु, ४ जना गम्भीर घाइते

यस वर्षसमेत दर्जनौं पटक विभिन्न स्थानमा पहिलो जाँदा सडक अवरुद्ध हुन पुग्यो । यस खडकखण्ड अन्तर्गत बेंसीशहर नगरपालिका–६ खरखरे भीर, बेलौती बिसौना–७ पुवाखोला, मर्स्याङ्दी गाउँपालिकास्थित रामबजार, घोप्टेभिर, स्यागे, च्याम्चेदेखि मनाङको नासों गाउँपालिकाको म्यार्दी, तालडाँडालगायतका स्थानमा बाढिपहिरोले क्षति पुर्‍याएको थियो ।

गत साउन ४ गते आएको बाढीपहिरोले योमध्ये बेलौती बिसौनामा रहेको स्याव कल्भर्ट र पुवाखोलामा आएको बाढीपहिरोले पुवाखोालमा राखिएको कल्र्वे बगाउँदा करिब एक करोड रुपैयाँको क्षति भएको डुम्रे–बेंसीशहर–चामे सडक योजनाले जनाएको छ ।

याे पनि पढ्नुस  लमजुङको सुन्दरबजार नगरपालिका–२ मा पनि नेकपाका उम्मेद्वार विजयी

योजनाका अनुसार यस वर्ष आएको बाढीपहिराले सडकको सबै स्थानबा गरी करिब साढे एक करोड रुपैयाँ बराबरको क्षति पुगेको छ । सङ्घीय सरकारले यस वर्षसमेत सडक स्तरोन्तीको लागि २३ करोड ५८ लाख रुपैयाँ विनियोजन गरेको र सो रकमबाट आवश्यकअनुसार सडकको काम गर्दै आइरहेपनि सडकमा जोखिम भने कायम रहेको उक्त योजनाले जनाएको छ ।

कमेन्ट गर्नुहोस्