भिजिट भिसामा कडाइ : महिलालाई पारिवारिक सहमति र वडाको सिफारिस अनिवार्य

काठमाडौं : अध्यागमन विभागले विदेशमा भिजिट भिसामा जाने नेपालीले भिसाको दुरुपयोग गरेको ठहर गर्दै अध्यागमन कार्यविधि संशोधनको प्रस्ताव मन्त्रालयमा पठाएको छ ।

अध्यागमन विभागका महानिर्देशक रमेशकुमार केसीले महिलाहरू एक्लै विदेश जाँदा पारिवारिक सहमति र वडा कार्यालयको सिफारिस अनिवार्य चाहिनेलगायत केही नयाँ प्रावधान ल्याउन प्रस्ताव गृह मन्त्रालयमा पठाइएको जानकारी दिए ।

साथै, उक्त प्रस्तावमा विदेश जानेहरूको हकमा १५ लाखको बीमा र १ हजार डलर अनिवार्य लिएर जानुपर्ने प्रस्ताव गरिएको उनले जानकारी दिए ।

याे पनि पढ्नुस  साउदी अरेबियामा बहिर्गमन भिसाको निवेदन खुल्यो

विभागका अनुसार जोखिममा देखिने ४० बर्ष मुनिका महिलाको लागि विदेशमा गएर समस्यामा नपरुन भनेर नयाँ केही नियम ल्याउन खोजिएको हो । यो नियम सवै देशमा लागू नभएर जोखिम मुलुकमा लागू गर्न खोजिएको विभागले जनाएको छ ।

साथै, पटकपटक विदेश जाने र आउने गरेका महिलाको हकमा पारिवारिक सहमति र वडा कार्यालयको सिफारिस आवश्क नपर्ने समेत महानिर्देशक केसीले स्पष्ट पारे । विभागले सरोकारवाला निकायसँग छलफल गरी उक्त केही नयाँ नियम संशोधनका लागि विभागले एक साताअघि मन्त्रालयमा प्रस्ताव पठाएको हो ।

याे पनि पढ्नुस  युएईमा भिसा सम्बन्धी नयाँ नियम, हजारौं नेपाली प्रभावित हुने

भिजिट भिसामा गएर अलपत्र पर्ने क्रम बढिरहेकोले यसलाई कसरी रोक्न सकिन्छ भनेर विभागले नयाँ नियम ल्याउन खोजिएको उनले बताए । भिजिट भिसामा जाने नेपालीको हकमा अब थपिने कार्यविधि संशोधनमा भिजिट अवधिभरको लागि बीमा, घुम्न जानेको उद्देश्य, घुम्न जान सक्ने आधार क्षमता खुल्ने खालका आधार आवश्यक पर्नेछ ।

याे पनि पढ्नुस  पक्राउ परेका चिनियाँलाई लिन दुई विमान नेपालमा

कुनै संघ, संस्था वा व्यक्तिले दुरुपयोग गरेर लैजानेलाई पनि निगरानी बढाएर भागीदार बनाउने विभाग भनाइ छ । घुम्न जाने व्यक्तिको बीमा अनिवार्य गरियो भने पनि कुनै प्रकोप आए वा अलपत्र परे बीमा बापत केही राहत मिल्ने अध्यागमन विभागको ठहर छ । गोरखापत्र अनलाइनबाट

कमेन्ट गर्नुहोस्