ओलीलाई संकेत गर्दै भीम रावलको कविताः उठ हो युवा भष्मासुर भगाउन !

युवा हो उठ !

युवा हो उठ एक भई जुट यो देश जोगाउन
कम्युनिष्ट मास्ने राज्यलाई नाष्ने भष्मासुर भगाउन,

हामीले सोच्यौँ स्वाधीनता देशको हिमालझैँ उठाउन
विश्वका सामु समाजवादयुक्त नेपाल चिनाउन ।

कस्तो हो तिम्रो खड्कको धार आफैंलाई सिध्याउने
न्यायका प्यारा श्रमशीलहरुको चित्कारमा रमाउने !

याे पनि पढ्नुस  भीम रावलले भने, ‘भिडियो कन्फ्रेन्सबाटै मन्त्रिपरिषद बैठक गर्नु गलत’

सत्ताको लागि विधान मिच्दै नैतिकता गुमाउने
मित्रघात गर्दै स्वार्थका लागि सामन्त समाउने,

शक्ति र धनको उन्मादमा तिमीले सुखानी बिर्सेछौ,
जाली र झेली देशमारातर्फ किन हो फर्केछौ ।

षड्यन्त्र तिम्रो फुट्ने छ छिट्टै माटोको हाँडि झैँ
तिरस्कार तिम्रो हुनेछ यहाँ देशभक्त एक भई,

याे पनि पढ्नुस  रअ प्रमुखसँग प्रधानमन्त्रीको भेटवार्ता मर्यादाविपरीत र आपत्तिजनक: भीम रावल

रक्षाका लागि सिर्जना हाम्रो संगठित भएर
यो मातृभूमि सुरक्षित गर्ने कसम खाएर,

उठाई माथि रिक्तम झण्डा बचाऔँ स्वाभिमान
चकनाचुर पार्दै विश्वासघाती दुष्कार्य अभिमान ।

(२०७७ साल चैत्र १० गते नेपाल प्रज्ञा प्रतिष्ठान आयोजित अनेरास्ववियु राष्ट्रिय भेलामा प्रस्तुत ।)

कमेन्ट गर्नुहोस्