ललितपुर महानगरले ल्‍यायो शिक्षकको स्वेच्छिक अवकाश योजना

काठमाडौंः ललितपुर महानगरपालिकाले शिक्षकका लागि स्वेच्छिक अवकाश योजना ल्याएको छ । महानगरभित्र सञ्चालित सामुदायिक विद्यालयहरुमा कार्यरत ५० वर्ष उमेर पुगेका स्थायी शिक्षकका लागि स्वेच्छिक अवकाश योजना ल्याएको हो ।

महानगरले सूचना जारी गर्दै ५० वर्ष उमेर पुगेका स्थायी शिक्षकले अवकाश लिन चाहे सेवा अवधिका आधारमा सुविधा दिने घोषणा गरेको छ । दरबन्दी मिलानलाई सहज बनाउन यस्तो प्याकेज प्रस्ताव अगाडि सारिएको महानगरको भनाइ छ ।

याे पनि पढ्नुस  ललितपुर महानगरले २०० जनालाई साइकल खरिदका लागि सहयोग गर्ने

महानगरपालिकाले २०७८ साल साउनपछि एक वर्ष सेवा अवधि बाँकी रहेका शिक्षकका लागि एक लाख, दुई वर्ष सेवा अवधि बाँकी रहेकालाई १ लाख ५० हजार, ३ वर्ष सेवा अवधि बाँकी रहेकालाई २ लाख, ४ वर्ष सेवा अवधि बाँकी रहेकालाई २ लाख ५० हजार र ५ देखि १० वर्ष सेवा अवधि बाँकी रहेका शिक्षकलाई तीन लाख रुपैयाँ दिने घोषणा गरेको छ ।

याे पनि पढ्नुस  ललितपुर महानगरले पाटन अस्पताललाई गर्यो १ करोड आर्थिक सहयोग

स्वेच्छिक अवकाश लिन चाहने शिक्षकले ३० दिनभित्र कागजातसहित महानगरपालिकाको शिक्षा महाशाखामा निवेदन दिनुपर्नेछ ।

कमेन्ट गर्नुहोस्