एमालेका यी चार सांसद : जसले ‘फ्लोर क्रस’ गरेर माओवादीलाई साथ दिए

सुर्खेत : नेकपा एमालेका कर्णाली प्रदेशका चार सांसदले माओवादी केन्द्रको सरकार जोगाएका छन् । प्रकाश ज्वाला, कुर्मराज शाही, नन्दसिंह बुढा र अम्बरबहादुर थापाले ‘फ्लोर क्रस’ गरेका हुन् ।

प्रकाश ज्वाला माधव नेपालपक्षीय एमालेको कर्णाली प्रदेशका संयोजक हुन् । उनी केही दिनअघिसम्म शाही सरकारमा अर्थमन्त्री थिए । त्यस्तै नन्दसिंह बुढा पनि प्रकाश ज्वालासँगै मन्त्री थिए ।

याे पनि पढ्नुस  कर्णालीमा कोरोना जित्नेको संख्या ५०८ पुग्यो

कालीकोटका कुर्मराज शाही र दैलेखका अम्बरबहादुर थापा भने अब मन्त्रिपरिषदमा समेटिने समझदारी भएको छ । कर्णालीमा माधव नेपाल पक्षका ९ सांसद छन् । उनीहरूले जति मत चाहिने हो त्यति शाहीको पक्षमा दिने समझदारी अनुसार चारजनाले दिएका हुन् ।

नेकपा एमालेकै सांसद देवी ओलीले भने विश्वासको मतको पक्षमा दिएको मत सभामुखले निर्धारण गरेको समयमा सच्याएकी थिइन् । विश्वासको मतको पक्षमा बहुमत पुगेको थाहा पाएपछि उनले मत सच्याएकी हुन् ।

याे पनि पढ्नुस  ‘कर्णाली प्रदेशमा कोरोनाको संक्रमण शून्य’

कमेन्ट गर्नुहोस्