महामारीको रौद्र रुपः विवश र असहाय जनता, लास जलाउन समेत घण्टाै लाइन, एकैदिन साढे ३ लाख संक्रमित

नयाँ दिल्ली । भारतमा कोरोना महामारीको भयंकर अवस्था देखा परेको छ । सरकार, स्वास्थ्य संस्था तथा नागरिकहरुको प्रयासका वावजूद समेत कोरोना संक्रमण रोकिन सकेको छैन । महामारीको यो भयानक त्रासदी झेल्न भारतीय जनता विवश बनेका छन् ।

कोरोना महामारीले सबैभन्दा बढी दयनीय अवस्थामा स्वास्थ्य संस्थाहरु रहेका छन् । अस्पतालहरुमा अक्सिजनको कमीका कारण चिकित्सकहरु भावविह्वल भएर सार्वजनिक अपिल गर्न पुगेका छन् ।

शनिबारका दिन मात्रै भारतमा ३ लाख ४९ हजार नयाँ संक्रमित थपिएका छन् । पछिल्लो चार दिनमा मात्रै भारतमा १० लाख भन्दा बढी संक्रमित थपिएका छन् । शनिवार मात्रै २७६१ जनाको मृत्यु भएको छ । यी मध्ये दर्जनौं बिरामीहरु अक्सिजनको कमीका कारण मर्न बाध्य बनेका छन् ।

याे पनि पढ्नुस  आकाशमा नै पाइलटलाई कोरोना संक्रमणको पुष्टि भएपछि...

भारतमा सबैभन्दा धेरै संक्रमण महाराष्ट्रमा देखिएको छ । शनिवार मात्रै महाराष्ट्रमा ६७ हजार १७० जनामा कोरोना देखिएको छ । महाराष्ट्रपछि कर्नाटक, केरला, नयाँ दिल्ली, उत्तर प्रदेशलगायतका राज्यमा कोरोना उच्च रहेको छ ।

सरकारले खोप अभियानलाई तीब्र पारेपनि कोरोनाको गति रोकिन सकेको छैन । कतिपय राज्यमा लकडाउनको घोषणा गरिएको छ । तर प्रवासी मजूदरहरु ठूलो संख्यामा घर फर्किने क्रम रोकिएको छैन ।

विश्वका कतिपय देशमा कोरोना बृद्धि दर घट्दै गएपनि भारतमा भने सबैभन्दा उच्च संक्रमण दर देखिएको छ । कोरोनाको संख्या बढ्दै गएपछि अस्पतालहरुमा बिरामीको चापमा बृद्धि भएको छ । कतिपय अस्पतालहरुले अक्सिजन नभएका कारण भर्ना लिन मानेका छैनन् ।

याे पनि पढ्नुस  भारतमा कोरोना संक्रमितको संख्या ४० लाख नाघ्यो, एकैदिन ८७ हजारमा संक्रमण

कोरोनाको उपचारमात्रै नभएर मृत्यु भएकाहरुको शव व्यवस्थापन गर्न समेत ठूलो संकट निम्तिएको छ । घाटहरुमा शव जलाउनका लागि ठाउँ नहुँदा आफन्तहरु घण्टौं लाइन लाग्न बाध्य बनेको भारतीय मिडियाहरुले जनाएका छन् । कतिपय स्थानमा शव जलाउनका लागि दाउराको अभाव भएपछि उखुको खोस्टा खोजेर शव जलाएको समेत समाचारमा उल्लेख छ ।

भारतीय मिडियाहरुले महामारीको यो त्रासदीमय अवस्था भारतीय इतिहासमैं उच्च भएको टिप्पणी समेत गरेका छन् । एबिपीका अनुसार, मानिसहरुले आफ्ना प्रियजनहरुको मृत्यु आफ्नै आँखा अगाडि देखिरहेका छन् तर उनीहरु असहाय बनेका छन् ।

याे पनि पढ्नुस  भारतका रक्षा सचिवलाई कोरोना, साउथ ब्लकमा खैलाबैला

अस्पतालमा एकपछि अर्को मृत्युले ठूला त्रासदी जन्माएको छ ।

यसैबीच भारत सरकारले विदेशबाट अक्सिजन आयात गरेको जानकारी दिएको छ । देशका कैयन शहरमा अक्सिजनको आपूर्ति गरिएको छ । तर बिरामीको चाप बढ्न थालेपछि सरकारले आपूर्ति गरेको अक्सिजन पर्याप्त हुन सकेको छैन ।

तस्वीरः रोयटर्स र एपी

यो पनि पढ्नुस्

भारतमा अक्सिजनकाे हाहाकार, दर्जनौं संक्रमितकाे मृत्यु, सेना लगाएर सबै प्लान्ट कब्जा गर्न केजरिवालकाे अपील

 

कमेन्ट गर्नुहोस्