सेती अस्पतालमा थप ६ संक्रमितको मृत्यु, गेटामा प्रदेश सरकारले सघाउने

धनगढी : कैलालीको धनगढीस्थित सेती प्रादेशिक अस्पतालमा उपचाररत थप ६ जना कोरोनना संक्रमितको मृत्यु भएको छ । मृत्यु हुनेमा धनगढी उपमहानगरपालिका २ का ५८ वर्षीय पुरुष, धनगढी उपमहानगरपालिका १ का ८० वर्षीय पुरुष, धनगढी उपमहानगरपालिका १७ की ३५ वर्षीया महिला रहेको सेती प्रादेशिक अस्पतालका सूचना अधिकारी दिलिपकुमार श्रेष्ठले बताए ।

यस्तै जोशिपुर गाउँपालिका ५ की २९ वर्षीया महिला, कञ्चनपुरको कृष्णपुर नगरपालिका ७ का ३२ वर्षीय पुरुष, डोटीको दिपायल शिलगढी नगरपालिका वडा नम्बर ६ का ६१ वर्षीय पुरुषको मृत्यु भएको हो । पछिल्लो २४ घण्टामा सेती प्रादेशिक अस्पतालमा ५०९ जनाको नमुना परिक्षण गर्दा थप ३०३ जनामा कोरोना संक्रमण पुष्टि श्रेष्ठले जानकारी दिए ।

याे पनि पढ्नुस  कोरोना जितेर घर फर्किएकाको फेरियो दिनचर्या

धनगढीका मात्रै १८५ जना, धनगढी बाहेक कैलालीका ८१ जना, अन्य जिल्लाका ३७ जना गरि ३०३ जनाको संक्रमण पुष्टि भएको सूचना अधिकारी श्रेष्ठले बताए ।

गेटामा प्रदेशले जनशक्ति व्यवस्थापन गर्ने

कोरोना महामारीमा केन्द्र सरकारसँग समन्वय नगरेको र आफूले पनि कोरोना रोकथामका लागी केही नगरेको आरोप खेपेको सुदूरपश्चिम प्रदेश सरकारले अब भने कोरोना बिरामीका लागि कैलालीको गेटामा निर्माणाधीन होल्डिङ सेन्टर र आइसोलेशनका लागि सहयोग गर्ने भएको छ ।

याे पनि पढ्नुस  सेती प्रादेशिक अस्पतालमा उपचाररत थप ७ कोरोना संक्रमितको मृत्यु

सुदूरपश्चिम प्रदेशको सामाजिक विकास मन्त्रालयले त्यहाँ आवश्यक जनशक्ति करारमा भर्ना गर्ने भएको हो । प्रदेशको सामाजिक विकास मन्त्रालयको मन्त्रीस्तरीय निर्णयले २० जना स्वास्थ्यकर्मीलाई त्यहाँ खटाउने निर्णय भएको मन्त्रालयका स्वास्थ्य शाखा प्रमुख डा. जगदीश जोशीले जानकारी दिए। डा.जोशीका अनुसार २० जना जनशक्ति व्यवस्थापनका लागि बजेट पनि मन्त्रालयले व्यवस्थापन गर्नेछ ।

केन्द्र सरकारका उद्योग वाणिज्य तथा आपूर्तिमन्त्री तथा सरकारले कोरोना रोकथामका लागि सुदूरपश्चिमका निम्ति तोकेका फोकल पर्सन लेखराज भट्टको अगुवाइ तथा धनगढी उपमहानगरपालिका र गोदावरी नगरपालिकाको व्यवस्थापनमा कैलालीको गेटामा निर्माणाधीन आइसोलेशन सेन्टरमा प्रदेश सरकारले हात झिकेको भनी तीव्र आलोचना भएको थियो ।

याे पनि पढ्नुस  भारतबाट फर्किएका १९ जनामा आरडीटी पोजेटिभ

प्रदेश सरकारका सामाजिक विकासमन्त्री कृष्ण सुवेदीले जनताको जीवन रक्षा गर्ने कुरामा प्रदेश सरकारले कुनै किसिमको राजनीति नगरेको बताउँदै आएका थिए। केन्द्र र प्रदेश सरकारबीच समन्वय नहुँदा गेटामा निर्माणाधीन होल्डिङ सेन्टर र आइसोलेशनको काम अलपत्र पर्दै आएको थियो ।

 

कमेन्ट गर्नुहोस्