प्रधानमन्त्रीमा दाबी गर्न शितल निवास पुगे विपक्षी गठबन्धनका नेता

काठमाडौं । कांग्रेस सभापति शेरबहादुर देउवालाई प्रधानमन्त्री बनाउन १४९ सांसदको हस्ताक्षर लिएर विपक्षी गठबन्धनका नेताहरु शितलनिवास पुगेका छन् ।

कांग्रेस, माओवादी केन्द्र, एमाले वरिष्ठ नेता माधव कुमार नेपाल र जसपा उपेन्द्र यादव–बाबुराम भट्टराई पक्षका सांसदको हस्ताक्षर लिएर विपक्षी गठबन्धनका नेताहरु शितलनिवास गएका हुन् ।

त्यसमा कांग्रेसका ६१, माओवादी केन्द्रका ४९ (एक स्वतन्त्रसहित), माधव नेपाल समूहका २७ र जसपाका १२ सांसदले हस्ताक्षर गरेका छन् । नयाँ सरकार बनाउन संसदमा कायम २७१ सांसदमध्ये १३६ जना चाहिन्छ ।

याे पनि पढ्नुस  विश्वासको मत लिने आँट नहुँदा ओलीले संसद् विघटन गरेः नेता सिंह

कांग्रेस संसदीय दलको कार्यालय सिंहदरबारमा कांग्रेस सभापति शेरबहादुर देउवालाई प्रधानमन्त्रीको रुपमा अघि सार्दै हस्ताक्षर संकलन गरिएको थियो

यसअघि आज पत्रकार सम्मेलन आयोजना गर्दै अध्यक्ष ओलीले माधव नेपाल समूहले अनुशासनविहिन र अनैतिक काम गरेको आरोप लगाउँदै कार्वाही गर्ने घोषणा गरेका थिए । सरकार निर्माणका लागि भने उनले माधव समूह समेत आफ्नो समर्थनमा रहेको देखाएका छन् ।

याे पनि पढ्नुस  विश्वप्रकाशको प्रधानमन्त्रीलाई आग्रह, ‘स्वास्थ्यकर्मीलाई स्पष्टिकरण सोध्नेलाई नियन्त्रणमा लिनोस्’

अध्यक्ष ओलीले पेश गरेको दावीमा माधव नेपाल पक्षका सांसदहरुको हस्ताक्षर नै प्रस्तुत गरिएको छ या पार्टीको संसदीय दलको नेता र अध्यक्षका हैसियतले नेकपा एमालेका १२१ सांसद भनिएको छ भन्ने कुरा भने स्प्ष्ट हुन सकेको छैन ।

नेपालको संविधानको धारा ७६ को ५ अनुसार प्रधानमन्त्रीमा दावीका लागि भने पार्टी भन्दा पनि प्रतिनिधि सभाको कुनै सदस्यले बहुमत सिद्द गर्नसक्ने भरपर्दो आधार दिनुपर्ने हुन्छ । यो प्रावधान अनुसार, पार्टी भन्दा पनि एकल हस्ताक्षर नै निर्णायक हुनसक्ने देखिन्छ । त्यसो भएको खण्डमा ओलीको दावी पुग्ने आधार देखिँदैन ।

याे पनि पढ्नुस  प्रचण्ड, नेपाल र देउवाबीच भेटवार्ता हुँदै

 

कमेन्ट गर्नुहोस्