भारतमा फेरि ह्वात्तै बढ्यो कोरोना

काठमाडौं । भारतमा कोरोना महामारी सुरु भए यताकै सबैभन्दा बढी सङ्क्रमितको मृत्यु भएको छ । पछिल्लो २४ घण्टामा छ हजार १४८ सङ्क्रमितको मृत्यु भएको भारतीय सञ्चारमाध्यमहरुले जनाएका छन् ।

समाचार संस्था एएनआईका अनुसार पछिल्लो २४ घण्टामा ९४ हजार ५२ जना सङ्क्रमित थपिएका छन् । थपिएका सङ्क्रमितसँगै भारतमा कोरोनाका कुल सङ्क्रमित दुई करोड ९१ लख ८३ हजार १२१ पुगेको छ ।

२४ घण्टामा एक लाख ५१ ह्जार ३६७ जना कोरोनामुक्त भएका छन् । हालसम्म दुई करोड ७६ लाख ५५ हजार ४९३ सङ्क्रमित निको भएका छन् ।

हाल भारतमा ११ लाख ६७ हजार ९५२ जनामा भाइरसको सङ्क्रमण सक्रिय छ । हालसम्म भारतमा २३ करोड ९० लाख ५८ हजार ६३० जनाले कोरोना बिरुद्धको खोप लगाएका छन् ।

कमेन्ट गर्नुहोस्