दार्चुलासम्म पुगेर नेपाली गीत गाएका पवनदीपले जिते इण्डियन आइडल

काठमाडौं । उत्तराखण्डको चम्पावत जिल्ला निवासी पवनदीप राजनले इण्डियन आइडलको ट्रफी जितेका छन् ।

भारतीय स्वतन्त्रता संग्रामको दिन पारेर आयोजना गरिएको १२ घण्टा लामो फिनालेमा सबैभन्दा बढी भोट ल्याएर पवनदीपले जितेका हुन ।

नेपालको कञ्चनपुर र डडेल्धुरा जिल्लासँग जोडिएको चम्पावतमा जन्मिएका पवनदीपले अढाई वर्षको उमेरदेखि संगीत अभ्यास गरेका थिए।

स्थानीय महोत्सवहरुमा गीत गाउँदै आएका पवनदीपले नेपालको सीमावर्ती क्षेत्रमा हुने थुप्रै महोत्सवहरुमा नेपाली गीत समेत गाउने गरेका थिए । उनले गाएको रातो टिका निधारमा भन्ने नेपाली गीत निकै चर्चित बनेको थियो ।

इन्डियन आइडल बिजेता पवनदीपले ट्रफी, २५ लाख भारतीय रुपियाँसँगै लक्जरी कार समेत जितेका छन् ।

यसैगरी, दोस्रो स्थानको ट्रफी अरुणिता कांजीलालले पाएकी छिन् । उनी पश्चिम बंगाल निवासी हुन । पवनदीप र अरुणिताको जोडीको निकै चर्चा समेत भएको थियो । तेश्रो स्थानमा भने शायली काम्बले रहेकी छिन् ।

यस्तै, चौंथो स्थानमा मोहम्मद दानिश, पाँचौँ स्थानमा निहाल र शनमुखाप्रिया सबैभन्दा कम भोट प्राप्त गरेर छैटौँ स्थानमा परिन् ।

इण्डियन आइडलको भारतको चर्चित रियालिटी शो रहेको छ ।

कमेन्ट गर्नुहोस्