शेयर बजारमा पहिरो, ४० अंकले घट्यो नेप्से

काठमाडौं । शेयर बजारमा फेरी पहिरो गएको छ । आज शेयर कारोबार रकमका साथै नेप्से सूचक समेत खस्केको छ ।

आज नेप्से ४०.२६ अंकले तल झर्यो भने कारोबार रकम समेत ५ अर्ब ३५ करोडमा खुम्चिएको छ।

मंगलबारका दिन शेयर बजार सकारात्मक नभएपनि उतारचढावकै बीच सामान्य घटेर बन्द भएको थियो । आज भने सबै समूह राताम्ये भएका छन् । बैंकिङ २०, विकास बैंक ११६, फाइनान्स ८६, होटल तथा पर्यटन ७९, जलविद्युत ७२, लगानी १, जीवन बीमा १७५ अंकले घटेका छन्।

त्यस्तै उत्पादन समूह ७३, माइक्रोफाइनान्स ५२, निर्जीवन बीमा २७२, ब्यापार २७ र अन्य समूह २१ अंकले घटेका छन्।

आज केही कम्पनीका शेयर भने बढेका छन् । मनकामना स्मार्ट लघुवित्तको मूल्य ८ प्रतिशतले बढेको छ। कर्पोरेट डेभलपमेन्ट बैंकको मूल्य ६.६ प्रतिशतले बढ्यो। त्यस्तै छ्याङ्दी हाइड्रोपावरको ४ प्रतिशतले मूल्य बढ्यो।

यस दिन एनआइबिएल समृद्धि फण्डको मूल्य सबैभन्दा धेरै ६।८ प्रतिशतले घट्यो। हिमालय उर्जा विकास कम्पनीको मूल्य ५।८ प्रतिशतले घट्दा गोर्खा फाइनान्सको मूल्य ५।४ प्रतिशतले घट्यो।

कारोबारका आधारमा अरुणभ्याली हाइड्रोपावर अग्रस्थानमा रह्यो। सो कम्पनीको २२ करोड रुपैयाँ बराबरको कारोबार हुँदा दोस्रोमा रहेको सानिमा लाइफ इन्स्योरेन्सको १७ करोडको कारोबार भयो।

कमेन्ट गर्नुहोस्