भारतमा चुलियो कोरोनाः एकैदिन १ लाख १७ हजार संक्रमित

नयाँ दिल्ली । भारतमा कोरोना महामारी आकासिएको छ ।

महामारीको तेश्रो लहर सुरुभएपछि पहिलोपटक देशमा एक लाख १६ हजार ९९० नयाँ सक्रमित फेला परेका छन् । यसअवधिमा ३०४ जनाको मुत्यु भएको छ ।
सक्रिय संक्रमितको संख्यामा समेत ८५, ९५८ को बृद्धि भएको छ ।

एक हप्तामैं भारतमा ६ गुणाले कोरोना बढेको भारतीय मिडियाहरुले उल्लेख गरेका छन् ।

कोरोना बढ्दै गएपछि बिभिन्न राज्य सरकारहरुले रोकथामका उपायमा कडाइ गरेका छन् । बिहार सरकारले सबै शैक्षिक संस्थाहरु आगामी जनवरी २१सम्म बन्द गर्ने निर्णय गरेको छ ।

कोरोनाको चपेटामा चिकित्सकहरु समेत परेका छन् । महाराष्ट्रमा मात्रै ३३८ जना रेसिडेन्स चिकित्सक संक्रमित भएको भास्कर दैनिकले उल्लेख गरेको छ ।
राजस्थान र दिल्लीका मुख्यमन्त्री समेत कोरोना संक्रमित भएका छन् । पश्चिम बंगालमा प्रवेशका लागि पिसिआर जाँच अनिवार्य गरिएको छ ।

कमेन्ट गर्नुहोस्