माओवादी केन्द्रले तीन तहको स्कूल कक्षा सञ्चालन गर्ने, हरेक स्थानीय तहमा पुस्तकालय अनिवार्य, यस्तो छ कार्यविधि

काठमाडौं । माओवादी केन्द्रले तीन तहको कक्षा सञ्चालन गर्ने भएको छ ।

नेकपा (माओवादी केन्द्र) को स्कुलविभागले निर्दिष्ट गरेको पाठ्यक्रमअनुसार पार्टीका बिभिन्नतहमा स्कुल तथा प्रशिक्षण कक्षा सञ्चालन गर्न बनेको कार्यविधिमा तीन तहको कक्षा सञ्चालन गर्ने बताइएको हो ।

पार्टीका सबै तहका लागि लागु हुने कार्यविधिले पार्टीको एउटा केन्द्रीय स्कुल विभाग हुने र यसको प्रदेश, जिल्ला, स्थानीय तह, वडातहसम्मसंरचना रहने कार्यविधिमा उल्लेख छ ।

पार्टी स्कुललाई व्यवस्थित बनाउने माओवादी केन्द्रको स्कूल विभागले आधारभूत, माध्यमिक र उच्च गरी तीनवटा तहमा कक्षा सञ्चालन गर्नेछ । सोही आधारमा तीनवटै तहका लागि बेग्लाबेग्लै पाठ्यक्रम र पाठ्यसामग्री तयार गर्ने समेत कार्यविधिमा स्पष्ट पारिएको छ । नियमित कक्षाका अतिरिक्त बिभिन्न राजनीतिक, आर्थिक तथा सामाजिक विषयहरुमा पार्टी विशिष्ट प्रकृतिका अनुसन्धानका कार्य समेत अघि बढाउने छ ।

पाठ्यक्रम तयार गर्दा श्रव्यदृश्य र डिजिटल मिडियाको प्रयोगमा जोड दिने समेत कार्यविधिमा उल्लेख गरेको छ ।

नेकपा माओवादी केन्द्रका अध्यक्ष प्रचण्ड इन्चार्ज र गिरिराजमणी पोखरेल अध्यक्ष रहेको स्कूल विभागले हरेक वर्ष सार्वजनिक सरोकार तथा वैचारिक विषयमा कम्तिमा एउटा खुल्ला बहस समेत सञ्चालन गर्ने छ ।

यसैगरी संघ, प्रदेश र स्थानीय सरकारमा पार्टीबाट सहभागी हुनेहरुका लागि निर्वाचित भएको तीन महिनाभित्र पार्टी र सरकारबीचको अन्तर्सम्बन्ध तथा प्रभावकारी भूमिका निर्वाह गर्ने विषयमा अनिवार्यरुपमा प्रशिक्षणको कार्यक्रम स्कूल विभागले अघि सार्ने भएको छ । यसका लागि हरेक तहका जनप्रतिनिधिहरूका लागि पार्टीको नीति तथा घोषणापत्रमा आधारित भएर विभागले पाठ्यसामाग्री तयार पार्नेछ । जनप्रतिनिधि निर्वाचित भएको तीन महिनाभित्र कक्षा चलाई हरेक वर्ष कक्षालाई अद्यावधिक गरिनेछ ।

केन्द्रीय र स्थानीय तहको कक्षागत स्कूलका अतिरिक्त पार्टी निकट विभिन्न जनवर्गीय संगठन तथा मोर्चाहरुले आफ्नो विशिष्टतामा प्रशिक्षण कार्यक्रम आयोजना गर्ने समेत कार्यविधिले व्यवस्था गरेको छ । यसका लागि जनवर्गीय संगठन तथा मोर्चाहरूले आफ्नो विशिष्टताको आधारमा अलग पाठ्यक्रम तयार गर्नेछन् । यस्ता पाठ्यक्रमलाई भने पार्टी स्कुल विभागले स्वीकृति प्रदान गरेपछि मात्र लागू गरिने् छ ।

कस्तो हुनेछ त कक्षा संरचना ?

(१) आधारभूत तह
आधारभूत तहको कक्षा ३२ घण्टाको हुनेछ । यसमा १६ वटाकक्षा रहनेछन् । यी कक्षाहरूलाई पाठका आधारमा आधारमा विभाजन गरिनेछ ।

(२) माध्यमिक तह
माध्यमिक तहको कक्षा ४२ घण्टाको हुनेछ । यसमा २१ वटा कक्षा रहनेछन् । यी कक्षाहरूलाई पाठका आधारमा विभाजन गरिनेछ ।

(३) उच्च तह
उच्च तहको कक्षा ४२ घण्टाको हुनेछ । यसमा २१ वटा कक्षा रहनेछन् । यी कक्षाहरूलाई पाठका आधारमा आधारमा विभाजन गरिनेछ ।

केन्द्रीय स्कूल विभागले समिति सख्याका आधारमा प्रशिक्षक छनौट, उत्पादन तथा विकास गर्ने छ । यसका लागि केन्द्रीय स्कुल विभागले आवश्यकताका आधारमा प्रशिक्षक प्रशिक्षण गर्ने कार्यविधिले उल्लेख गरेको छ ।

पार्टीको राष्ट्रिय महाधिवेशन अघि तयार भएको कार्यविधि कार्यान्वयनका लागि स्कूल विभागले कार्ययोजना तय गर्ने जनाइएको छ । सम्भवतः पार्टीको केन्द्रीय पदाधिकारी संरचनाको टुंगो लागेपछि विभागले आफ्नो कार्य अघि बढाउन सक्ने देखिन्छ । हाल स्कूल विभागमा बिभिन्न प्रदेश र क्षेत्रबाट ३५ जना सदस्य रहेका छन् ।

कमेन्ट गर्नुहोस्