नरसंहार मच्चाउने धम्की दिएको भन्दै मन्त्री रेणु यादवलाई बर्खास्त गर्न माग

काठमाडौं । सीके राउत नेतृत्वको जनमत पार्टीले गौर नरसंहारको जिम्मेवारी जनता समाजवादी पार्टीले लिएको भन्दै दोषीहरुलाई कारबाही गर्न माग गरेको छ ।

भौतिक पूर्वाधार मन्त्री समेत रहेकी रेणु यादवले बिहीबार जनमत पार्टी विरुद्ध अर्को गौर घटना गराउने धम्की दिएको प्रसंग उठाउँदै सो जनमत पार्टीले नरसंहारको धम्की दिने मन्त्री यादवलाई बर्खास्त गरेर कारबाही गर्न माग गरेको हो ।

याे पनि पढ्नुस  सरकार विप्लवदेखि सिके राउतसम्मलाई वार्तामा बोलाउँदै

सो पार्टीका उपाध्यक्ष दिपक कुमार साहले बिहीबार राति प्रेस विज्ञप्ति जारी गर्दै चरम आपराधिक अभिव्यक्ति दिने मन्त्री यादवलाई बर्खास्त गरेर २०६४ सालको गौर नरसंहारमा संलग्नहरुलाई तत्काल पक्राउ गर्न माग गरेका हुन् ।

अपराधिक अभिव्यक्ति दिने, हत्या हिंसा भड्काउन खोज्ने र अर्को नरसंहारको षडयन्त्र रच्ने मन्त्रीलाई अविलम्ब बर्खास्त गरेर सरकारले कारबाही गर्नुपर्छ, वक्तब्यमा भनिएको छ ।

याे पनि पढ्नुस  यादवकाे राजीनामा शंकाष्पद, सिके राउतलाई संसदमा ल्याउने तयारी

गौर घटनाका अभियुक्तहरुलाई सुरक्षाकर्मीले विशिष्ठ सुरक्षा घेरामा राखेको भन्दै सो पार्टीले उनीहरुलाई तत्काल पक्राउ गरी कारबाही गर्न र पीडितहरुलाई न्याय दिए मात्रै मधेशमा आपराधिक राज समाप्त हुने बताएको छ ।

सीके राउत नेतृत्वको जनमत पार्टीका कार्यकर्ताले आफूलाई कालो झण्डा देखाएको भन्दै मन्त्री यादवले गौरमा आयोजित कार्यक्रममा अर्को गौर नरसंहार गराउने धम्की दिएकी थिइन ।

कमेन्ट गर्नुहोस्