राष्ट्रिय युवा परिषदका उपाध्यक्ष बस्नेतद्वारा स्थानीय निर्वाचनमा ४० प्रतिशत युवालाई उम्मेदवार वनाउन माग

काठमाडौं। राष्ट्रिय युवा परिषदका कार्यकारी उपाध्यक्ष सुरेन्द्र बस्नेतद्वारा आसन्न स्थानीय तहको निर्वाचनमा ४० प्रतिशत युवालाई उम्मेदवार वनाउन सवै राजनीतिक दलसँग आग्रह गरेका छन् । उपाध्यक्ष बस्नेतले युवाहरु भविष्यका कर्णधार मात्र नभएर वर्तमानका जबर्जस्त अंशियार भएको दावी गरेका छन्।

परिषदको तर्फबाट जारी गरिएको नव वर्ष २०७९ को शुभकामना विज्ञप्तिमा बस्नेतले भनेका छन् ,”आगामी वैशाख ३० गते हुने स्थानीय तहको निर्वाचनमा ४० प्रतिशत युवाहरुलाई उम्मेदवार वनाउन सवै राजनीतिक दलहरूलाई हार्दिक आह्वान गर्न चाहन्छौं ।”

राष्ट्रिय युवा नीति, २०७२ अनुसार नेपालमा १६ देखि ४० वर्ष सम्मका उमेर समुहलाई युवा भन्ने चलन छ । बस्नेतले त्यस्ता युवाले देशको कुल जनसंख्याको ४० प्रतिशत हिस्सा ओगटेको दावी गर्दै सोही अनुपातमा युवाहरूलाई उम्मेदवार वनाउन आग्रह गरेका छन् ।

उपाध्यक्ष बस्नेतले भनेका छन् ,”राष्ट्रिय युवा परिषद नेपाली युवालाई सवल, प्रतिस्पर्धी र आत्मनिर्भर वनाउंदै राज्यका हरेक अंगमा उनीहरूको सार्थक र समानुपातिक प्रतिनिधित्व सुनिश्चित गरेमात्र मुलुकले समृद्धिको मार्ग पहिल्याउन सक्दछ भन्ने मान्यतामा विश्वास राख्दछ। ”

” आम युवाहरूलाई स्वरोजगार , उद्यमशीलता , नवप्रवर्तन र सिप विकासको माध्यमबाट राष्ट्र निर्माणको मुल प्रवाहमा समाहित गर्नु जरुरी  छ।”बस्नेतले भनेका छन् ,” संघ , प्रदेश र स्थानीय तहलाई अधिकतम् रुपमा युवा मैत्री वनाउंदै युवा सहभागिता, परिचालन र नेतृत्व विकास आजको आवश्यकता हो ।”

कमेन्ट गर्नुहोस्