दिल्ली क्यापिटल्सका खेलाडीमा कोरोना सक्रमण

दिल्ली। इन्डियन प्रिमियर लिग (आईपीएल)२०२२ टी–२० क्रिकेट प्रतियोगितामा सहभागी दिल्ली क्यापिटल्सका खेलाडीमा कोरोनाभाइरस पोजिटिभ देखिएको छ ।

हाल भारतमा बढ्दै गएको कोरोना संक्रमणको संख्या आईपीएलमा समेत देखिएको हो । दिल्ली क्यापिटल्सका एक अफिसियलमा कोरोना देखिएको थियो ।

अहिले एक खेलाडीमा समेत कोरोना संक्रमण देखापरेको छ । पहिलो पटक दिल्लीको फिजियो प्याट्रिक फरहार्टमा कोरोना पोजिटिभ देखिएको थियो ।

अब, उनीसँगै एक खेलाडीमा समेत कोरोना देखिएको हो । उनको नाम भने सार्वजनिक गरिएको छैन ।दिल्लीले आफ्नो खेल पञ्जाब किंग्सविरुद्ध खेल्दैछ ।

खेलअघि टिम पुणे पुग्नु पर्ने भए पनि अहिलेसम्म होटलमै छ । कोरोना देखिएसँगै सबै खेलाडीलाई होटेलमै राखिएको र दुई दिनमा कोरोना रिपोर्ट आउने जनाइएको छ ।

जारी आईपीएलमा दिल्लीले पाँच खेल खेल्दा दुई जित र तीन हारका साथ चार अंक जोडेर आठौं स्थानमा छ । जारी लिगमा ६ खेल खेल्दै १२ अंक जोडेको गुजरात टाइटन्स शीर्षस्थानमा छ ।

अघिल्लो सिजनको आईपीएल कोरोनाकै कारण संयुक्त अरब इमिरेट्स ९यूएई०मा सारिएको थियो । भारतमा बन्द रंगशालामा गराउँदा समेत कोरोना संक्रमण देखिन थालेपछि खेल यूएईमा सारिएको हो ।

प्रतियोगिता अन्तर्गत आज (सोमबार) एक खेल हुँदैछ । बेलुकी हुने खेलमा राजस्थान रोयल्स र कोलकता नाइट राइडर्स भिड्दैछ

कमेन्ट गर्नुहोस्