माओवादीले टुंग्यायो सल्यानका ७ स्थानीय तहमा उम्मेदवार (नामावलीसहित)

सल्यान, स्थानीय तहको निर्वाचनमा तालमेलको सम्भावना कम हुँदै गएपछि माओवादीले उम्मेदवार सार्वजनिक गरेको छ ।

माओवादी केन्द्र सल्यानका संयोजक किर्तीबहादुर पुनका अनुसार शारदा नगरपालिकामा प्रमुखमा प्रमोदकुमार श्रेष्ठ, बन्गाड कुपिण्डे नगरपालिकामा कर्णबहादुर बुढाथोकी, कालिमाटीमा पुरुषोत्तम भट्टराई, कपुरकोटमा प्रकाश भण्डारी, त्रिवेणीमा राजेन्द्र थापा, सिद्धकुमाख गाउँपालिकामा रामबहादुर बुढाथोकी र दार्मा गाउँपालिकामा नीमबहादुर केसीको सर्वसम्मत नाम सिफारिस छ ।

बाग्चौर नगरपालिकामा, कुमाखमा र छत्रेश्वरी गाउँपालिकामा आकांक्षीहरु धेरै भएकाले टुंगो लगाउन कठिनाई भइरहेको उनले बताए । उनका अनुसार शनिबारसम्म सबै पालिकाका उम्मेदवारको टुंगो लाग्नेछ । सहमती नभएका पालिकाको टुंगो प्रदेश कमिटीलाई जिम्मा दिइनेछ ।

कांग्रेस, माओवादी केन्द्र र नेकपा (एकीकृत समाजवादी) बीच गठबन्धन हुने सम्भावना टर्दै गएकोले उम्मेदवार टुंग्याएर निर्वाचनमा होमिने उनले बताए ।

कमेन्ट गर्नुहोस्