मंगलबार बिहे गर्दै गायिका इन्दिरा जोशी

काठमाडौं । गायिका इन्दिरा जोशीले आगामी मंगलबार विवाह गर्ने भएकी छन्। आइतबार वक्तव्य जारी गर्दै इन्दिराले जेठ ३१ गते र प्रेमी शरद् केडियासँग विवाह गर्ने जनाएकी हुन् ।

‘भगवान र हाम्रो परिवारको आशिर्वादसहित हाम्रो बिहेको खबर सुनाउन पाउँदा हामीलाई हर्षानुभूति भएको छ,’ इन्दिराले वक्तव्यमा लेखेकी छन्, ‘हामीप्रति शुभेच्छा राख्नुहुने सबैप्रति आभार व्यक्त गर्दछौं, आशा छ आगामी जीवन अहिले भन्दा झनै सुन्दर हुनेछ ।’

इन्दिरा र शरद्को विवाह टोखास्थित एक अपार्टमेन्टमा हुने पारिवारिक स्रोतले जनाएको छ । तीन वर्षदेखि प्रेम सम्बन्धमा रहेका उनीहरुले एक वर्षअघि सगरमाथा क्षेत्रको नाम्चेमा पुगेर इन्गेजमेन्ट गरेका थिए । उनीहरुले मेहेन्दी उत्सव भने गरिसकेका छन् ।

शरद् फेसन डिजाइनर हुन् ।

कमेन्ट गर्नुहोस्