भुवन केसीविरुद्ध सर्वोच्चमा मुद्दा

काठमाडौं । चलचित्र विकास बोर्डका अध्यक्ष भुवन केसीविरुद्ध सर्वोच्च अदालतमा मुद्दा दर्ता भएको छ ।

विकास बोर्डको अध्यक्षमा नियुक्तिका लागि स्नातक उत्तीर्ण हुनुपर्ने र केसीको योग्यता नपुगेको भन्दै विकास बोर्डको अध्यक्षमा आवेदन दिएका अन्य उम्मेदवारले केसीविरुद्ध सर्वोच्च अदालतमा मुद्दा दर्ता गराएका हुन् ।

उम्मेदवारले केसीलाई नियुक्त गरेको मन्त्रिपरिषद्को निर्णय खारेज गर्न माग गरेका छन् । केसीले प्रमाणपत्र तह मात्र उत्तीर्ण गरेकाले योग्यता नपुगेको भन्दै नियुक्ति बदरको माग गरेका छन् ।

यस मुद्दाको प्रारम्भिक सुनुवाइ सोमबार हुने छ ।

कमेन्ट गर्नुहोस्