काठमाडौं । नेकपा माओवादी केन्द्रका कार्यदलका दुई सदस्य विरामी परेका छन् ।
मंसिर ४ गते हुने संघ तथा प्रदेशको निर्वाचनका लागि सिट फाट बाँडफाँट गर्ने कार्यदलमा रहेका माओवादी केन्द्रका महासचिव देवप्रसाद गुरुङ र उपमहासचिव वर्षमान पुन विरामी परेका हुन् ।
महासचिव गुरुङलाई डेंगी संक्रमण भएको छ भने उपमहासचिव वर्षमान पुन कोरोना संक्रमित भएको उनको सचिवालयले जानकारी दिएको छ । यस अघि सिट बाँडफाट कार्यदलको बैठकमा यीनै दुई नेताले माओवादीको तर्फबाट काम गरेका थिए ।
