गोरखाबाट नयाँ क्रान्तिको थानली हुन्छ : प्रचण्ड

काठमाडौं । नेकपा माओवादी केन्द्रका अध्यक्ष प्रचण्डले गोरखाबाट नयाँ क्रान्तिको थालनी हुने बताएका छन् । जनक्रान्ति अगाडि बढाउने थलोको रुपमा गोरखा रहेको स्मरण गर्दै अध्यक्ष प्रचण्डले अब नयाँ अभियानको थालनी पनि गोरखाबाटै गर्ने निष्कर्षमा पुगेको बताए ।

गोरखा–काठमाडौँ सम्पर्क समन्वय समितिले काठमाडौंमा आयोजना गरेको कार्यक्रममा बोल्दै अध्यक्ष प्रचण्डले चुनाव जित्ने र जिताउनेसँग मात्रै सम्बन्धित नभएको भन्दै नेपाली समाजमा देखिएको विकृति र विसंगती तोड्ने कुरासँग सम्बन्धित रहेको बताए । उनले प्रतिगमनतिर लैजान चाहनेहरुको विरुद्ध विजयको नयाँ यात्रा सुरु गर्नेसँग सम्बन्धित भएको भन्दै गोरखाली जनतामाथि भरोसा गरेको बताए ।

यसअघि रोल्पा, काठमाडौं र सिरहाबाट चुनाव लड्दा पनि आफूले चुनाव जित्नका लागि नलडेको स्पष्ट पार्नुहुँदै उनले भने, ‘चुनाव त जित्नु नै थियो, जितियो पनि । तर मेरो उदेश्य चुनाव मात्र जित्नु थिएन ।’ उनले भने, ‘जनयुद्ध र जनआन्दोलनलाई एक ठाउँमा केन्द्रित गरेर नयाँ ऐतिहासिक प्रक्रियाको सन्देश दिनु थियो । त्यस्तै मधेशमा भ्रम छर्ने विग्रह गराउने प्रयासहरु भइरहेको अवस्थामा राष्ट्रिय एकतालाई कमजोर पार्ने खेल चलिरहेको थियो । परिवर्तनको वाहक हुनुको नाताले मधेसका जनतालाई पनि लोकतान्त्रिक प्रक्रियामा सहभागी गराउने हिम्मतका साथ म त्यहाँ पुगेको हुँ ।’ अहिले हिमाल पहाड तराई एक ठाउँमा केन्द्रित भएको भन्दै अध्यक्ष प्रचण्डले आफ्नो कदमले महत्वपूर्ण सन्देश दिएको उल्लेख गरे ।

याे पनि पढ्नुस  कर्मचारी सरूवा रोक्न आयोगको निर्देशन

यस पटक गोरखा जानुको कारण पनि राष्ट्रिय एकताको सन्देश दिन र आर्थिक क्रान्तिको सन्देश दिन खोजेको उल्लेख गरे । अहिले संसदबादका रोगहरु यत्रतत्र देखिन थालेको भन्दै पार्टी पुनःनिर्माणको अभियान र यो पाटीलाई क्रान्तिकारी रुपले रुपान्तरण गर्ने उपयुक्त थलोका रुपमा गोरखा रोजेको उनले बताए।

याे पनि पढ्नुस  तेस्रो पटक प्रधानमन्त्री बनेर देखाउन केपी ओलीलाई प्रचण्डको चुनौती

संविधान संशोधनमार्फत संविधानको संरचनागत सुधार गर्न आवश्यक भएको भन्दै उनले भने, ‘संविधानमा किटेर भनेको कुराको पनि अझै ऐन बन्न नसक्नुले देशभरीका जनतालाई सबै आफू आफ्नो भाग्यको मालिक बन्यौ हामी भन्ने महशुस हुन सकेको छैन । त्यसैले अब यसका लागि आर्थिक समृद्धिका लागि आर्थिक क्रान्तिको खाँचो छ । जुन शान्तिपूर्ण र प्रतिष्पर्धाको हुनेछ ।’ संविधानको रक्षा र संविधानको परिमार्जन दुवै गर्नुपर्ने दायित्व माओवादीकै भएको प्रचण्डले दाबी गरे ।

गणतन्त्र आएर पनि अझै सबै नेपालीले त्यसको महशुस गर्न नसकेको भन्दै एकाथरी मानिसहरुले भने धमिलो पानीमा माछा मार्ने गरी ‘अब नो नट एगेन’ जस्ता प्रचार, दलहरुप्रति वितृष्णा फैलाउने कोशिस, युगान्त पविर्तन ल्याउने शक्तिहरुलाई अपमानित र बदनाम गराउने कोशिस भइरहेका उल्लेख गरे ।

याे पनि पढ्नुस  नामावलीको त्रुटि भदौ १३ देखि १५ सम्म सच्याउन सकिने

‘अहिले पनि मानिसहरुलाई खै गणतन्त्र आएर के पाइयो, जनताको जीवनमा सकारात्मक र प्रष्ट देखिने परिवर्तन त आएको छैन, विभेदको अन्त्य अहिले पनि भएको छैन भन्ने चर्चा चलिराखेको छ ।’ प्रचण्डले भने, ‘हामीले जनताको अपेक्षा अनुरुप आर्थिक समृद्धिको योजना र कार्यक्रम लैजाने जुन दृढता थियो, त्यो नपुगेका निष्कर्षमा हामी पुगेका छौं ।’समृद्धि र आर्थिक क्षेत्रमा गुणात्मक फड्को हान्न नसके यो राजनीतिक परिवर्तन प्रति मानिसहरुमा विभ्रम आउने खतरा बढेको उनको ठहर छ ।

कमेन्ट गर्नुहोस्