प्रचण्डको निर्वाचन क्षेत्रमा तोकिए कमाण्डर र सहकमाण्डर, कसले पाए जिम्मेवारी ?

काठमाडौं । गणतन्त्र नेपालका प्रथम प्रधानमन्त्री तथा नेकपा (माओवादी केन्द्र) का अध्यक्ष प्रचण्ड गोरखा २ बाट प्रतिनिधिसभाको उम्मेदवार बनेका छन् ।

पाँच दलीय सत्ता गठबन्धनका साझा उम्मेदवार प्रचण्ड गोरखा– २ बाट चुनाव लड्ने भएपछि त्यहाँको पार्टी कमिटी मात्रै होइन स्थानीय जनता पनि उत्साही बनेका छन् । अर्कातर्फ आफूले केही समय शिक्षण गरेको तथा जनयुद्धको थालनी भएको जिल्लामा उम्मेदवार बन्न पाउँदा प्रचण्ड पनि उत्साही देखिएका छन् ।

अर्कार्तफ आफ्नो निर्वाचन क्षेत्र प्रचण्ड जस्तो युगान्तकारी परिवर्तनको नेतृत्व गर्ने नेतालाई छाड्न पाउँदा पूर्वप्रधानमन्त्री डा. बाबुराम भट्टराई पनि निकै उत्साही देखिएका छन् ।

गोरखा निर्वाचन क्षेत्र नम्बर २ जहाँ प्रचण्ड उम्मेदवार बनेका छन्, त्यहाँ निर्वाचन परिचालन कमिटी गठन गरिएको छ । जसमा युवा नेतालाई जिम्मेवारी तोकिएको छ । उक्त क्षेत्रमा सुदीप नगरकोटी प्रमुख कमाण्डर तोकिएका हुन् । नगरकोटी वाईसीएलका केन्द्रीय सचिव पनि हुन् ।

त्यस्तै प्रचण्डको क्षेत्रमा निर्वाचन परिचालन कमिटीको सहकमाण्डर धिरज उपरकोटी तोकिएका छन् । उनी पनि वाईसीएलका केन्द्रीय सदस्य तथा सहप्रवक्ता हुन् ।

कमेन्ट गर्नुहोस्