एजेन्सी । इन्डोनेशियामा ५.६ म्याग्नेच्युडको भूकम्प जाँदा ४६ जनाको मृत्यु भएको छ ।
१ मिनेटसम्म कम्पन भएको भूकम्पमा ७ सय बढी घाइते भएका छन् ।
इन्डोनेशियाको मुख्य टापु जाभाको सिआनजु शहरको १० किलोमिटर टाढा केन्द्रबिन्दु बनाई दिउँसोको समयमा गएको भूकम्पका कारण अधिकांश मानिस घर बाहिर निस्केका थिए ।
भूकम्पपछि दर्जनौ घर भत्कंदा भग्नावशेषमा थुप्रै नागरिक च्यापिएका छन् । सुरक्षाकर्मी भूकम्प पीडितहरुलाई सुरक्षित स्थानतर्फ सारेका छन् ।
साथै इन्डोनेशिया सरकारले पीडितलाई उचित राहतको व्यवस्था गर्ने जनाएको छ ।
