काठमाडौं । सरकारले प्रा.डा. सूर्यराज आचार्यको संयोजकत्वमा पूर्वाधार तथा प्रशासनिक विज्ञहरु सम्मिलित पूर्वाधार विकास प्रणाली सुधार सुझाव कार्यदल गठन गरेको छ ।
उपप्रधान एवम् भौतिक पूर्वाधान मन्त्री नारायणकाजी श्रेष्ठले सुझाव कार्यदल बनाउने प्रस्ताव प्रधानमन्त्री समक्ष लगेका थिए ।
आज प्रधानमन्त्री निवास बालुवाटारमा प्रधानमन्त्री बसेको बैठकले आर्चायलाई उक्त कार्यदलको संयोजक बनाएको हो ।
कार्यदलमा सुनिलबाबु श्रेष्ठ, रामेश्वर खनाल, अरुणध्वज अधिकारी, कोमलराज पाण्डे, राजेन्द्रराज शर्मा, वीरेन्द्र पाण्डे र रोजी प्रधानांग सदस्य छन्।
भौतिक पूर्वाधार तथा यातायात मन्त्रालय, योजना महाशाखा प्रमुख शिव नेपाल कार्यदलको सदस्य सचिव रहेका छन्।
उपप्रधानमन्त्री श्रेष्ठले यसअघि यातायात, शुसासन सुधार कार्यादल गठन समेत गरिसकेका छन्।
