काठमाडौं । युवा तथा खेलकुद मन्त्रालयले खेलकुद पत्रकार पुरस्कारका लागि दरखास्त आह्वान गरेको छ । आज एक सार्वजनिक सूचना जारी गर्दै मन्त्रालयले खेलकुद पत्रकार पुरस्कारका लागि आवेदन माग गरेको हो ।

वार्षिक कार्यक्रमअनुसार पुरस्कार प्रदान गर्न लागिएको हो । “यस मन्त्रालयको चालु आर्थिक वर्ष २०८०/०८१ को वार्षिक कार्यक्रम अनुसार खेलकुद क्षेत्रको विकास र विस्तारमा उल्लेखनीय योगदान पुर्‍याउनु हुने नेपाली खेलकुद पत्रकारलाई पुरस्कार तथा सम्मान गर्ने कार्यक्रम रहेको छ,” सूचनामा उल्लेख छ । आवेदन असोज २५ गतेसम्म दिन सकिनेछ । दरखास्त www.moys.gov.np मा दिन सकिने मन्त्रालयले जनाएको छ ।

कमेन्ट गर्नुहोस्