काठमाडौं । देशकै जेठो क्याम्पस मानिने त्रि-चन्द्र बहुमुखी क्याम्पसको लापरबाहीका कारण विएस्सी चौथो वर्षका विद्यार्थीको परिक्षाफल प्रकाशित हुन सकेको छैन ।
त्रिभुवन विश्वविद्यालयले विएस्सी चौथो वर्षको परिक्षाफल प्रकाशित गरेको भएपनि त्रि-चन्द्र क्याम्पसका विद्याथी भने नतिजा बिहिन बन्न पुगेका छन् ।
विएस्सी चौथो वर्षको रिजल्ट हिजो साँझ प्रकाशित भएको हो । विज्ञान र मानविकि शास्त्र अध्ययन अध्यापन हुने सो क्याम्पसमा देशै भरिको रिजल्ट प्रकाशित हुँदा रसायन विज्ञान,वनस्पति विज्ञान र भौतिक विज्ञान अध्ययनर विद्यार्थीको रिजल्ट नआएको हो ।
सो विषयको प्रयोगात्मक परिक्षाको डिफेन्स क्याम्पसले समयमै नगर्दा करिब २०० विद्यार्थीहरू मारमा परेका छन् । विद्यार्थीका अनुसार वनस्पति विज्ञान शास्त्रको डिफेन्स भएको भएपनि नम्बर पठाएको छैन, रसायन शास्त्रको डिफेन्स भर्खरै सुरु गर्दै छ र भौतिक शास्त्रको सुरुवात नै भएको छैन् ।
विद्यार्थीको भविष्यमा असर गर्ने गरी किन सो किसिमको गतिविधि गरेको भनेर हामीले त्रिचन्द्रका विभिन्न डिपार्टका जिम्मेवार व्यक्तिहरुसँग बुझ्दा उनीहरु आर्थिक समस्या देखाएर उम्किने प्रयत्न गरेका छन् ।
