काठमाडौं । माओवादी केन्द्रले सडक संघर्षमा जाने भन्दै निर्णय गरेको भन्ने समाचार सत्य नभएको माओवादी केन्द्रले जनाएको छ । माओवादी केन्द्रका महासचिव देव गुरुङले एक विज्ञप्ति जारी गर्दै सो जानकारी दिएका हुन् ।
विज्ञप्तिमा भनिएको छ- ‘हालै केही मेडियाहरुमा यही मंसिर २२ गते काठमाडौंमा आयोजना हुने जनप्रदर्शनको विषयलाई लिएर सरकारमा रहेको दल सडक संघर्षमा भनी टिका टिप्पणीहरु गरेको विषयमा हाम्रो ध्यानाकर्षण भएको छ ।
उक्त जनप्रदर्शनको कार्यक्रम कुनै विरोध प्रदर्शनको कार्यक्रम होइन । उक्त प्रदर्शन पूर्व घोषित तीन महिने जनतासँग माओवादी विशेष रुपान्तरण अभियान अन्तर्गतकै जनपरिचालनमुलक कार्यक्रम मात्र रहेको व्यहोरा अवगत गराउदै त्यसमा कुनै प्रकारको भ्रम नरहोस् भनी स्पष्ट गर्न चाहान्छौं ।’
