काठमाडौं ।प्रधानमन्त्रीको दल नेकपा ( माओवादी केन्द्र)ले भूकम्प प्रभावितका लागि घोषणा गरेको रकम प्रधानमन्त्री पुष्पकमल दाहाल ‘प्रचण्ड’लाई हस्तान्तरण गरेको छ।
जाजरकोट र रुकुम पश्चिममा भुकम्पबाट पीडित तथा प्रभावितहरूको पुनस्थापना एवं राहतका लागि यसअघि घोषणा गरेको ५० लाख सरकारको खातामा जम्मा गरेको हो ।
नेपाल कम्युनिष्ट पार्टी (माओवादी केन्द्र) का उपाध्यक्ष पम्फा भुसाल, प्रमुख सचेतक हितराज पाण्डे लागयतका नेताहरूले सिंहदरबारमा प्रधानमन्त्री प्रचण्डसमक्ष प्रधानमन्त्री दैवी प्रकोप उद्धार कोषको लागि ५० लाखको चेक हस्तान्तरण गरेका हुन् ।
