पूर्वका एमाले किल्लाहरुमा गगनको प्रवेश
७ असार, २०७४
रूद्रप्रसाद भट्टराई
अघिल्लो सरकारको पालामा अधिक चर्चामा रहेका थिए दुइ मन्त्रीद्वय । उर्जामन्त्री जनार्दन शर्मा र स्वास्थ्यमन्त्री गगन कुमार थापा ।
स्थानीय तहको पहिलो चरणको चुनावमा देश दौडाहामा निस्कन पाएनन् यी नेताहरू । तर, अहिले गगन कुमार थापा नयाँ सरकार बनेसँगै स्वतन्त्र छन् जसको लगानी पूर्वी क्षेत्रले राम्रै पाएको छ । कस्सिएर लागेका छन उनी गाउँ, नगर सबै ठाउँमा जनतासँग मन र मुटु साटिरहेका छन् ।
हरेक सञ्चार माध्ययम् र सामाजिक सञ्जाल भाइरल भएको छ । उनको बोली सुन्न र हात हल्लाउँदै मायाँ साटासाट् गर्न ठूलो जमात उनी केन्द्रीत भएको छ । यहि भिडलाई धेरै दिनदेखि नियाल्ने हो भने सबैको मनमा एउटै प्रश्न सिर्जना गरिदिएको छ — चुनावी परिणाम उथलपूथल हुन सक्छ ! भनेर ।
पूर्वका एमालेका गौँडा मानिएका स्थानहरूमा नसोचेको समुहहरूको नवप्रवेश एउटा दरिलो उदाहरण हो उथलपूथलको । गगनको भाषण हावादारी नहुनु, अघिल्लो सरकारको बेलामा उनले गरेको कार्यलाई जनतामा जस्ताको तस्तै लैजानु मतको तौल वृद्धिको अर्को प्रमाण भएको छ । उनको संवेदनशील निर्णयले देशका गरिबले आफ्नो स्वास्थ्यमा पाएको अकल्पनिय कार्यले जनताको मतमा तलमाथि पार्ने आधारहरू खडा गरिदिएको छ ।
उनका सहयोगी मात्र होइन, विपक्षिहरूपनि खुलेर प्रशंशामा उत्रिनु, सामाजिक सुरक्षाको ढुकुटीमा वृद्धि गरि समग्र वृद्ध, असहाय, एकल महिला र बेरोजगार यूवाको व्यवस्थापनको वास्तविक तस्वीरलाई उजागर गरे त्यो मत बढ्नुको अर्को आंकलन गर्न सकिन्छ ।
प्रायः नेताहरू नपुगेका ग्रामीण क्षेत्रहरूमा गगन पुगेका छन् । घरदैलोमा सारिक भएका छन् । स्वास्थ्य जस्तो महत्वपूर्ण पक्षलाई केन्द्रमा राखेर सचेत गराएका छन् । उनले कांगे्रसलाई मत मागेका छैनन्, मात्र भनेका छन् कांग्रेसले देशको ढिकुटी बनाउन जानेको छ । ढिकुटी बनाउनेले मात्र खर्च गर्न जान्ने हुनाले उसलाई १० वर्ष सरकार चलाउने स्थानमा पुर्याउन आग्रह गरेका छन् । यो अर्को नमूना हो जहाँ आफ्नो पार्टीलाई प्रत्यक्ष मत मागीएको छैन, सबैलाई मत मागिएको छ ।
उनले सभाहरूमा भन्दै हिँडेका छन् — भोट जोसुकैलाई दिए हुन्छ तर सबैलाई समेट्ने पार्टी नेपालमा एउटै हो भनेका छन, त्यो हो कांग्रेस ।
दोश्रो चरणको निर्वाचन सर्नुले र गगन जस्ता यूवा नेताहरूको देश दौडाहामा वृद्धि छाउनुले नेपाली कांग्रेस दोश्रो रहेका स्थानहरूमा हलचल हुने देखिन्छ । कांग्रेसमा पछिल्लो समय देखिएको यूवा नेताको चलायमानले पूरानो कांग्रेस र उसको अवस्थामा परिवर्तन देखिने आंकलनपनि गर्न थालिएको छ । स्थानीय निकायमा देखिएको बागीका समस्याहरूले यसपटक स्थान नपाउनु, समयमै सम्बोधन हुनु, सहकार्यलाई जोड दिनु, समयमै जनप्रतिनिधिको टुँगो लगाउनु जस्ता विविध पक्षमा देखिएको सहजताले दोश्रो चुनावमा कांग्रसले सिटसँख्या बढाउने निश्चित देखिन्छ ।
सात दशक देखि प्रजातन्त्रको स्थापना र पुनस्र्थापनाको क्रममा धेरैपटक जितेर हारेको कांग्रेसले यसपटक जुट्दै जित्छौँ भन्ने रणनीति अंगिकार गर्नुले समग्रता झल्काउँछ । राष्ट्रियता, प्रजातन्त्र र समाजवादलाई भूसतहमा लैजादैँ संघीय लोकतान्त्रिक गणतन्त्र एवम् संसदीय व्यवस्थाको माध्यमबाट आर्थिक—सामाजिक परिवर्तन गरी न्यायपूर्ण र गतिशिल समाजको निर्माणमा गरेको लगानीलाई उजागर गर्नुले जनताको थप आशा कांग्रेसमा पर्न गएको छ । काम गरेर पनि स्थलमा प्रदर्शन गर्न नसकेको कांग्रेसले यूवा नेता गगन मार्फत अब स्पष्ट पार्दै गएको छ ।
ऐतिहासिक संविधान निर्माण पछिको कार्यान्वयन चरणमा कांगे्रसले परिवर्तित सन्दर्भमा यूवामा बढेको परिवर्तनको चाहना, सीमान्तकृत समुहको पहिचानको चाहना, समावेशीकरण र सशक्तिकरणको आकांक्षा, लोककल्याण र सामाजिक न्यायको सन्दर्भमा आएको चेतना, सांस्कृतिक, जातिय र लैंगिक नवचेतनाको साथै विकासको भोकलाई समेत सम्बोधन गर्नको लागि कांग्रेसलाई मत दिनुपर्ने तर्क पार्टी भित्र मात्र नभएर सबैको लागि समय सान्दर्भिक नै देखिन्छ ।
यसपटक कांग्रेसमा खुलेको चेत जुन सिद्धान्तमा रमाउँथ्यो, त्यसलाई गगनले पूर्वी तराइदेखि हिमाल सम्मका क्षेत्रमा पोखिदिएका छन् । सँधैभरी नियतीले निर्माण, उत्थान र गौरवको मार्गमा अग्रसर हुन आब्हान गरेपनि आन्तरिक तथा बाह्य कारणले गर्न नसकिरहेको अवस्थामा आगामी दिनमा परिवर्तन अवश्य हुने आधारहरू बनेको विश्वास गर्न सकिन्छ ।
देश सबैको साझा हो । हामी सबैको सामुहिक आशा नेपालको उज्जवल भविश्य हो । भन्ने बी.पी. कोइरालाको यहि शिक्षाको कारण स्वार्थ, संकीर्णता त्याग्न लगाउँदै गगनले नियतीको बाणीलाई सुनाउँदैछन् पूर्वी जिल्लाहरूमा, जुन आगामी दिनको लागि बहुमतको ढुकुटी हुने पक्का छ ।
>
>
>
वडा अध्यक्षालार्इ २२ लाखको अख्तियारी
एभरेष्ट दैनिक
७ असार, २०७४
भर्खरै
लोकप्रिय
कतार जाने नेपाली घटे
काठमाडौँ, असार ७ । दुईसाताअघि छिमेकी मुलुकले नाकाबन्दी गरेको कतारमा रोजगारीका लागि जाने नेपालीको संख्या ४ प्रतिशतले घटेको छ । विभिन्न रोजगारदाता कम्पनीमा कार्यरत करिव चार लाख नेपालीमध्ये अहिलेसम्म कोही पनि समस्यामा परेको खबर सार्जजनिक नभए पनि सम्भावित जोखिमका कारण कतार जानेको संख्या घटेको अनुमान गरिएको नागरिकमा खबर छ ।
सुरु भयो प्रहरीमा बढुवा
काठमाडौँ, असार ७ । चार हजार बढी पद रिक्त हुँदा पनि बढुवा प्रक्रिया अगाडि नबढाउँदा आलोचित प्रहरी प्रशासनले बढुवा सिफारिस समितिलाई सक्रिय बनाएको नागरिकमा खबर छ । गृहमन्त्रीमा जनार्दन शर्मा आएपछि गत बुधबार उनले बढुवा अघि बढाउने बताएका थिए । उनले दाबी गरेको पाँच दिनपछि आइतबारदेखि तल्लो तहको बढुवा प्रक्रिया अघि बढेको हो । असारभित्र सबै रिक्त पदमा बढुवा गर्ने योजना सहित प्रहरी हवल्दार र असईको बढुवाको लागि फइल उठिसकेको छ ।
कांग्रेसले तोक्यो कमान्डर
काठमाडौँ, असार ७ । नेपाली कांग्रेसले १४ गतेको निर्वाचनमा प्रचा प्रसारका लागि कमान्डर तोकेको छ । रामचन्द्र पौडेल संयोजकत्वको केन्द्रीय निर्वाचन परिचालन समिति बैठकले दोस्रो चरणमा निर्वाचन हुने ३५ जिल्लामा केन्द्रीय नेता खटाएको नागरिकमा छ । यसरी खटिउका नेतालाई तोकिएको जिल्लामा बसेर पार्टीका उममेदवारलाई जिताउन सक्रिय हुन समितिले निर्देशन दिएको छ ।
जनयुद्धबारे प्रचण्डको नयाँ खुलासा
काठमाडौं, असार ७ । माओवादी केन्द्रका अध्यक्ष पुष्पकमाल दाहाल प्रचण्डले तत्कालीन नेकपा माओवादीले २०४४ सालमै जनयुद्ध गर्न चाहे पनि परिस्थितिले आठ वर्ष ढिलो सुरु गरिउको खुलासा गरेका छन् । पत्रकार उजिर मगरद्वारा लिखित पुस्तक अंशको विमोचन गर्न मंगलबार आयोजित कार्यक्रममा प्रचण्डले २०४४ सालमै जनयुद्ध सुरु गर्न गोरखाको सिरानचोकमा पहिलो सैन्य तालिम समेत गरेको सम्झना गरे । ‘तर परिस्थिति परिवर्तन भयो, जनयुद्धको मिति पनि धकेलियो,’ प्रचण्डले भने । २०५२ फागुन १ गते सुरु भउको माओवादी जनयुद्ध १० वर्षसम्म चलेको थियो । २०४४ सालमा कुनै नेताले चाहेर मात्र सशस्त्र संघर्ष नभएको चर्चासमेत प्रचण्डले गरे । ‘त्यो एउटा रिभुलुस्नरी रोमान्सको उत्सुकता थियो जस्तो लाग्छ’, उनले भने, ‘प्रचण्ड या बाबुरामले चाहँदैमा जनयुद्ध हुँदैनथियो, त्यसैले त्यो बेला भएन ।’ त्यो समयमा जनयुद्ध सुरु गर्न नसक्नुको मुख्य कारण २०४६ सालको जनआन्दोलनको वातावरण बन्दै जानु भएको प्रचण्डको बुझाइ छ ।‘सुरु गर्ने तयारी गरिरहँदा ०४६ को आन्दोलनको वातावरण बन्यो,’ उनले भने, ‘त्यसैले भएन । नागरिक दैनिकमा खबर छ ।
मोरङमा ४ हजार ३ सय ८७ जना चुनावी मैदानमा
विराटनगर, असार ६ । मोरङको सत्रवटा स्थानीय तहको आठसय उन्नतीसवटा विभिन्न पदका लागि हुन गइरहेको निर्वाचनमा चार हजार तीन सय सतासी जना चुनावी मैंदानमा होमिएका छन् । चार हजार ४३१ जनाले उम्मेद्वारी दर्ता गराएकामा आज ४४ जनाले उम्मेद्वारी फिर्ता लिएकाले सो बराबराका उम्मेद्वार चुनावी मैदानमा होमिएको हो । विराटनगर महानगरपालिकाको ९७ पदका लागि ७१४ जनाले उम्मेद्वारी दर्ता गराएकामा आज ११ जनाले उम्मेद्वारी फिर्ता गरेको मुख्य निर्वाचन अधिकृतको कार्यालय विराटनगरले जनाएको छ । त्यस्तै, जिल्लाको आठवटा नगरपालिकामध्येबाट रङ्गेलीको ४७ पदका लागि २४९ जनाले उम्मेद्वारी दर्ता गराएकामा कसैले पनि फिर्ता नलिएको पूर्वाञ्चल क्षेत्रीय निर्वाचन कार्यालय विराटनगरले जनाएको छ । सोहीअनुरुप, उर्लाबारीको ४७ पदको लागि २१४ जनामध्येबाट चार जना, लेटाङको ४७ पदको निर्वाचनका लागि १७२ जनामध्येबाट दुई जना, सुन्दरहरैचाको ६२ पदका लागि ३५३ जनामध्येबाट तीन जना, सुनवर्षीको ४७ पदका लागि २४६ जनामध्येबाट एक जना, पथरी–शनिश्चरेको ५२ पदका लागि २९१ जनामध्येबाट एक जना, रतुवामाईको ५२ पदको निर्वाचन २५५ जनामध्येबाट पाँच जना र वेलवारीको ५७ पदका लागि हुने निर्वाचनका लागि २९५ जनाले उम्मेद्वारी दर्ता गराएकामा दुई जनाले फिर्ता लिएका छन् । त्यसैगरी, आठवटा गाँउपालिकामध्येबाट जहदाको ३७ पदका लागि हुने निर्वाचनका लागि २५५ उम्मेद्वारी दर्ता गराएकामा दुई जनाले फिर्ता लिएका छन् । धनपालथानको ३७ पदका लागि २१३ मध्येबाट पाँच जना,बुढीगङ्गाको ३७ पदका लागि २०८ जनामध्येबाट कसैले पनि फिर्ता नलिएको,कटहरिको ३७ पदका लागि २१५ जनामध्येबाट दुई जना,कानेपोखरीको ३७ पदका लागि १५५मध्येबाट दुई जना,,केराबारीको ५२ पदका लागि १९३ जनामध्येबाट एक जना,मिक्लाजुङ्गको ४७ पदका लागि १८६ जनामध्येबाट उम्मेद्वारी फिर्ता भएको छैन् भने ग्रामथानको ३७ पदको निर्वाचनका लागि २१३ जनामध्येबाट तीन जनाले उम्मेद्वारी फिर्ता लिएका छन् ।
कपिलबस्तु बम विष्फोटका बारेमा एमालेको विवादाष्पद धारणा
काठमाडौँ, असार ६ । कपिलबस्तुको बाणगंगा नगरपालिकामा भएको बम विष्फोटका बारेमा नेकपा एमालेले विवादष्पद धारणा सार्वजनिक गरेको छ । राष्ट्रिय समाचार समितिले सार्वजनिक गरेको समाचारमा सरकारी श्रोत र साधनको दुरुपयोग गरेको र आफ्ना कार्यकर्तामाथि हिंसा भएकोले बम विष्फोट भएको एमालेको ठहर देखिन्छ । समाचारमा भनिएको छ– नेकपा एमालेले स्थानीय तहको दोस्रो चरणको निर्वाचनलाई प्रभावित पार्ने गरी सत्ता, साधन र स्रोतको दुरुपयोगका कारण कपिलवस्तुमा बम विस्फोटको घटना भएको जनाएको छ । एमालेले आज विज्ञप्ति जारी गरी आफ्ना नेता–कार्यकर्तामाथि आक्रमण गर्ने, ज्यान लिने, शान्तिपूर्ण कार्यक्रममा अवरोध सिर्जना गर्ने र सरकारी तहबाट आचारसंहिताको उल्लङ्घन गर्नेसम्मका क्रियाकलाप भएकामा ध्यानाकर्षण गराएको छ । एमालेको यो धारणाले सरकारी ज्यादतीको प्रतिरोध गर्न एमालेले नै बम विष्फोट गराएको त हैन् भन्ने आशय झल्किएको छ । समाचारमा अगाडि उल्लेख छ– यही असार ४ गते बाजुराको छेडेदह–६ मा निर्वाचनमा मनोनयनपत्र दर्ता गर्न गइरहेको एमालेको जुलुसमाथि आक्रमण गरेर सत्ताधारी नेपाली कांग्रेसका कार्यकर्ताले आफ्ना कार्यकर्ता हंसबहादुर रावतको हत्या गरेका एमालेको आरोप छ । “घटनामा संलग्न अपराधीहरुका विरुद्ध मुद्दा दर्ता गर्न खोज्दा सत्ताको दुरुपयोग गर्दै मुद्दा दर्ता गरिएको छैन भने अपराधमा संलग्न सबै जनालाई पक्राउ गरिएको छैन ।” एमालेका महासचिव ईश्वर पोखरेलले जारी गर्नुभएको विज्ञप्तिमा जनाइएको छ । यस्तै बाँके र सोलुखुम्बुमा पनि एमालेका कार्यकर्तामाथि हिंसा भएको एमालेको दाबी छ । निर्वाचनलाई व्यवस्थित, स्वच्छ र धाँधलीरहित रुपमा सम्पन्न गर्न निर्वाचन आयोगले जारी गरेको आचारसंहितालाई पालना गर्न एमालेको आग्रह छ ।
रोल्पाका १० वटै स्थानीय तहमा माओवादीको विजय सुनिश्चित– वर्षमान पुन ‘अनन्त’
रोल्पा, असार ६ । माओवादी केन्द्रका कार्यालय सदस्य एवम् पूर्व अर्थमन्त्री वर्षमान पुन अनन्तले रोल्पा नगरपालिकासहित १० वटै स्थानीय तहमा माओवादीले विजयी हाँसिल गर्ने बताएका छन् । रोल्पामा आयोजित एक कार्यक्रममा बोल्दै नेता अनन्तले रोल्पा माओवादीको आधार क्षेत्र भएकोले सबै क्षेत्रमा जित्ने दावी गरे । ‘रोल्पामा माओवादी हार्नुपर्ने कुनै कारण छैन, म आवश्यक परे सम्पूर्ण विवरण सुनाउन सक्छु की माओवादी रोल्पाका १० वटै स्थानीय तहमा धेरै मतान्तरले विजयी हाँसिल गर्दैछ,’ चुनावी सभामा उनले भने, ‘अरु पार्टीहरु आत्मसम्मानका लागि निर्वाचन लड्दै छन्, माओवादी जित्नका लागि निर्वाचन लड्दैछ ।’ कार्यक्रममा रोल्पा नगरपालिकाका वडा नं. ६ को अध्यक्षको उम्मेदवार अस्वीकार गरेका नेकपा (एमाले)का स्थानीय कार्यकर्ता पूर्णबहादुर वलीसहित आधादर्जन कार्यकर्ताहरु नेकपा (माओवादी केन्द्र)मा प्रवेश गरेका छन् । उनीहरुले मंगलबार कोटगाउँमा आयोजित चुनावी सभामा माओवादी केन्द्रका कार्यालय सदस्य वर्षमान पुन अनन्तले टिका लगाएर प्रवेश गराएका हुन् । वलीसँगै एमालेका कार्यकर्ताहरु प्रेम जिसी, ताराप्रसाद विक, कमल केसी र कुलवीर बाँठा पनि माओवादी केन्द्रमा प्रवेश गरेका हुन् । जिसी एमालेबाट वडा सदस्यको उम्मेदवार अस्वीकार गरेका हुन् भने विक, केसी र बाँठा एमालेको इलाका सदस्य हुन् । एमालेको रोल्पा नगरपालिका वडा नं. ६ को कमिटिले वलीलाई अध्यक्षको उम्मेदवारमा सर्वसम्मत प्रस्ताव गरेको थियो । तर, उनले आफूलाई एमालेको एजेण्डाप्रति वितृष्णा आएकोले एमालेमा बस्न मन नभएको भन्दै अध्यक्षको उम्मेदवार अस्वीकार गरेका थिए । उनले माओवादीको एजेण्डा मन परेकोले माओवादी केन्द्रमा प्रवेश गरेको बताए । ‘एमाले त जनताको पार्टी रहेन, मलाई कुनबेला एमाले छोडौं जस्तो भएको थियो, त्यहीं भएर वडा अध्यक्षको उम्मेदवार अस्वीकार गरेर बसिरहेको थिएँ’, उनले भने, ‘मैले जनताको एजेण्डा बोक्ने पार्टी माओवादी केन्द्र भन्दा अरु देखिन अनि माओवादीमा प्रवेश गरेँ ।’ उनले माओवादी केन्द्रमा प्रवेश गर्न पाउँदा आफूलाई गौरव लागेको बताए । माओवादीले रोल्पामा चुनावी अभियानलाई तिव्र बनाएको छ ।
प्रचण्डको प्रश्न– जनयुद्द नलडेको भए राजतन्त्र ढल्थ्यो ?
काठमाडौं, असार ६ । नेकपा माओवादी केन्द्रका अध्यक्ष प्रचण्डले सशस्त्र युद्दको तयारी २०४६ सालमैं शुरु भएको बताएका छन् । नेपाली समाजको बस्तुगत अवस्थाले नै युद्दमा जान बाध्य बनाएको बताउँदै प्रचण्डले जनयुद्द र शान्ति सम्झौत दुबै बस्तुगत आवश्यकता भएको बताए । जनयुद्द नेपाली समाजको आवश्यकता “नेपाली समाजको अर्थ राजनीति, सामाजिक अवस्थिति, जातजाति, भाषा, धर्म, भूगोल आदिको ऐतिहासिक अवस्थाले जनयुद्दको जन्म भयो । कसैको व्यक्तिगत लहड र रोमान्समा होइन ।” प्रचण्डले भने, “हामीले बस्तुगत अवस्था बुझेरै युद्द शुरु नगरेका हौं । त्यतिखेर युद्द नगरेको भए अहिलेका उपलब्धि हासिल हुने थिएन ।” ‘नेपालमा जनयुद्ध प्रचण्ड, बाबुराम वा अरु कुनै नेताको मनोगत चाहनाले भएको थिएन । हामीले त २०४४ सालमै जनयुद्ध गर्न चाहेका थियौं, हतियार किनेर गोरखामा तालिम पनि लिएका थियौं ।” नेपाल पत्रकार महासंघका महासचिव उजिर मगरको जनयुद्धकालीन रिपोर्टिङका संस्मरणहरु समेटिएको पुस्तक ‘अंश’को मंगलकार काठमाडौंमा लोकार्पण गर्दै प्रचण्डले भने, ‘ज्ञानेन्द्रले आफ्नो हातमा आएको मौका छोप्न नसक्दा राजनीतिक दलसँग दिल्लीमा १२ बुँदे समझदारी गर्नुपर्यो ।’ प्रचण्डले भने, “तर, देशको राजनीतिले अर्कै मोड लियो । पञ्चायतका विरुद्धमा सडकमा जनलहर उर्लेर आयो, त्यस्तो परिस्थितिमा हामीले जनुयद्ध गरेको भए जनआन्दोलनका विरुद्धमा पञ्चायतलाई सघाएको सन्देश जान सक्थ्यो । त्यसैले हामी संयुक्त जनआन्दोलन समिति बनाएर २०४६ सालको जनआन्दोलनमा भाग लियौं र युद्धको परिस्थिति केही वर्ष पछि धकेलियो ।’ ज्ञानेन्द्रका कारण १२ बुँदे दिल्लीमा संविधान सभाको माग समेत मान्न साहस नराखेपछि सिलिगुडी बैठक सफल नभएको बताउँदै प्रचण्डले माओवादी युद्दले नै उपलब्धिको आधार तयार पारेको दावी गरे । आफूहरुले १२ बुंदे समझदारी नेपालमै होस् भन्ने चाहे पनि प्रतिकूल परिस्थितिका कारण सम्भव नभएको प्रचण्डले बताउनु भयो । उहाँले भन्नुभयो, ‘हामीले बार्ताका लागि कोशिस गरिरहेका थियौं । बीरेन्द्रका भाइ धिरेन्द्रसँग त साथीहरुले प्रत्यक्ष कुराकानी गर्नुभएको थियो । बीरेन्द्रसँग बार्ताको प्राविधिक विषयमा कुराकानी चलिरहेको थियो, त्यही बेला दरबार हत्याकाण्ड घट्यो । दरबार हत्याकाण्डले नेपाली राजनीतिमा नयाँ मोड लियो । यसले फेरि देशभित्रका गणतन्त्रवादी र लोकतान्त्रिक शक्तिहरुबीच समझदारी गरेर जानुपर्ने ऐतिहासिक आवश्यकता जन्मायो । यही प्रतिकूल परिस्थितिका कारण हामीले देशभित्रै चाहे पनि दिल्ली गएर १२ बुंदे समझदारी गरियो ।’ बिमोचन कार्यक्रममा सम्पादकहरु नारायण वाग्ले, गुणराज लुईटेल, युवराज घिमिरे, नेपाल पत्रकार महासंघका अध्यक्ष महेन्द्र बिष्ट, नेकपा एमालेका केन्द्रीय सदस्य सूर्य थापा, पत्रकार गोविन्द आचार्य लगायतले कृतिको समीक्षा गर्नुभएको थियो ।
फेरी निल्यो जेब्रा क्रसले, बाटो काट्दै गर्दा ५ वर्षीय बालकको मृत्यु
बर्दिबास: सोमबार बिहान स्कूल पठाएका अप्सरा थापाले आफ्नो ५ वर्षीय छोरा आदित्यलाई लिन सडकको किनारमा पर्खिरहनु भएको थियो। बर्दिबास सन्साइन सेकेन्डरी बोर्डिङ्ग स्कूलको बसमा आएका छोरा बसबाट सडकमा ओर्लिए। सडक पारी आमालाई देखेर आदित्य खुशी भए। आमा ..आमा…. भन्दै आदित्य आमाको काँखामा आउनलाई बाटो काट्दै थिए।तर अचानक, बा. ५ ख ४१ ९५ नम्बरको ट्रकले बालकलाई किच्यो। ट्रकको ठक्करबाट उनको घटनास्थलमै मृत्यु भयो।उनको घर बर्दिबास नगरपालिका-३ पाटुमा पर्छ। आँखै अगाडि आदित्यलाई ट्रकले ठक्कर दिएपछि छोरो समाउँदै अप्सरा रुदैं बेहोस हुनुभयो। आदित्यलाई अन्तिम पटक आमालाई भेट्ने सपन अधुरै रह्यो। छोरोलाई काँखमा बोकेर गाला सुमसुमाउँदै अन्तिम चुम्बने गर्ने चाहना अपसराको पुरा हुन सकेनन्। छोरालाई टपक टिपेर कालले उडायो। अप्सारा अहिले अचेत अवस्थामा हुनुहुन्छ। उनलाई सम्झिँदै हजुरबुवा धुर्व थापा भन्नुहुन्छ, ‘विहान ड्रेस लगाएर नातीलाई बुहारीले तयार गर्नुभयो। मैले काँधमा बोकरे बिहान स्कूल बस चढाएर नातीलाई स्कूल पठाएको थिए,’ उहाँले भकानिदै भन्नुभयो, ‘नाती मेरै काँखामा सुत्थ्यो। हाम्रो नातीलाई कालले हामीबाट खोसेर लग्यो। राति निद्रापनि लागेन।’ आदित्यको मृत्युले पाटु गाउँ शोकमा डुबेको छ। मंगलबार आदित्यको मृत्युको शोकले बर्दिबासका सबै निजी स्कूलहरु बन्द भयो।’सानो बाबुले हामी पढेर ठूलो भएर डाक्टर भन्ने भन्थें,’ आदित्यका हजुर आमा रीता थापाले भन्नुभयो, ‘साँउ भन्दा ब्याजको माया लाग्थ्यो।’ छोरो भन्दा नातीको धेरै माया लाग्ने गरेको रीता बताउनुहुन्छ। यता, बर्दिबास-सिन्धुली सडक खण्डमा आदित्यलाई ठक्कर दिने ट्रक चालक भने अझै फरार छन्। अन्नपूर्ण पोष्ट बाट
रोल्पामा एमाले कार्यकर्ताहरु नेकपा माअोवादीमा प्रवेश
रोल्पा, असार ६ । रोल्पा नगरपालिकाका वडा नं.६ को अध्यक्षको उम्मेदवार अस्वीकार गरेका नेकपा (एमाले) का स्थानीय कार्यकर्ता पूर्णबहादुर वलीसहित आधादर्जन कार्यकर्ताहरु नेकपा (माओवादी केन्द्र) मा प्रवेश गरेका छन् । उनीहरुले मंगलबार कोटगाउँमा आयोजित चुनावी सभामा माओवादी केन्द्रका कार्यालय सदस्य वर्षमान पुन ‘अनन्त’ ले टिका लगाएर प्रवेश गराएका हुन् । वलीसँगै एमालेका कार्यकर्ताहरु प्रेम जिसी, ताराप्रसाद विक, कमल केसी र कुलवीर बाँठा पनि माओवादी केन्द्रमा प्रवेश गरेका हुन् । जिसी एमालेबाट वडा सदस्यको उम्मेदवार अस्वीकार गरेका हुन् भने विक, केसी र बाँठा एमालेको इलाका सदस्य हुन् । एमालेको रोल्पा नगरपालिका वडा नं। ६ को कमिटिले वलीलाई अध्यक्षको उम्मेदवारमा सर्वसम्मत प्रस्ताव गरेको थियो । तर, उनले आफूलाई एमालेको एजेण्डाप्रति वितृष्णा आएकोले एमालेमा बस्न मन नभएको भन्दै अध्यक्षको उम्मेदवार अस्वीकार गरेका थिए । उनले माओवादीको एजेण्डा मन परेकोले माओवादी केन्द्रमा प्रवेश गरेको बताए । ‘एमाले त जनताको पार्टी रहेन, मलाई कुनबेला एमाले छोडौं जस्तो भएको थियो, त्यहीं भएर वडा अध्यक्षको उम्मेदवार अस्वीकार गरेर बसिरहेको थिएँ’, उनले भने, ‘मैले जनताको एजेण्डा बोक्ने पार्टी माओवादी केन्द्रभन्दा अरु देखिन अनि माओवादीमा प्रवेश गरेँ।’ उनले माओवादी केन्द्रमा प्रवेश गर्न पाउँदा आफूलाई गौरव लागेको बताए । कार्यक्रममा माओवादी केन्द्रका कार्यालय सदस्य एवम् पूर्व अर्थमन्त्री वर्षमान पुन अनन्तले रोल्पा नगरपालिकासहित १० वटै स्थानीय तहमा माओवादीले विजयी हाँसिल गर्ने बताए । ‘रोल्पामा माओवादी हार्नुपर्ने कुनै कारण छैन, म आवश्यक परे सम्पूर्ण विवरण सुनाउन सक्छु की माओवादी रोल्पाका १० वटै स्थानीय तहमा धेरै मतान्तरले विजयी हाँसिल गर्दैछ,’ चुनावी सभामा उनले भने, ‘अरु पार्टीहरु आत्मसम्मानका लागि निर्वाचन लड्दै छन्, माओवादी जित्नका लागि निर्वाचन लड्दैछ ।’ माओवादीले रोल्पामा चुनावी अभियानलाई तिव्र बनाएको छ ।
प्रहरी सुधार कार्ययोजना केही दिनमै सार्वजनिक गर्छुः गृहमन्त्री शर्मा
धनगढी, असार ६ । गृहमन्त्री जनार्दन शर्मा प्रभाकरले प्रहरी सुधार कार्ययोजना केही दिनमै सार्वजनिक गर्ने बताएका छन् । कञ्चनपुरको धनगढीमा क्षेत्रिय सुरक्षा गोष्टी उदघाटन गर्दै, आज मन्त्री शर्माले निर्वाचन सफल पारेमा सुरक्षा निकायको उचित मुल्यांकन हुने बताए । यसैगरी उनले विभिन्न जिल्लाहरुको चुनावी निरीक्षण र सुरक्षा प्रतिनिधिहरुसँगको अन्तरकृयाले दोस्रो चरणको निर्वाचन पनि शान्तिपुर्वक सम्पन्न हुने निष्कर्ष निकालेको बताए । साथै उनले एउटा जिल्लामा उम्मेदवारी दर्ता गर्ने दलले अन्य स्थानमा विरोध प्रर्दशन गरेको नसुहाउने पनि बताए । मन्त्री शर्माले दलहरुबिच प्रतिस्पर्धात्मक कलह देखिएमा कुशलतापुर्वक सहजीकरण गर्न सुरक्षा निकायलाई निर्देशन दिए । उनले जनताको मतदान गर्ने उत्साह र अधिकारको कदर गर्दै भौगोलिक तथा प्रतिकुल मौसमसँग पनि सामना गर्न सकिने बताए। गोष्टीमा गृहसचिव लोकदर्शन रेग्मी, निर्वाचनआयुक्त सुधीर शर्मा, राष्ट्रिय अनुसन्धान विभागका प्रमुख दिली परेग्मी, नेपाली सेनाका बलाधिकृत रती बलदेवराज महत, सुदूर–पश्मिका ९ वटै जिल्लाका प्रमुख जिल्लाअधिकारीहरुको उपस्थिती थियो।
जनयुद्धका बारेमा मुख खोले प्रचण्डले
काठमाडौं, असार ६ । नेकपा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाल प्रचण्डले जनयुद्धका बारेमा मुख खोलेका छन् । ‘हामी कुनै लहडमा जनयुद्ध नलडेका थिएनौं, नेपाली समाजको तत्कालिन आवश्यकताले नै जनयुद्ध जन्मिएको’ उनले बताए । आज प्रज्ञा भवन कमलादीमा पत्रकार उजिर मगरको पुस्तक‘अंश’ को बिमोचन कार्यक्रममा अध्यक्ष प्रचण्डले जनयुद्धको प्रसंग, शान्ति सम्झौता, आसन्न स्थानीय निर्वाचनलगायतका बारेमा बोलेका छन । हेनुस् (भिडियो सहित)
घुस लिँदालिँदै सब-इन्जिनियर रङ्गेहात पक्राउ
पाँचथर, असार ६ । जिल्ला शिक्षा कार्यालय पाँचथरका सब-इन्जिनियर मनोजकुमार यादव रु.एक लाख २५ हजार घुस लिँदै गर्दाको अभियोगमा आज थलोमै पक्राउ परेका छन् । कार्यालय खुलेपछि ‘घुस लिँदै गर्दा’ करारमा रहेका यादवलाई अख्तियार दुरुपायोग अनुसन्धान आयोग क्षेत्रीय कार्यालय इटहरीको टोलीले पक्राउ गरेको हो । यादवलेसाबिक माङ्जाबुङ– १स्थित सिद्ध सरस्वती माविको चारकोठे पक्की भवनको फाइनल प्राविधिक रिपोर्टिङ तयार गर्ने क्रममा घुस मागेकोे आरोप लगाइएको छ । विसं २०७० देखि निर्माण सुरु भएको उक्त भवन २०७३ सालमै सम्पन्न गर्नुपर्ने भए पनि विविध कारणले ढिलाइ भएको बताइएको छ । इन्जिनियर यादवलाई आयोगको पूर्वाञ्चल क्षेत्रीय कार्यालयमा परेको उजुरीका आधारमा पक्राउ गरिएको आयोग क्षेत्रीय कार्यालय प्रवक्ता रमेश बस्नेतले बताउनुभयो ।
चुनावी प्रतिस्पर्धाः भाइ माओवादी, दाइ एमालेबाट
भैरहवा, असार ६ । आसन्न स्थानीय तहको निर्वाचनमा सिद्धार्थनगर नगरपालिका ९ को वडाध्यक्षमा सहोदर दाजुभाइ फरक राजनीतिक दलका तर्फबाट चुनावी प्रतिस्पर्धामा उत्रिएका छन् । नेकपा माओवादी केन्द्रको तर्फबाट पुरन भण्डारीले र नेकपा एमालेको तर्फबाट दाई शेषकान्त भण्डारीले वडाध्यक्ष पदमा उम्मेदवार मनोनयन दर्ता गराएका छन् । एकै घरपरिवारका दाजुभाइले दुई फरक राजनीतिक दलबाट वडाध्यक्षमा टिकट पाएपछि परिवार, आफन्त, इष्टमित्रहरु कसलाई मत दिने भन्नेबारे अन्योलमा परेका छन् । एमालेबाट टिकट पाएका शेषकान्तले भने ‘यस्तो अवस्थामा घरमा भएको मत जता गएपनि एकलौटी जान्छ ।’ दाइ वा भाइमध्ये एकजनाले उम्मेदवारी छोड्नुपर्छ भन्ने छलफल भण्डारी घरपरिवारमा चलिरहेको छ । एउटै आमाका सन्तान भए पनि फरक विचार र सिद्धान्त भएकाले फरक सपना र योजना बनाएर चुनावी दौडमा उत्रिएको उनीहरुको भनाइ छ । पुरनले तीन महिना अघि नै नेकपा माओवादी केन्द्रबाट वडाध्यक्षको टिकट सुनिश्चित गरी आफ्नो चुनावी दौडमा होमिएका थिए । ‘शुरुमा यसपाली दाइले टिकट नपाउने र यसपटक नलड्ने सोचमा बस्नु भएकोले मैले दाईलाई सोधेरै सल्लाह अनुसार नै टिकट लिएको हु ।’ उनले थपे ‘मैले टिकट लिएर प्रचार तीव्र पारेपछि एमालेले दाईलाई टिकट दिएर उठायो । दाजुभाइबिच फाटो पर्यो, धेरै अगाडि बढिसके, छोड्न पनि ।’ यता दाइ शेषकान्तले ‘मैले टिकट मागेको होईन तर पार्टीले मुल्याङकन गरी उठायो । २० वर्षपहिला पनि लडेको हो, अब दाइभाइको कुरा भएन, जनताले चुन्ने छन् । उम्मेदवारी फिर्ता लिने कुरा हुदैन ।’ चुनावको मिति नजिकिदै जादा उम्मेदवारहरुले मत माग्न घरदैलो अभियानलाई तीव्रता दिएका छन् । वडामा यी दाजुभाइसंगै नेपाली कांग्रेसका श्याम खनाल, संघीय समाजवादी र नया शक्तिका सयुक्त उम्मेदवार राममिलन यादव चुनावी मैदानमा छन् । यसैगरी राप्रपा, नेपाल फोरम लोकतान्त्रिक, राष्ट्रिय जनमुक्ति पार्टी, राष्ट्रिय जनमोर्चाले सबैजसो पदमा उम्मेद्वार उम्मेदवार खडा गरेको छन ।
भरतपुर-१९ मा च्यातिएको मतपत्र एक साताभित्र झिकाउन सर्वोच्चकोआदेश
असार ६, सर्वोच्च अदालतले भरतपुर -१९ मा च्यातिएको मतपत्र एक साताभित्र झिकाउन आदेश दिएको छ । कायममुकायम प्रधानन्यायाधीश गोपाल पराजुली र न्यायाधीश हरिकृष्ण कार्कीको मंगलबारको इजलासले च्यातिएको मतपत्र, निर्वाचन आयोगको निर्णय र मतपत्र च्यात्नेमाथि लगाइएको मुद्दाको फाइल एक साताभित्र ल्याउन आदेश दिएको हो । निर्वाचन आयोगले वडानम्बर१९ मा फेरि मतदान गर्ने निर्णय गरेपछि गुञ्जमान विक र अधिवक्ता तुलसीराम पाण्डेले मतगणना गर्न माग गर्दै रिट दायर गरेका थिए ।