प्रतिनिधिसभा बैठक बस्दै, कांग्रेसको अवरोध कायमै रहने
४ जेठ, २०८१
काठमाडौं । संघीय संसद्अन्तर्गत प्रतिनिधिसभाको बैठक शुक्रबार बस्दैछ।बिहीबारको बैठकमा पनि प्रतिपक्षी नेपाली कांग्रेसले अवरोध गरेपछि आज बिहान ११ बजे बैठक बस्नेगरी स्थगित गरिएको थियो। बिहीबार कांग्रेसको विरोधबीच सभामुख देवराज घिमिरेले बैठक अघि बढाएपछि तनाव उत्पन्न भएको थियो ।आज पनि संसद्मा अवरोध जारी रहने कांग्रेसले बताएको छ। हिजोको बैठकमा नेपाली कांग्रेस र नेकपा एमालेका सांसदहरूबीच घम्साघम्सी भएको थियो।एमाले अध्यक्ष केपी शर्मा ओली र कांग्रेस उपसभापति धनराज गुरुङबीच विवाद भएपछि घम्साघम्सीको अवस्था आएको हो।सत्तापक्षसँग प्रतिनिधिसभा बैठकमा बिहीबार मुठभेडको अवस्था सिर्जना भएपछि गत चैत ६ गतेदेखि गृहमन्त्री लामिछानेको सहकारी ठगी प्रकरणमा रहेको संलग्नता छानबिनका लागि संसदीय छानबिन समितिको माग गर्दै आइरहेको कांग्रेस र सत्तापक्षबीचको दूरी झन् बढेर गएको छ । प्रमुख प्रतिपक्षी नेपाली कांग्रेसले सहकारी ठगी प्रकरणमा संसदीय समिति बनाउन मागसहित संंसद् अवरोध गर्दै आएको छ।सभामुख देवराज घिमिरेले गृहमन्त्री रबि लामिछानेलाई संसद्मा बोल्न आग्रह गरेपनि प्रतिपक्षीले अवरोध गरेका थिए। यता गृहमन्त्रीले आफू संसद्मा बोल्न पाउनुपर्ने माग गर्दै आएका छन् । पछिल्लो समय संसद्को विवादमा दलहरूबीच सहमति हुन नसकेपछि यसले झनै उग्र रूप लिन लागेको छ ।
यस्तो हुनेछ आजको मौसम
४ जेठ, २०८१
प्रतिनिधि सभामा धकेलाधकेल, बैठक स्थगित
३ जेठ, २०८१
सदनमा कांग्रेसको अवरोध
३ जेठ, २०८१
कांग्रेसले बोलायो पत्रकार सम्मेलन
३ जेठ, २०८१
डा. गोविन्द केसीको अनसन स्थगित
३ जेठ, २०८१
पूर्वप्रधान सेनापति थापाको निधन
३ जेठ, २०८१
अवैध लागूऔषधसहित चार जना पक्राउ
३ जेठ, २०८१