काठमाडौं, वैशाख २७ । शिक्षक सेवा आयोगले माध्यमिक तह अन्तर्गत (खुल्लातर्फ) विभिन्न विषयको लिखित परीक्षाको पुनर्योग सम्बन्धी नतिजा सार्वजनिक गरेको छ । आयोगले आज एक सूचना जारी गर्दै मावि तहको नेपाली र कार्यालय संचालन तथा लेखा विषयको पुनर्योग सम्बन्धी नतिजा सार्वजनिक गरेको हो । साविक पाँच विकास क्षेत्रमध्ये पूर्वाञ्चल, पश्चिमाञ्चल, मध्यपश्चिमाञ्चल र सुदूरपश्चिमाञ्चलको नेपाली विषयको र मध्यमाञ्चल तथा पश्चिमाञ्चल क्षेत्रको कार्यालय संचालन तथा लेखा विषयको पुनर्योग नतिजा सार्वजनिक भएको छ । नतिजा हेर्न यहाँ क्लिक गर्नुस्

काठमाडौं, वैशाख २५ । शिक्षक सेवा आयोगले माध्यमिक तह अन्तर्गत मध्यपश्चिमाञल क्षेत्रको अंग्रेजी विषयको नतिजा सार्वजनिक गरेको छ । आयोगले बुधबार एक सूचना जारी गर्दै गत वर्ष लिइएको स्थायी शिक्षकको लिखित परीक्षाको नतिजा प्रकाशन गर्ने क्रममा मध्यपश्चिमाञल क्षेत्रको अंग्रेजी विषयको नतिजा सार्वजनिक गरेको हो । आयोगले आफ्नो साइटमा उल्लेख गरेअनुसार नतिजाको पि.डि.एफ. फाइल केही बेरमा अपलोड गरिने गरिने छ । त्यस समयसम्मका लागि उसले एसएमएसबाट नतिजाको जानकारी लिन सकिने बताएको छ । एसएमएसबारे विस्तृत जानकारी लिनका लाति गलको सूचना पढ्नुहोस्–

काठमाडौं, वैशाख २५ । शिक्षा, विज्ञान तथा प्रविधिमन्त्री गिरिराजमणि पोखरेलले विद्यालय शिक्षाको व्यवस्थापनको जिम्मेवारी स्थानीय तहको भए पनि शिक्षक भर्तीको काम शिक्षक सेवा आयोगको प्रक्रियाबाट हुनुपर्ने बताएका छन् । प्रतिनिधिसभाको शिक्षा तथा स्वास्थ्य समितिको आजको बैठकमा मन्त्री पोखरेलले गुणात्मक शिक्षाको लागि शिक्षक दरबन्दी अपुग भएको स्थितिमा केन्द्र सरकारले आवश्यक निर्णय लिने तयारी गरेको र नयाँ शिक्षक भर्ती केन्द्र आयोगले विज्ञापन गर्ने बताए । कतिपय स्थानीय तहले आफैँ नयाँ शिक्षक नियुक्ति र सरुवा गरिरहेको सन्दर्भमा मन्त्री पोखरेलले शिक्षक सेवा आयोगको बाटोबाहेक अन्य तरिकाबाट शिक्षक नियुक्ति गर्दा व्यवस्थापन असहज हुने जनाए । मन्त्री पोखरलले आन्तरिक प्रतियोगितामा असफल भएका अस्थायी शिक्षकलाई यसै आर्थिक वर्षको सुविधासहित बिदा गरिने र अन्य शिक्षकलाई पटकपटक आन्तरिक परीक्षामा सहभागी गराउन नसकिने स्पष्ट पारे । आगामी आवका लागि सरकारले ल्याएको नीति तथा कार्यक्रममा सार्वजनिक शिक्षा सबलीकरण दशक घोषणा गरिएकाले आफूहरुको ध्यान सामुदायिक विद्यालयको गुणस्तर सुधारमा हुने प्रतिबद्धता व्यक्त गरे । उनले उच्चस्तरीय राष्ट्रिय शिक्षा आयोगको प्रतिवेदन, २०७५ का आधारमा राष्ट्रिय शिक्षा नीति तर्जुमा गर्न मन्त्रिपरिषद्मा प्रस्ताव पेश गरिएको जानकारी दिँदै नीति आएपछि सङ्घीय शिक्षा ऐन तर्जुमा गरिने जानकारी दिए । मन्त्री पोखरलले संसदीय समितिका सुझाव र निर्देशनलाई मन्त्रालयले ग्रहण गर्ने विश्वास व्यक्त गरे । समितिका सभापति जयपुरी घर्तीले समितिको उपसमितिले शिक्षा क्षेत्रका समसामयिक सवालमा समस्या र समाधानका उपायबारे तयार गरेको सुझाव प्रतिवेदन मन्त्री पोखरेललाई हस्तान्तरण गरे । मन्त्रालयका सचिव खगराज बरालले विगतमा आवश्यकताको पहिचान नगरी विद्यालयको अनुमति दिइएकाले शिक्षक व्यवस्थापनमा सरकारलाई थप दायित्व परेकाले विद्यालय समायोजन गराउनुपर्ने बताए ।

काठमाडौं, वैशाख १५ । आजदेखि कक्षा १२ को वार्षिक परीक्षा सुरु भएको छ । पहिलो दिन आइतबार अंग्रेजी विषयको परीक्षा भइरहेको छ । राष्ट्रिय परीक्षा बोर्डका अनुसार परीक्षाका लागि ४ लाख २८ हजार ५२ जना परीक्षार्थीले फाराम भरेका छन् । सबैभन्दा कम मनाङमा ५९ जना र सबैभन्दा धेरै काठमाडौमा ६२ हजार ५ सय ८८ परीक्षार्थीले फाराम भरेको बोर्डले जनाएको छ । देशभर १ सय ७ परीक्षा केन्द्र कायम गरिएको बोर्डले जनाएको छ । परीक्षालाई मर्यादित बनाउन १३ हजार २ सय ८४ जना सुरक्षाकर्मी परिचालन गरिएको छ । परीक्षाको नियम उल्लंघन गर्नेलाई छ महिना कैद र एक लाख रुपियाँसम्म जरिवाना गरिने बोर्डले जनाएको छ । यसैबीच प्रश्नपत्रको सुरक्षाका लागि प्रश्नपत्र राखिएको कोठामा सीसीटीभीमार्फत निगरानी गरिएको पनि बोर्डले जनाएको छ । परीक्षामा अनियमितता हुन नदिन यसपटकबाट थप कडाइ गर्ने गरिएको  हो । १२ कक्षाको परीक्षा वैशाख २९ गतेसम्म चल्नेछ भने ११ कक्षाको बार्षिक परीक्षा पनि वैशाख २९ गतेबाट नै सुरु हुनेछ ।

काठमाडौं, वैशाख १४ । शिक्षक सेवा आयोगले स्थायी शिक्षकका लागि लिएको लिखित परीक्षाको नतिजा शुक्रबारदेखि सार्वजनिक गर्न शुरु गरेको छ । गत असोजमा लिएको लिखित परीक्षाको नतिजा सार्वजनिक गर्ने क्रममा आयोगले शनिबार माध्यमिक तह अन्तर्गत गणित विषयको मध्यपश्चिम र सुदूरपश्चिम क्षेत्रको नतिजा पनि सार्वजनिक गरेकाे हो । मध्यपश्चिम र सुदूरपश्चिम क्षेत्रको नतिजा हेर्न यहाँ क्लिक गर्नुस्

भक्तपुर, वैशाख १४ । राष्ट्रिय परीक्षा बोर्ड परीक्षा नियन्त्रण कार्यालयले कक्षा १२ र कक्षा ११ को वार्षिक परीक्षाको सम्पूर्ण तयारी पूरा गरेको जनाएको छ । देशभर एकैसाथ १५ गते आइतबार बिहान ७ बजेदेखि शुरु हुने कक्षा १२ र वैशाख २९ गतेबाट शुरु हुने कक्षा ११ को परीक्षाको सम्पूर्ण तयारी पूरा गरेको बोर्डका परीक्षा नियन्त्रक कृष्णप्रसाद शर्माले जानकारी दिए । कक्षा १२ को परीक्षामा चार लाख २८ हजार ५२ र कक्षा ११ को परीक्षामा पाँच लाख आठ हजार ४९४ परीक्षार्थी गरी कूल नौ लाख ३६ हजार ५४६ परीक्षार्थीको सहभागिता रहने बताउँदै उहाँले कक्षा १२ र कक्षा ११ को परीक्षामा चार लाख ४२ हजार, ९९७ छात्र र चार लाख, ९३ हजार ५४९ छात्राको सहभागिता रहने बताए । आगामी २६ गते सम्पन्न हुने कक्षा १२ को परीक्षातर्फ साधारण तथा प्राविधिक विषय समूहतर्फका नियमित, ग्रेडवृद्धि एवं आंशिक परीक्षार्थीको सहभागिता रहनेछ । यसैगरी वैशाख २९ गते शुरु भई जेठ ८ गते सम्पन्न हुने कक्षा ११ को परीक्षामा साधारण तथा प्राविधिक विषय समूहतर्फका नियमित, ग्रेडवृद्धि एवं आंशिक परीक्षार्थीको सहभागिता रहनेछ । सबभन्दा कम मनाङ जिल्लाबाट कक्षा ११ को परीक्षामा ५१ र कक्षा १२ मा ५९ तथा सबैभन्दा धेरै काठमाडौं जिल्लाबाट कक्षा ११ मा ७१ हजार ५२७ र कक्षा १२ मा ६२ हजार ५८८ परीक्षार्थी सहभागी हुँदैछन् । बोर्डले परीक्षाका लागि देशभर एक हजार १०७ परीक्षा केन्द्र निर्धारण गरेकामा सबभन्दा बढी परीक्षा केन्द्र काठमाडौंमा १२२ वटा र सबैभन्दा कम मनाङ÷मुस्ताङमा एक÷एक परीक्षा केन्द्र निर्धारण गरेको बोर्डका सदस्यसचिव दुर्गा अर्यालले जानकारी दिए । परीक्षामा कम श्रवणशक्ति भएका, दृष्टिविहीन वा सुस्त मनस्थिति वा अन्य प्रकृतिको अपाङ्गता भएका परीक्षार्थीका लागि परीक्षामा विशेष व्यवस्था गरिएको छ । कारागार वा बालसुधार गृहमा रहेका परीक्षार्थीलाई पनि परीक्षा दिने व्यवस्था मिलाइएको उनले जानकारी दिए । परीक्षा केन्द्रमा सिसी क्यामराः गत चैतमा सम्पन्न एसइई परीक्षामा प्रश्न पत्र बाहिरिएपछि कक्षा ११ र १२ को परीक्षामा त्यस्तो त्रुटी नहोस् भनेर परीक्षा बोर्डले सबै प्रश्नपत्रको सुरक्षाका लागि सिसी क्यामरा जडान गरेको छ । बोर्डले केन्द्र नजिकै सिसीटिभीसहितको सुरक्षा घेराभित्र रहेको कक्षबाट प्रश्नपत्र लैजाँदा केन्द्राध्यक्षलाई मोबाइलसमेत बोक्न निषेध गरेको जानकारी दिँदै उनले बोर्डको मुख्यालयमा रहेको नियन्त्रण कक्षबाटै देशैभरको परीक्षाबारे जानकारी लिने व्यवस्था गरिएको बताए । परीक्षामा जिल्ला परीक्षा समन्वय समिति, केन्द्राध्यक्ष, बोर्डका अधिकारी, मन्त्रालयका अधिकारी, प्रदेशस्थित सामाजिक विकास मन्त्रालय, शिक्षा तथा मानव स्रोत केन्द्र, प्रदेश शिक्षा निर्देशनालयबाहेक अन्यलाई मोबाइल फोन लैजान निषेध गरिएको छ । परीक्षामा प्रश्नपत्रमा समस्या आए वा प्रश्नपत्र गलत भए तत्काल केन्द्राध्यक्षसँग सूचना पुग्ने गरी ‘बल्क एसएमएस’ को व्यवस्था गरेको छ भने कुनै त्रुटि देखिए बोर्डको मुख्यालयमा रहेको विज्ञ समूहले त्रुटि सच्याएर बोर्डलाई जानकारी गराउँदै यसबारे सबै केन्द्रमा जानकारी गराउने व्यवस्था गरेको छ ।

काठमाडौं, वैशाख १२ । शिक्षक सेवा आयोगले आज (विहीबार) देखि खुला तर्फको नतिजा पनि प्रकाशन शुरु गर्न थालेको छ । आयोगले आज एक सूचना जारी गर्दै माध्यमिक तह अन्तर्गत खुला तर्फ साविक पाँचै विकास क्षेत्रको विभिन्न विषयको नतिजा प्रकाशन गरेको छ । नतिजा हेर्न यहाँ क्लिक गर्नुस् आया्गले पूर्वाञ्चल अन्तर्गत संस्कृत ब्याकरण र स्वास्थ्य तथा शारीरिक शिक्षाको नतिजा सार्वजनिक गरेको छ । यस्तै, मध्यमाञ्चल अन्तर्गत संस्कृत ब्याकरण, संस्कृत साहित्य, कर्मकाण्ड, ज्योतिष, कम्प्युटर बिज्ञान, जनसंख्या शिक्षा तथा स्वास्थ्य तथा शारीरिक शिक्षाको नतिजा सार्वजनिक गरिएको छ । त्यस्तै, पश्चिमान्चल अन्तर्गत संस्कृत भाषा, संस्कृत ब्याकरण , संस्कृत साहित्य , बेद र र कृषि विषयको नतिजा प्रकाशन गरिएको आयोगको सूचनामा उल्लेख छ । मध्यमान्चल अन्तर्गत भूगोल विषयको नतिजा सार्वजनिक गर्दा आयोगले सुदूर पश्चिमान्चल विकास क्षेत्रको संस्कृत साहित्यको नतिजा सार्वजनिक गरेको छ । शिक्षक सेवा आयोगले गत असोज ११, १२ र १३ गते खुला तर्फ माध्यमिक, निम्नमाध्यमिक र प्राथमिक तहको लिखित परीक्षा लिएको थियो ।

काठमाडौं, वैशाख १२ । स्थानीय तहले अब शिक्षक नियुक्ति गर्न नपाउने भएको छ। संविधानले आधारभूत र माध्यमिक शिक्षासम्मको अधिकार स्थानीय तहलाई दिए पनि उक्त अधिकार केन्द्रले कटौती गरेपछि स्थानीय तह सो अधिकारबाट वन्चित भएको हो। शिक्षा मन्त्रालयले शिक्षा तथा मानव स्रोत विकास केन्द्रलाई परिपत्र जारी गर्दै सबै स्थानीय तहलाई करारमा शिक्षक नियुक्त गर्नमा रोक लगाएको हो। मन्त्रालयले करारमा शिक्षक नियुक्त गर्न ७७ वटै जिल्लाका शिक्षा विकास तथा समन्वय इकाईलाई परिपत्र जारी गरेको छ। स्थानीय तहको अधिकारमा केन्द्रले सोझै हस्तक्षेप गरेको भन्दै परिपत्रप्रति गाउँपालिका महासंघ र नगरपालिका संघले आपत्ति जनाएका छन्। उनीहरूले स्थानीय सरकारको अधिकारमा संघीय मन्त्रालयले हस्तक्षेप गरेको आरोपसमेत लगाएका छन्। शिक्षा विभागका प्रवक्ता दीपक शर्माले केन्द्रले शिक्षक नियुक्ति गर्ने भनेको विषय हल्ला मात्र भएको बताए। उनले भने, ‘समन्वय इकाइलाई शिक्षक नियुक्ति शिक्षा नियमावलीको निमय ९७ बमोजिम गर्ने व्यवस्था गराइदिनु भनेको मात्र हो। शिक्षक नियुक्ति विद्यालय व्यवस्थापन समितिबाटै हुन्छ।’ उनले करार शिक्षक नियुक्ति, अस्थायी शिक्षक नियुक्ति जिल्ला शिक्षा कार्यालयबाट र केन्द्रबट गर्न नमिल्ने बताए। उनका अनुसार विद्यालयबाट निकालेको सूचनाअनुसार शिक्षक नियुक्तिको दरबन्दी छ कि छैन, नियुक्ति गर्न मिल्ने भए नभएको समन्वय इकाइले हेर्ने र नियुक्ति कस्लाई गर्ने र कसरी गर्ने भन्ने कुराको केन्द्रले अभिलेख राख्ने मात्र गर्छ, तर केन्द्रले करार शिक्षकको नियुक्ति गर्दैन। शिक्षाविद् डा. विद्यानाथ कोइराला भन्छन्, ‘केन्द्रबाट स्थायी शिक्षकको मात्र नियुक्ति हुन्छ, तर करारमा शिक्षकको नियुक्ति केन्द्रले गर्दैन।’ उनले करार शिक्षक नियुक्ति गर्न आवश्यक हो कि होइन भन्ने विषय विवादमा रहेको बताए। उनका अनुसार आवश्यक खण्डमा सरकारले १० हजार शिक्षक करारमा नियुक्ति गर्नेछ। शिक्षक सेवा आयोगले लिएको आन्तरिक परीक्षामा २३ हजार शिक्षक सहभागी भएका थिए। सहभागी शिक्षकमध्ये १४ हजार २०० शिक्षक स्थायी पदका लागि सिफारिस भएका थिए। असफल शिक्षकलाई अवकाश दिनुपर्ने हुँदा आवश्यक शिक्षकको पदपूर्तिका लागि सरकारले करारमा शिक्षक नियुक्ति गर्न लागेको हो। विद्यालयबाट रिक्त दरबन्दीको विवरण संकलन भइरहेकाले कति संख्यामा शिक्षक आवश्यक छ र करारमा नियुक्त हुन्छन् भन्ने यकिन भने भइसकेको छैन। शिक्षा मन्त्रालय र केन्द्रका अधिकारीले बढीमा १० हजार शिक्षक करारमा नियुक्त हुने अनुमान गरेका छन्। विदाई हुने अस्थायी शिक्षकलाई ५ अर्ब २५ करोड सुविधा रकम उपलब्ध गराउन लागिएको छ। उक्त रकम अपुग भए आन्तरिक स्रोतबाट भएपनि यसै आर्थिक वर्षभित्र सुविधासहित विदा गरिने मन्त्रालयले जनाएको छ। थाह खबरबाट साभार

काठमाडौ, वैशाख ६। राष्ट्रिय परीक्षा बोर्डले कक्षा ११ र १२ को काठमाडौं लगायत सबै जिल्लाको वार्षिक परीक्षाको नियमित, ग्रेडवृदि एवं आंशिक परीक्षाको परीक्षा केन्द्र प्रकाशन गरेको छ । बोर्डले २०७६ सालमा संचालन हुने परीक्षाको लागि केन्द्र सार्वजनिक गरेको हो । परीक्षा केन्द्रको सूची तल अपलोड गरिएको छ। बाँकी जिल्लाका केन्द्र सम्बन्धित लिंकमा क्लिक गरेर हेर्नुहोस् । NEB Grade 11 and 12 Exam Centers Notice (Biratnagar) NEB Grade 11 and 12 Exam Centers Notice (Lahan) NEB Grade 11 and 12 Exam Centers Notice (Janakpur) NEB Grade 11 and 12 Exam Centers Notice (Hetauda) NEB Grade 11 and 12 Exam Centers Notice (Pokhara) NEB Grade 11 and 12 Exam Centers Notice (Butwal) NEB Grade 11 and 12 Exam Centers Notice (Dang) NEB Grade 11 and 12 Exam Centers Notice (Nepalgunj) NEB Grade 11 and 12 Exam Centers Notice (Surkhet) NEB Grade 11 and 12 Exam Centers Notice (Dhangadi) NEB Grade 11 and 12 Exam Centers Notice (Dadeldhura)

काठमाडौं, वैशाख ५ । आगामी आवको बजेटमा कर्मचारीहरुको तलब २० प्रतिशतले बढाउन तीव्र लबिङमा लागेका छन् केही कर्मचारीहरु । अघिल्लो आर्थिक बर्षको बजेटमा निजामती कर्मचारीहरुको तलब बढेन । सोही कारण कर्मचारीहरु सरकार र अर्थमन्त्री युवराज खतिवडासँग फायर भए । तिनै कर्मचारीलाई फकाउन सरकारले आगामी आर्थिक बर्षमा निजामती कर्मचारीको तलब बढाउने जनाइएको छ । अहिले वजेट निर्माणको काम तीव्रगतिमा भइरहेको समयमा कर्मचारीको तलब बढाउन भन्दै आधिकारिक ट्रेड युनियनले तिव्र लबिङ थालेको छ । अर्थमन्त्रीसँग भेटेर उनीहरुले बजेट बढाउनका लागि आग्रह गरेको स्रोतको भनाई छ । राष्ट्रियसभाबाट मनोनयन गरेर ल्याइएका अर्थमन्त्री युवराज खतिवडाको कार्यकाल आगामी चैत्रसम्म मात्र रहेका कारण उनी लोकप्रिय बजेट बनाउने अभियानमा छन् । उनलाई जनप्रिय बजेट बनाउन पर्ने दबाब छ । त्यही कारण समेत अर्थमन्त्री डा युवराज खतिवडासमेत कर्मचारीको तलब बढाउने र कर्मचारीलाई नचिढाउने पक्षमा देखिएका छन् । प्रधानमन्त्री केपी शर्मा ओलीले समेत समृद्ध नेपाल, सुखी नेपालीको अभियानलाई सार्थक पार्न भनेकै कर्मचारी भएका कारण कर्मचारीतन्त्रलाई हातमा लिनुपर्ने भएकाले पनि यसपाली कर्मचारीको तलब बढाउन कन्जुस्याई नगर्ने मनस्थितीमा ओली पुगेको स्रोतले बताए । आधिकारिक ट्रेड युनियनका नेताहरुका अनुसार उनीहरुले मंहगी बढेका कारण २० प्रतिशतसम्म तलब बढाउन आग्रह गरेका छन् । यद्यपि अर्थ मन्त्रालयका आर्थिक सल्लाहका डा रामशरण खरेलले भने बजेट निर्माणको छलफल प्रारम्भिक चरणमै रहेकाले कर्मचारीको तलबबारे अहिले नै केहि भन्न नसकिने प्रतिक्रया दिए । यस्तो छ अहिले निजामति कर्मचारीको तलब मुख्यसचिवः रु ५५,२०० सचिवः रु ५१,४२० सहसचिवः रु ४०,१५० उपसचिवः रु ३४,२२० शाखा अधिकृतः रु ३०,५०० नासुः रु २३,५०० खरिदारः रु २२,१७० कार्यालय सहयोगी पियनः रु १८,०००

काठमाडौं, चैत १७ । प्रदेश २ मा स्थगित एसईई परीक्षाको पाँच विषयको प्रश्नपत्र बनाउने प्रक्रिया शुरु हुने भएको छ । आज आइतबार बस्ने एसईई बोर्डको बैठकले प्रश्नपत्र छपाइको निर्णय गर्नेछ । एसईई कार्यालयले आउट भएका विज्ञान र सामाजिक शिक्षासहित पाँच विषयको प्रश्नपत्र छपाइको तयारी गरेको छ । पनिकाले विज्ञान, सामाजिक शिक्षा, जनसंख्या शिक्षा, ऐच्छिक प्रथम, द्वितीय र प्राविधिकतर्फका प्रश्नपत्र छपाइ गर्ने भएको छ । ‘हामी नयाँ प्रश्नपत्र छपाइ गर्ने तयारीमा लागेका छौं– एसईई कार्यालयका परीक्षा नियन्त्रक विष्णुप्रसाद अधिकारीले भन्नुभयो । उहाँले प्रदेश नम्बर २ का लागि नयाँ प्रश्नपत्र छपाइ प्रक्रिया शुरु गर्न लागिएको जानकारी दिए । पनिकाले सबै विषयमा झन्डै दुई दर्जनभन्दा बढी विषयमा प्रश्नपत्र छपाइ गर्नुपर्ने हुन्छ । तर शिक्षा, विज्ञान तथा प्रविधि मन्त्रालयले २१ गतेसम्मको परीक्षाको अवस्था हेरेपछि मात्रै थप प्रश्नपत्र छपाइ गर्ने तयारी गरिरहेको छ । आज बस्ने बोर्ड बैठकले प्रदेश २ को परीक्षाको तालिका र प्रश्नपत्र छपाइ गर्ने विषयमा निर्णय गर्नेछ । प्रश्नपत्र छपाइ गर्न जनक शिक्षा सामग्रीको सुरक्षण मुद्रणालयलाई तयारी अवस्थामा रहन मन्त्रालयले प्रक्रिया पूरा गरिसकेको जनाएको छ । यो समाचार आजको नेपाल समाचारपत्रमा छापिएको छ ।

काठमाडौं, चैत १६ । मुलुकमा नयाँ शैक्षिक सत्र सुरु हुन लागेको छ। वैशाखदेखि नयाँ शैक्षिक सत्र सुरु हुने गर्छ। विद्यार्थी विद्यालयका नयाँ कक्षामा जाने बेला आउँदा त्यहाँ पढाउनका लागि हजारौँ शिक्षकको भने अभाव छ। शिक्षा विभागका अनुसार मुलुकभरका विद्यालयमा १२ हजार ७३९ शिक्षकको अभाव छ। त्यसको पूर्ति गर्नका लागि शिक्षक सेवा आयोग लागे पनि ती पद कहिले पूर्ति हुने हो निश्चित छैन। शिक्षा विभागका निर्देशक नरेन्द्रप्रसाद रेग्मीले नयाँ शिक्षक नियुक्तिका लागि सम्बन्धित निकाय शिक्षक सेवा आयोगलाई निर्देशन दिएको बताए। उनले भने, ‘देशभर १२ हजार शिक्षकको अभाव छ। यसको पूर्तिका लागि हामीले शिक्षक सेवा आयोगलाई निर्देशन दिइसकेका छौँ। त्यसका लागि आयोगले नियुक्ति गरिरहेको जानकारी दिएको छ।’ किन भएको हो त यति ठूलो संख्यामा शिक्षक अभाव? रेग्मीले आन्तरिक परीक्षामा असफल भएका र परीक्षामा भाग नलिएका अस्थायी शिक्षकलाई अवकाश दिने सरकारको निर्णयले १२ हजारभन्दा बढी शिक्षकको तत्काल आवश्यकता परेको बताए। शिक्षक सेवा आयोगका सूचना अधिकारी रामराज खकुरेलले शिक्षक सेवा आयोगले लिएको आन्तरिक परीक्षामा प्राथमिक, निम्न माध्यमिक र माध्यमिक तहका शिक्षकका लागि करिब २३ हजार अस्थायी शिक्षकले फारम भरेको बताए। उनले भने, ‘फाराम भरेकालाई मात्र हामीले गणना गरेका हौँ।’ फाराम नभरेका अस्थायी शिक्षक पनि हुन सक्ने उनको आँकलन थियो। यसबीच अस्थायी शिक्षकलाई स्थायी बनाउने पक्रियामा सहभागी भएका २३ हजार मध्येबाट करिब १४ हजार शिक्षक स्थायी बनेका थिए। जसमा प्राथमिक तहका लागि १० हजार ८००, निम्न माध्यमिक तहका लागि दुई हजार र माध्यमिक तहका लागि एक हजार ४०० गरी १४ हजार २०० को हाराहारीमा शिक्षक उत्तीर्ण भएका थिए। कुन–कुन तहका लागि कति शिक्षक आवश्यक शिक्षक सेवा आयोगमा मा.वि., नि.मा.वि. र प्रा.वि. तहका लागि १२ हजार ७३९ शिक्षकको अभाव रहेको तथ्यांक छ। शिक्षक सेवा आयोगले अभाव शिक्षकको नयाँ भर्नाका लागि खुल्ला विज्ञापन सुरु गरिसकेको जनाएको छ। शिक्षक सेवा आयोगले खुल्ला विज्ञापनमा प्राथमिक तहका लागि मात्र नौँ हजार ९९६ शिक्षक माग गरेको थियो। त्यस्तै, निम्न माध्यमिक तहका लागि एक हजार ६३५ र माध्यमिक तहका लागि एक हजार १०८ गरी जम्मा १२ हजार ७३९ शिक्षकको माग राखिएको थियो। जसअनुसार अहिले उनीहरूको उत्तरपुस्तिका जाँचको प्रक्रिया चलिरहेको खकुरेलले बताए। खुल्ला विज्ञापनबाट लिएको शिक्षकहरूको लिखित र मौखिक परीक्षाको नतिजा प्रकाशनका लागि शिक्षक सेवा आयोग सक्रिय रूपमा खटेको र नतिजा सकेसम्म छिटो निकाल्ने प्रक्रियामा रहेको आयोगले जनाएको छ। शिक्षा ऐन २०२८ (नवौँ संशोधन) को दफा ११ (च) को उपदफा ९ अनुसार आन्तरिक परीक्षामा असफल भएका अस्थायी शिक्षकहरूलाई सुविधासहित अवकाश दिने प्रक्रिया आरम्भ गरेको छ। निर्देशक रेग्मीले शिक्षा ऐनको आठौँ र नवौँ संशोधनको व्यवस्थाअनुसार शिक्षा, विज्ञान तथा प्रविधि मन्त्रालय मातहतको शिक्षा तथा मानव स्रोत विकास केन्द्रले सो प्रक्रिया थालेको र देशभर शिक्षकको अभाव भएको बताए। यसरी हुनेछ शिक्षक व्यवस्थापन शिक्षक व्यवस्थापनको जिम्मेवारी शिक्षा विभागको हो। शिक्षक व्यवस्थापनमा शिक्षक उत्पादन, शिक्षक तालिम, शिक्षण लाइसेन्स, नियुक्ति, सरुवा बढुवा, अवकाश र अवकाशपछिको सेवा सुविधालाई समेत जोडिएको हुन्छ। शिक्षक सेवा आयोगका सूचना अधिकारी खकुरेलले शिक्षा विभागले तहअनुसार शिक्षकको माग गरेपछि मात्र शिक्षक सेवा आयोगले शिक्षक पूर्तिको काम र व्यवस्थापन गर्ने गरेको बताए। शिक्षक व्यवस्थापनमा उल्लेख अवकाश र अवकाशपछिको सुविधा समय हेरेर मात्र दिने गरेको छ। खकुरेलले भने, ‘अवकाश शिक्षकले कति वर्ष काम गरेको हो, कति पटक शिक्षक सेवाका जाँच दिएको हो त्यही हेरेर सुविधा दिने नियम छ।’ उनले आन्तरिक परीक्षामा हुने प्रतिस्पर्धाले गर्दा २० वर्ष काम गरेको दिर्घसेवी अस्थायी शिक्षक खाली हात अवकाश हुनुपर्ने बाध्यता रहेको समेत बताए। अहिले अवकाश भएका शिक्षकले भने अनिवार्य रूपमा सेवा सुविधा पाउने व्यवस्था रहेको खकुरेलले बताएका छन्। उनले नयाँ शैक्षिक सत्र सुरु हुन लागेकै बेला १२ हजार शिक्षक अवकाश हुँदा र विधालयमा शिक्षकको अभाव हुँदा आपत्ति जनाए। उनी भन्छन्, ‘हामी १२ हजार अभाव शिक्षकको पूर्ति गर्न कटिबद्ध रूपमा लागेका छौँ,पक्रिया नसकिँदा सम्म शिक्षक सेवा आयोगका सम्पूर्ण कर्मचारी लागि नै रहनेछौँ।’ शैक्षिक सत्र सुरु हुँदा कुनै पनि विद्यालयमा शिक्षकका कारण कक्षाकोठा रित्तो नहोस् भन्ने कुरालाई अघि सार्दै अहिले शिक्षक सेवा आयोग धमाधम शिक्षक नियुक्ति प्रक्रियामा लागि परेको छ। यो समाचार थाहखबर डटकमबाट साभार

काठमाडौं, चैत १६ । सरकारी शिक्षण संस्था, सुरक्षा निकाय र स्थानीय तहमा नक्कली शैक्षिक प्रमाणपत्रको बिगबिगी बढेको पाइएको छ । अख्तियार दुरुपयोग अनुसन्धान आयोगले गरेको अध्ययन विश्लेषण र छानबिनका क्रममा शैक्षिक संस्था, प्रहरी र स्थानीय तहका अधिकारीहरूले जागिर खान र बढुवाका लागि नक्कली शैक्षिक प्रमाणपत्रको प्रयोग गर्ने गरेको पाइएको हो। अख्तियारका अनुसार नक्कली प्रमाणपत्र पेस गरेर जागिर खानेमा पहिलो नम्बरमा शिक्षक, दोस्रो नम्बरमा प्रहरी र तेस्रो नम्बरमा स्थानीय तहका कर्मचारी छन्। यो समाचार राजधानी दैनिकबाट लिइएको हो ।

काठमाडौं, चैत् १४ । लोकसेवा आयोगले विभिन्न तहका कर्मचारीको लागि आवेदन आह्वान गर्ने तयारी गरेको छ । कर्मचारी समायोजन सकिएपछि बाँकी रहेका कर्मचारी पदपूर्ति गर्न आयोगलाई निर्देशन दिइएको संघीय मामिला तथा सामान्य प्रशासनमन्त्री लालबाबु पण्डितले जानकारी दिए । चालू आर्थिक वर्षभित्र आवश्यक सबै कर्मचारीहरुको व्यवस्था हुने गरी परीक्षाको तयारी गर्न आयोगलाई निर्देशन दिएको उनले बताए । समायोजनपछि पनि झण्डै २० हजार कर्मचारी अभाव रहेकाले त्यसलाई पूर्ति गर्नका लागि आयोगलाई निर्देशन दिइएको मन्त्री पण्डितले जानकारी दिए । अब तत्काल लोक सेवा आयोगले २० हजार विभिन्न तहका कर्मचारीका लागि आवेदन खुला गर्नेछ । आयोगको परीक्षा पास गरेकाहरुबाट आवश्यक कर्मचारीको व्यवस्था गरिने छ ।

सिरहा, चैत १४ । परीक्षा अगाडि नै प्रश्नपत्र बाहिरिएपछि राष्ट्रिय परीक्षा बोर्डले बिहीबारको अनिवार्य विज्ञान विषयको प्रदेश दुई अन्तर्गतको परीक्षा रद्द गरेको छ । सप्तरीमा बुधबार राति नै जिल्ला शिक्षा समन्वय समितिका कर्मचारी, परीक्षा केन्द्रमा खटिएका निरिक्षक, सुरक्षाकर्मी लगायतको मिलेमतोमा प्रश्नपत्र बाहिरिएपछि प्रदेश २ मा बिहीबार लिइएको अनिवार्य विज्ञान विषयको परीक्षा रद्द गरिएको हो । बिहीबार बसेको बोर्डको बैठकले नियमित सञ्चालन भएको विज्ञान विषयको परीक्षा रद्द गरेर चैत २२ गते फेरि लिने निर्णय गरेको हो । चार सदस्यीय छानबिन समिति गठन गरेको छ । बोर्डका सदस्य अमुदा श्रेष्ठको संयोजकत्वमा चार सदस्यीय समिति गठन गरिएको परीक्षा नियन्त्रण कार्यालय सानोठिमीका परीक्षा नियन्त्रक विष्णु अधिकारीले जानकारी दिए ।