इण्डियन प्रिमियर लिग : प्लेअफको दौडबाट बाहिरियो दिल्ली

काठमाडौं — नेपाली महिला क्रिकेट टिमले ऐतिहासिक सफलता हात पारेको छ । सोमबार युएईविरुद्धको सुपर थ्री खेलमा कप्तान इन्दु बर्माको अविजित कप्तानी इनिङ्सको मद्दतले नेपालले पाँच विकेटको शानदार जित निकाल्दै पहिलो पटक आईसीसी महिला टी२० विश्वकप ग्लोबल क्वालिफायरमा स्थान सुरक्षित गरेको छ। युएईले दिएको ११५ रनको लक्ष्य नेपालले ३ बल बाँकी राख्दै ५ विकेटको क्षतिमा पूरा गर्‍यो। कप्तान इन्दु बर्माले चौथो क्रममा ब्याटिङ गर्दै २८ बलमा २ चौका सहित अविजित ३० रन बनाइन् र निर्णायक रन प्रहार गर्दै खेल जिताइन्। इतिहास रच्दै ग्लोबल क्वालिफायरमा नेपालको यो जित महिला क्रिकेट इतिहासमै सबैभन्दा ठूलो सफलता हो। पहिलो पटक महिला टी२० विश्वकपको ग्लोबल चरणमा स्थान बनाउन सफल भएको नेपालले एसिया छनोटबाट थाइल्याण्डसँगै छनोट हुँदै नयाँ अध्याय सुरु गरेको हो। पोष्ट म्याचमा कप्तान इन्दु बर्माले भनिन्, ‘यो हाम्रो महिला क्रिकेटका लागि ऐतिहासिक क्षण हो। सबै खेलाडी र टोली सदस्यहरूको मेहनतको प्रतिफल हो।’ इन्दु बर्माको निर्णायक प्रदर्शन २७ वर्षीया इन्दु बर्माले युएई विरुद्धको खेलमा मात्र होइन, प्रतियोगिताका अन्य महत्वपूर्ण खेलहरूमा समेत कप्तानी इनिङ्स खेलेकी थिइन्। समूह चरणको बहराइन विरुद्धको ‘मस्ट विन’ खेलमा पनि उनले २४ रनको अविजित पारी खेलेर टिमलाई जित दिलाएकी थिइन्। बहराइन विरुद्ध वर्षा प्रभावित खेलमा नेपालले ७ ओभरमा ५६ रनको लक्ष्य पाएको थियो। अन्तिम १८ बलमा ३२ रन आवश्यक पर्दा इन्दुले लगातार चौका र छक्का प्रहार गर्दै नेपाललाई जितसम्म पुर्‍याएकी थिइन्। साझेदारीले बनायो जितको आधार युएई विरुद्ध इन्दुले उपकप्तान पूजा महतोसँग २४ रन र पूर्व कप्तान रुबिना क्षेत्रीसँग ३७ रनको महत्वपूर्ण साझेदारी गरिन्। जब रुबिना आउट भइन्, नेपाललाई जितका लागि अन्तिम १३ बलमा १६ रन आवश्यक थियो। इन्दुले रुवि पोदारसँग साझेदारी गर्दै अन्तिम ओभरसम्म इनिङ्स सम्हालिन् र जित सुनिश्चित गरिन्। सम्पूर्ण प्रतियोगितामा इन्दुको दबदबा इन्दु बर्मा प्रतियोगिताका चारै खेलमा नटआउट रहिन्। उनको सतर्कता, संयमता र आक्रामकता मिसिएको ब्याटिङले नेपालको जित सुनिश्चित गर्‍यो। पहिलो खेल हङकङ विरुद्ध वर्षाका कारण रद्द हुँदा अंक बाँडिएको थियो। अब नेपालले सुपर थ्री को अन्तिम खेल थाइल्याण्डसँग खेल्दैछ। सो खेल जिते नेपाल एसिया छनोटको विजेता बन्नेछ।

काठमाडौं । नेपाली राष्ट्रिय क्रिकेट टोलीका स्पिनर सन्दीप लामिछानेले नेपाल क्रिकेट संघ (क्यान) अन्तर्गतको केन्द्रीय सम्झौताबाट आफू अलग हुने घोषणा गरेका छन्। आइसिसी विश्वकप लिग–२ का लागि युके जानुअघि सामाजिक सञ्जालमार्फत सन्दीपले यो जानकारी दिएका हुन्। उनले क्यानप्रति कृतज्ञता व्यक्त गर्दै यो निर्णय देश वा क्रिकेटप्रति विमुख हुने होइन पनि भनेका छन्। ‘ए’ ग्रेडमा रहेका सन्दीप पछिल्लो समय क्यानसँग असन्तुष्ट देखिएका थिए। माघमा अनुशासन उल्लङ्घन गरेको भन्दै क्यानले उनलाई तीन डिमेरिट अंक दिएपछि उनी घरेलु क्रिकेट प्रतियोगितामा उनी देखिएनन् ।  जय ट्रफीको खेलमा अम्पायर निर्णयप्रति असन्तुष्टि जनाउँदै सामाजिक सञ्जालमा टिप्पणी गरेका सन्दीपले त्यसपछि क्यानको कारबाहीको सामना गर्नुपरेको थियो।  

विराटनगर । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले विराटनगरमा रहेको गिरिजाप्रसाद कोइराला अन्तर्राष्ट्रिय क्रिकेट रंगशालालाई राष्ट्रिय गौरवको आयोजनाको रुपमा अघि बढाइएको जानकारी दिंदै यसलाई छिटोभन्दा छिटो निर्माण सम्पन्न गर्न सरकारले ध्यान दिनुपर्ने बताउनुभएको छ । आज विहान रंगशालाको अनुगमन गर्दै उहाँले यस्तो आग्रह गर्नुभएको हो । अध्यक्ष प्रचण्डले नेपाली राजनीतिका ऐतिहासिक व्यक्तित्व एवं शान्ति सम्झौताका हस्ताक्षरकर्ता पूर्वप्रधानमन्त्री गिरिजाप्रसाद कोइरालाको नाम जोडिएको यो आयोजनालाई राष्ट्रिय गौरवको आयोजना बनाउन आफ्नो प्रधानमन्त्रीत्वकालमा सुरु गरिएको जानकारी पनि दिनुभयो । ‘पहिले यो रंगशालाको नाम झापा वैजनाथ खेलमैदान थियो, म प्रधानमन्त्री भएकाले बेलामा विस्तृत शान्ति सम्झौताका एक हस्ताक्षरकर्ता, संविधानसभा र संघीय लोकतान्त्रिक गणतन्त्रको एउटा प्रमुख नेताको नामबाट यसलाई अघि बढाइएको छ’– अध्यक्ष प्रचण्डले भन्नुभयो– ‘यो राष्ट्रिय गौरवको आयोजना हुनु पूर्वी नेपालकै खेल क्षेत्र र समग्र विकासका लागि महत्वपूर्ण छ । यसलाई छिटोभन्दा छिटो निर्माण गरियोस्, म प्रमुख प्रतिपक्षी दलको नेताको रुपमा पनि यसलाई अघि बढाउन सहयोग गर्नेछु ।’  ‘मैले आफ्नो प्रधानमन्त्रीत्वकालमा यो रंगशालालाई राष्ट्रिय गौरवको आयोजनाको रुपमा अघि बढाउने निर्णय गरेको थिएँ, त्यसको डिपिआर बनेर अहिले इआईए पनि भसकेको राष्ट्रिय खेलकुद परिषद्बाट जानकारी पाएको छु’– उहाँले भन्नुभयो– ‘यसलाई अघि बढाउन सरकारले बजेट व्यवस्था लगायतका काममा सहजीकरण गर्न आवश्यक छ ।’ आफूले यसलाई मात्र राष्ट्रिय गौरवको आयोजनाको रुपमा अघि बढाउने नभएर सबै प्रदेशका रंगशालालाई राष्ट्रिय गौरवको आयोजनाको रुपमा अघि बढाउने निर्णय गरिएको जानकारी दिंदै अध्यक्ष प्रचण्डले बहुआयामिक प्रकृतिको गिरिजाप्रसाद कोइराला अन्तर्राष्ट्रिय क्रिकेट रंगशालालाई थप प्राथमिकताका साथ अघि बढाउन आवश्यक रहेको बताउनुभयो । 

चितवन । दोस्रो संस्करणको भरतपुर मेयर्स कप अन्तरविद्यालय क्रिकेट प्रतियोगिता आज (शुक्रबार)देखि सुरु भएको छ । प्रतियोगिताको एक कार्यक्रमका बीच भरतपुर महागनरपालिका प्रमुख रेनु दाहाल र नेपाल क्रिकेट संघ –क्यान) का सचिव पारस खड्काले संयुक्त रुपमा गर्नुभयो । कार्यक्रमलाई सम्बोधन गर्दै सचिव खड्काले नेपाल प्रिमियर लिग –एनपिएल) को अर्को संस्करण चितवनको गौतमबुद्ध अन्तर्राष्ट्रिय क्रिकेट रंगशालामा आयोजना गर्न सकिने उल्लेख गर्नुभयो । यसका लागि रंगशालाको निर्माण कार्यलाई पूर्णता दिन सबै जना अघि बढ्नुपर्ने धारणा राख्नुभयो । नेपाली क्रिकेटलाई नजिकबाट माया गरिदिनु भएकोमा भरतपुर महानगर प्रमुख रेनु दाहाललाई विषेश धन्यवाद व्यक्त गर्नुभयो । विद्यालयस्तर क्रिकेट लिगमा ४७ वटा टिमले सहभागिता जनाउनु निकै सकारात्मक भएको उहाँको भनाई थियो । नेपाली क्रिकेटको भाग्य भविष्य यस्तै घरेलु ग्रासहुड प्रतियोगिताले निर्धारण गर्ने भएकाले भरतपुर मेयर्स कप क्रिकेट लिगले खेलाडी उत्पादन गर्न महत्वपूर्ण भूमिका खेल्ने सचिव खड्काले बताउनुभयो । महानगर प्रमुख रेनु दाहालले भरतपुरलाई स्पोर्टस् सिटीको रुपमा विकास गर्न मेर्यस कप फटबल, उपमेयर कप भलिबल लगायत विभिन्न खेलहरु महानगरले आयोजना गर्दै आइरहेको स्मरण गर्नुभयो । महानगरपालिकाले यस्ता खेल गतिविधिलाई निरन्तर रुपमा अघि बढाउने उहाँको भनाई थियो । प्रमुख दाहालले अलपत्र रहेको रंगशाला सबैको साथ र सहयोगका कारण निर्माण कार्य तीब्र रुपमा अघि बढ्नु खुसीको विषय भएको उल्लेख गर्नुभयो । उहाँले यही नमुना खेल मैदानमा खेल खेली, छनोट भई जनवरी १८ देखि हुने यू¬ १९ महिला विश्वकप क्रिकेट छनोट भएका टोलीलाई प्रति खेलाडी रु ५० हाजर दिने घोषणा समेत गर्नुभयो । भरतपुर महानगरको आयोजनामा गौतमबुद्ध अन्तर्राष्ट्रिय क्रिकेट रंगशालाको नमुना मैदानमा लिग प्रतियोगिता हुनेछ । प्रतियोगितामा सामुदायिक तथा संस्थागत गरी ४७ विद्यालयबीच प्रतिस्पर्धा हुँदैछ । फागुन दोस्रो सातासम्म चल्ने प्रतियोगितामा कुल ६१ खेल हुनेछ । पहिलो चरणमा सामुदायिक विद्यालय र संस्थागत विद्यालयबीच छुट्टाछुट्टै छनोट खेल हुनेछ । त्यसबाट छनोट भएका टिमहरुबीच रातो बल अर्थात् दुई दिवसीय प्रतियोगिता हुनेछ । पहिलो चरणको लागि गरिएको ड्र बाट लिटिल फ्लवार स्कुल सिधै दोस्रो चरणमा प्रवेश गरिसकेको छ । यस्तै पहिलो संस्करणको सेमीफाइनलमा पुगेका चार टिम पनि सिधै दोस्रो चरणमा प्रतिस्पर्धा गर्नेछन् ।