डोल्पावासी प्रतिकेजी २५० रुपैयाँको चामल खान बाध्य
काठमाडौं, भदौ १७ ।
शुल्क बढाएको भन्दै ठेकेदारले ढुवानी नगरेपछि दुई वर्षदेखि उपल्लो डोल्पावासीले सहुलियतको चामल र नुन खान पाएनन्-
जिल्लाको उत्तरी क्षेत्रका जनताले दुई वर्षदेखि सहुलियतको चामल र नुन खान पाएका छैनन् । केरुङ नाकाबाट तिब्बतको बाटो हुँदै खाद्यान्न लगिने गरेकोमा कर बढाइएको भन्दै ठेकेदारले खाद्यान्न ढुवानी गरेका छैनन् ।
उपल्लो डोल्पाका लागि आर्थिक वर्ष ०७२-७३ देखि छुट्याइएको ३८ सय क्विन्टल चामल र तीन हजार क्विन्टल नुन काठमाडाैँकै गोदाममा थन्किएको ठेकेदार विजय रोकाले बताए । पछिल्लो समय केरुङ नाकामा भन्सार दर बढाएपछि खाद्यान्न ढुवानी गर्न नसकेको ठेकेदार रोकाको भनाइ छ । ‘केरुङ नाकामा भन्सार दर बढाइएको छ, त्यसकारण खाद्यान्न ढुवानी गर्न सकिएन,’ रोक्काले भने ।
उपल्लो डोल्पामा तिब्बतको बाटो हुँदै खाद्यान्न पुर्याइन्छ । रसुवाको केरुङ नाकाबाट तिब्बत प्रवेश गरी ट्रकले उपल्लो डोल्पाको सीमासम्म खाद्यान्न पुर्याउँछन् । त्यहाँबाट खच्चरमार्फत नेपालतर्फ खाद्यान्न ढुवानी हुन्छ । सरकारले त्यहाँ वर्षको एकपटक मात्र खाद्यान्न पुर्याउने गरेको थियो ।
प्रत्येक वर्ष उपल्लो डोल्पामा खाद्य संकट हुन्छ । खाद्य संकट हुन नदिन सरकारले पठाएको सहुलियतको खाद्यान्न काठमाडौंमै थन्किँदा स्थानीय मारमा परेका छन् । सरकारले विगत वर्षमा छोटो समय र कम ढुवानी रकममा उपल्लो डोल्पाका से–फोक्सुन्डो, छार्काताङसोङ र डोल्पो बुद्ध गाउँपालिकामा खाद्यान्न पुर्याउने गरेको थियो ।
पहिला तातोपानी नाकाबाट तिब्बत हुँदै खाद्यान्न लैजाने गरिएको थियो । भूकम्पले सो नाका अवरुद्ध भएपछि केरुङ नाकाबाट ढुवानी गर्ने गरेको साल्ट कर्पोरेसन डोल्पाका प्रमुख प्रकाशबहादुर धामीले जानकारी दिए । ‘जनताको दुःखपीडा बुझेर पनि हामी केही गर्न सक्दैनौँ,’ उनले भने, ‘अर्काको देश हुँदै खाद्यान्न ढुवानी गर्दा विभिन्न कठिनाइ हुन्छ, त्यसैले समयमा पुर्याउन नसकिएको हो ।’
माथिल्लो डोल्पामा चामल लैजान सयभन्दा धेरै ट्रक आवश्यक पर्ने ठेकेदार विजय रोक्काले बताए । तर, केरुङ नाका जान रसुवाकै चालक हुनुपर्ने व्यवस्था छ । अन्य चालक जान नपाउने भएपछि चामल र नुन ढुवानीमा समस्या भएको ठेकेदार रोकायले बताए ।
उता खाद्य संस्थान डोल्पाका प्रमुख हरिप्रसाद जोशीले भने खाद्यान्न पठाउन थालेको दाबी गरे । उनले हरेक दिन १२ देखि १५ वटासम्म ट्रक लोड गरेर पठाउने गरेको बताए । अबको एक साताभित्र गतवर्षदेखिको सञ्चित चामल र नुन उपल्लो डोल्पा पुगिसक्ने उनको भनाइ छ।
एक केजी चामलको २५० !
उपल्लो डोल्पामा ज्यादै कम खाद्यान्न उत्पादन हुन्छ । त्यहाँका स्थानीयले वर्षको एकपटक तल्लो डोल्पाबाट चौँरी र खच्चडमा खाद्यान्न ढुवानी गर्छन् । तल्लो डोल्पाबाट चामल उपल्लो डोल्पा पुर्याउँदा प्रतिकेजी २५० रुपैयाँसम्म पर्छ । त्यही चामल खाद्य संस्थानले भने प्रतिकेजी ६० रुपैयाँसम्ममा बेच्ने गरेको छ । तर, सरकारले वर्षको एकपटक मात्र चामल उपल्लो डोल्पा पुर्याउँछ । पछिल्लो समय भने दुई वर्षदेखि चामल लगेको छैन ।
यसकारण गएन चामल
उपल्लो डोल्पाका लागि आर्थिक वर्ष ०७२-७३ देखि छुट्याइएको ३८ सय क्विन्टल चामल र तीन हजार क्विन्टल नुन काठमाडाैँकै गोदाममा थन्किएको छ । ठेकेदारले केरुङ नाका हुँदै तिब्बतको बाटोबाट लैजान्छन् । तर, केरुङमा भन्सार दर बढाएको भन्दै ठेकेदारले ढुवानी गर्न मानेका छैनन् ।
भूकम्पअघि तातोपानी नाकाबाट खाद्यान्न लैजाने गरिएको थियो । सो नाका बन्द भएपछि रसुवाको केरुङ नाकाबाट लैजानुपर्छ । तर, केरुङ नाका जान रसुवाकै चालक हुनुपर्ने व्यवस्था भएपछि ढुवानी गर्न समस्या भएको ठेकेदार विजय रोकाले बताए ।
जहाँ तिब्बतको बाटो भएर खाद्यान्न लैजानुपर्छ
उपल्लो डोल्पामा तिब्बतको बाटो भएर खाद्यान्न ढुवानी गर्नुपर्छ । भूकम्पले क्षति गर्नुअघि तातोपानी नाकाबाट तिब्बत हुँदै खाद्यान्न ढुवानी गर्ने गरिएको थियो । अहिले केरुङ नाकाबाट तिब्बत हुँदै खाद्यान्न लगिन्छ ।
काठमाडौंबाट खाद्यान्न लोड गरिएका ट्रक रसुवाको केरुङ नाकाबाट तिब्बत छिर्छन् । तिब्बतको सडकबाट नेपालको सिमाना क्याटु र मोरिङला नाकासम्म लगिन्छ । त्यहाँबाट उपल्लो डोल्पाको सालडाङ र किन्जी हुँदै विभिन्न स्थानमा पुर्याइन्छ ।
खाद्य संस्थानले तिब्बतको सीमासम्म मात्र खाद्यान्न पुर्याइदिन्छ । त्यहाँबाट उपल्लो डोल्पाका स्थानीयले नै याक र चौँरीमा खाद्यान्न लिएर जान्छन् । उनीहरू खाद्यान्न लिन पाँच दिनसम्म हिँडेर सीमा पुग्ने गर्छन् । -नयाँ पत्रिकाबाट
तीन संसदीय समितिको बैठक बस्दै, यस्ता छन् ऐजेण्डा
काठमाडौँ । सङ्घीय संसद्अन्तर्गतका तीन संसदीय समितिको बैठक आज बस्न लागेको छ । संसद सचिवालयका अनुसार कानुन, न्याय तथा मानव अधिकार समितिको बैठक बिहान ११ बजे बस्नेछ । बैठकमा आगामी दिनमा गर्ने स्थलगत अनुगमन तथा समितिले गर्ने काम कारवाहीका विषयमा छलफल हुनेछ । ११ बजे नै बस्ने विकास, आर्थिक मामिला तथा सुशासन समितिको बैठकमा विश्व जलवायु सम्मेलन (कोप २८) को कार्यप्रगतिबारे छलफल हुने बताइएको छ । त्यसैगरी, बैठकमा विश्व जलवायु सम्मेलन (कोप २९) मा नेपालको सहभागिताका लागि आवश्यक तयारीका सम्बन्धमा पनि छलफल हुने बताइएको छ । यस्तै दिउँसो १ बजे बस्ने विधायन व्यवस्थापन समितिको बैठकमा नविकरणीय ऊर्जा तथा ऊर्जा दक्षता सम्बन्धी विधेयक, २०८१ माथि दफावार छलफल हुने कार्यसूची छ ।
एभरेष्ट दैनिक
१२ घण्टा अघि
यस्तो रहनेछ आजको मौसम
काठमाडौँ । मनसुनको न्यून चापीय रेखा सरदर स्थानको दक्षिणतिर अवस्थित रहेको छ । देशभर मनसुनी वायुको प्रभाव रहेको मौसम पूर्वानुमान महाशाखाले जनाएको छ । हाल देशको पहाडी भूभागमा आंशिकदेखि साधरणतया बदली रही बाँकी भूभागमा मौसम मुख्यतया सफा रहेको छ । कोशी, गण्डकी र सुदूरपश्चिम प्रदेशका पहाडी भूभागका एक–दुई स्थानमा चट्याङ्गसहित हल्का वर्षा भइरहेको छ। आज दिउँसो गण्डकी, कर्णाली र सुदूरपश्चिम प्रदेशमा आंशिकदेखि साधरणतया बदली रही बाँकी प्रदेशमा आंशिक बदलीदेखि मौसम मुख्यतया सफा रहने छ । कर्णाली प्रदेशका केही स्थानहरू, गण्डकी र सुदूरपश्चिम प्रदेशका थोरै स्थानहरूमा तथा बाँकी प्रदेशका पहाडी भूभागका एक–दुई स्थानमा चट्याङ्गसहित हल्कादेखि मध्यम वर्षाको सम्भावना रहेको महाशाखाले जनाएको छ। यस्तै आज राति कर्णाली प्रदेशका थोरै स्थानहरूमा तथा बाँकी प्रदेशका पहाडी भूभागका एक–दुई स्थानमा चट्याङ्गसहित हल्कादेखि मध्यम वर्षाको सम्भावना रहेको महाशाखाले जनाएको छ।
एभरेष्ट दैनिक
१२ घण्टा अघि
अनेरास्ववियु (क्रान्तिकारी)को राष्ट्रिय सम्मेलनको तयारी पूरा
काठमाडौं । नेकपा (माओवादी केन्द्र) निकट अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) को २३औँ राष्ट्रिय सम्मेलनको तयारी पूरा गरेको छ । क्रान्तिकारीका अध्यक्ष पञ्चा सिंहले यही असोज १० देखि १४ गतेसम्म हुने सम्मेलनको तयारी पूरा गरिएको जानकारी दिनुभयो । यसअघि सम्मेलन असोज २ देखि ५ गते तोकिएकामा तीन प्रदेश कमिटीको सम्मेलन बाँकी रहेकाले नयाँ मिति तोकिएको उहाँले बताउनुभयो । सम्मेलनमा दुई हजार तीन सय २३ प्रतिनिधि सहभागी हुने भएका छन् । सम्मेलनले ३३ पदाधिकारीसहित दुई सय ४३ जनाको नयाँ केन्द्रीय कमिटी चयन गर्नेछ । उहाँका अनुसार यसपटक सम्मेलनमा सहभागी प्रतिनिधिले नै पदाधिकारी र केन्द्रीय कमिटी चयन गर्ने छन् । वर्तमान केन्द्रीय समितिले सम्मेलनमा सहभागी हुनका लागि आआफ्नो मातहतका कमिटीबाट निर्वाचित भएर आउनुपर्ने नयाँ व्यवस्था गरिएको छ । यसअघि वर्तमान केन्द्रीय कमिटी स्वतः सम्मेलनको प्रतिनिधिका रुपमा रहँदै आएका थिए । सम्मेलनको उद्घाटन सत्र कमलादीस्थित नेपाल प्रज्ञा प्रतिष्ठान र बन्द सत्र किर्तिपुरस्थित त्रिभुवन विश्वविद्यालयको सभाहलमा हुने छ । सम्मेलनको उद्घाटन माओवादी केन्द्रका अध्यक्ष पुष्पकमल दाहाल ‘प्रचण्ड’ले गर्नुहुनेछ ।
एभरेष्ट दैनिक
५ असोज, २०८१
जलवायु न्यायको माग गर्दै युवाहरु सडकमा
ललितपुर– जलवायु न्यायको माग गर्दै युवायुवतीको समूहले ललितपुरको जावलाखेलमा पिपुल्स क्लाइमेट मार्च २०२४ र्याली निकालेका छन् । र्यालीमा सहभागीले विभिन्न नारा लेखिएका ब्यानर र प्ला कार्ड बोकेका थिए । उनीहरूले विकसित मुलुकहरूले खनिज, पेट्रोलियम एवं औद्योगिक उत्सर्जनबाट प्रदुषण बढाउन मुख्य जिम्मेवार रहेको र यसको मारमा नेपाल जस्ता राष्ट्रहरू परेको भन्दै विकसित देशले नेपाल जस्ता देशलाई क्षतिपूर्ति दिनुपर्ने माग गरेका छन् । विकसित राष्ट्रहरूले नेपाल जस्तो कम हरितगृह ग्यास उत्सर्जन गर्ने देशलाई तिर्नुपर्ने दायित्व पनि ऋणको रूपमा दिन खोजेको भन्दै यसको विरोध समेत गरेका छन् । नेपालमा भएको यो र्याली ‘ग्लोवल विक अफ एक्सन इन साउथ एसिया’को सन्दर्भ पारेर पनि आयोजना गरिएको हो ।
एभरेष्ट दैनिक
५ असोज, २०८१
