विक्रम पाण्डेको झूठ पछाडिको यथार्थ यस्तो छ

आदरणिय माडीबासी अग्रज एवं मित्रहरु,
पछिल्लो समय चितवनको निर्वाचन क्षेत्र नं ३ मा बाम गठबन्धनबाट माओबादी अध्यक्ष कमरेड प्रचण्ड र कांग्रेस राप्रपा गठबन्धनबाट बनमन्त्री बिक्रम पाण्डेले उम्मेदवारी दिएसंगै विभिन्न खाले चर्चा परिचर्चा चलिरहेको छ । खास गरि पाण्डेको विकासवादी नाराको हवाला दिदै केहि कोणबाट भ्रम सिर्जना गर्न खोजिएको छ ।

भ्रम नं १
रेवा नदीको पुल पाण्डेले बनाएका हुन् ?
बास्तबिकता स् यो पुल नेपाल सरकारको टेण्डर सकार्दै पाण्डेको निर्माण कम्पनी कालिका कन्ट्रकस्नले बनाएको हो । यो पुलको लागि आवश्यक बजेट तात्कालिन माननीय अमिक शेरचनको मागमा बिनियोजित थियो ।

भ्रम नं २
माडीको बाटो बिक्रम पाण्डेले पिच गरेका हुन् ?
बास्तबिकता स् ट्रिपल आर (RRR) कार्यक्रम अन्तर्गत एसियाली विकास बैकंको सहयोगमा रेवा नदीको पुलदेखि अयोध्यापुरीसम्मको बाटो ९ ३ मिटर चौड़ा ० कालोपत्रे गरिएको थियो । बाटोलाई ३ खण्डमा बिभाजन १ खण्ड गरी बनकट्टा देखि बसन्तपुर सम्मको बाटो बिक्रम पाण्डेको कम्पनीले ठेक्का लिएको थियो । बाटो राम्ररी नबन्दै चिरा चिरा परेको र हिड्नै नमिल्ने गरी ध्वस्त भएकाले स्थानीय बासिन्दाले पाएको दुस्ख अझै भुलेका छैनन् । निर्माण कार्य गर्न स्थानीय मगुई खोलाबाट निकालिएको गिटी बालुवाको रोयल्टी स्थानीय बफर्जोनले अझै पाएका छैनन् ।

भ्रम नं ३
बिधुत् पाण्डेले ल्याएका हुन् ?
बास्तबिकता स् दशैं पंचवर्षीय योजना अन्तर्गतको ग्रामीण बिध्दुतिकरण आयोजना असफल भैसकेपछि पहिले अमिक शेरचनकै पहलमा पछिल्लो चरण सांसद डिआर पौडेल र पूर्व सासंद तीर्थ भुषालसहित राजनैतिक दलको दवावमा अन्डरग्राउण्ड रुपमा बिजुलीको तार बिछ्याईएको थियो । तात्कालिन उर्जा मन्त्री जनार्दन शर्माको बिशेष निर्देशानुसार बिजुली माडी भित्रियो र पाण्डे बाहेकका सबै सासंद र मन्त्रीको उपस्थितिमा त्यसको औपचारिक उद्धाटन गरियो ।

भ्रम नं ४
रेवा नदीको तटबन्धन र चक्रपथ
बास्तबिकता स् शिबद्धार होमस्टेले पेश गरेको कार्ययोजना अनुरुपनै चक्रपथ र भित्रि सडकको काम अगाडि बढ्यो । जलउत्पन्न मार्फत प्राप्त रेवा नदीको ड्याम निर्माणको बजेट फर्जी रुपमा सम्पन गरिएको भनेर स्वयं पाण्डेकै कार्यकर्ताको संलग्नताको प्रमाण सहित स्थानीय तहको चुनावको बेला पत्रिकामा समचार प्रकाशन भै सकेको तथ्य जगजाहेर नै छ ।

भ्रम नं ५
दमकल र पुल
बास्तबिकता स् माडीलाई प्राप्त दमकल माननीय हितराज पाण्डेले निर्णयनुसार माननीय डिआर पौडेलले माडी नगरपालिकालाई हस्ताण्तरण गर्नु भएको हो । माडीमा बन्न लागेका पुलहरु हुलाकी सडक परियोजना अन्तर्गत का हुन् । जुन योजना केपी ओली सरकारको पालामा भएको संझौताका आधारमा अघि बढेको हो ।

भ्रम नं ६
निकुञ्जका रुख पाण्डेले काटेका हुन् !
बास्तबिकता स् निकुञ्जभित्रका रुखमा पहिलो आरा लगाउने हिम्मतवाला नेता मात्रृका यादव र अमिक शेरचन हुन् । तात्कालिक चिफ वार्डेन मेघबहादुर पाण्डेको साथ लिएर । अहिले स्थानिय सरकार निर्वाचित भएपछि मेयर ठाकुर ढकालसहितको टीमले १ सुत्रीय रुपमा यो एजेण्डालाई अगाडि बढाउदै बिभाग र निकुञ्जको सहमतिमा नगरपालिकाकै आर्थिक सहयोगमा रुख कटान भएको हो । यदी पाण्डेले गर्थे भने ३ बर्ष के पापा हेरेर बसेका थिए र रुख काट्न स्थानीय सरकार चाहियो ।

भ्रम नं ७
सबै बिकास मैले गरेको हु पाण्डे !
बास्तबिकता स् चितवनका तात्कालिक एलडियोहरुलाई सोधे थाहा लाग्छ । निर्वाचन क्षेत्र बिकास कार्यक्रमका योजनाहरु पाण्डेले कसरी एकलौटी गर्न दबाब दिन्थे भन्ने कुरा । सासंद डिआर पौडेल, रुक्मणी चौधरी र उमेश श्रेष्ठको लिखित असहमतिका बाबजुद पनि आफ्ना कार्यकर्ता मैत्रि कार्यक्रम कसरी लागु गर्थे भन्ने कुरा यसअघि नै सार्वजनिक भैसकेको छ । माडी कै महत्वको मगुई खोला को पुल बनाउने प्रस्ताव उनले आफ्नो सनकका भरमा अन्यत्र लगेका थिए ।

भ्रम नं ८
मलाई माओवादी एमाले र काग्रेसले गर्नै दिएनन् !
बास्तबिकता स् यहाँका राजनैतिक पार्टीले निर्वाचित सासदलाई कटाउन खोजेका होईनन् । हरेक मंचमा आफुले सिन्को नभाच्ने तर माडीका दललाई सत्तोसराप गर्ने काम नछाडे पछि उनलाई जनताले बहिस्कार गरेका हुन् । सानो एउटा सम्झना, यो पंक्तकार समेत रहेको नेता डिआर पौडेल,सन्देश पौडेल र काग्रेस नेता सिपि सुबेदीले माडी महोत्सबमा उनलाई आमन्त्रण गर्न कालिका टावर बालुवाटार पुग्दा उनले दिएको अभिब्यक्ति स्मरणिय छ १ माडी काठमाडौ सम्पर्क समाजले उनि सहितसबै जनप्रतिनिधिहरुलाई एउटै मंचमा राख्न उकै मन्त्रालयमा पटक पटक अनुरोध पत्र लिएर जादाँ टोलिलाई गरिएको अपमान अझै भुलेका छैनन् १ यस्ता द्धष्टान्त सयौँ छन् । यो उनको ब्याक्तिगत बिरोध होईन बरु उनि रहेको रकमि रवाफ र सामन्ति सोचको कारण पैदा भएको आक्रोश हो ।

केही प्रश्नहरु :

१‍.सगै सासंद बनेका १ नं क्षेत्रका नेता सुरेन्द्र पाण्डेले २०० किमी पिच गराउदा हाम्रा पाण्डे जीको पहलमा २० मिटर पनि किन हुन सकेन् ?
२. नेपाल सरकारको निर्णयमा माडी आएको दिवाकर पोलिटेक्निक ईन्ष्टिच्युटको जमिन प्राप्ति को फाईल पाण्डेकै डिजाईनमा किन अगाडी बढाउन रोकियो ?
३.सिगै माडी बाढीले तहसनहस हुदा हेलिकप्टर सयर त गरियो तर पिडित जनतालाई सासंद हुनुका नाताले न्युनतम् राहात दिनु त परै जाओस् नगरपालिकालाई सराप्दै ज़िम्मेवारी बाट किन भागियो ?
४.स्वभाबिक रुपमा आएका र अरुको पहलमा माडीमा हुने साना भन्दा साना बिकास योजनाको जस लिन निजी रेडियो र टिभि प्रयोग गर्ने तर जनता सामु गरेका चुनावि बाचा किन भुलियो ?
५. ठोरी केरुगं मार्ग कहा अलपत्र पारियों ?
६. निधारको अबिर नसुक्दै बिकासको बाढी ल्याउछु माडीमा भनेर आश्वसन बाढ्ने पाण्डे जीले माडीको बिकासका लागी स्व प्रयत्नमा गरका कुनै २(४ वटा काम सोधियो भने उत्तर दिने केहि काम छन् त ?

बिलकुल छैनन् यसकारण भ्रमको खेति नगरौ । यसपटक देशकै नेतृत्व साझा बाम उम्मेदवार प्रचण्डलाई माडी बासिले पाएका छौ । हाम्रा सन्ततीहरुले पनि गर्व गर्न सक्ने निर्णय गरौ । देशका नेता प्रचण्डलाई माडी बासीले रोजौ ! ठेकेदारलाई फेरि पनि ठेक्का नदिउँ, यसपटक प्रचण्डलाई भोट दिउॅ !

सन्तोष पनेरु
बसन्तपुर,माडी