नोबेल शान्ति पुरस्कार पाएका युनुसमाथि भ्रष्टाचार आरोप
![नोबेल शान्ति पुरस्कार पाएका युनुसमाथि भ्रष्टाचार आरोप](https://everestdainik.prixacdn.net/media/albums/Muhammad-Yunus_d05iHSLFbT_tFs5bvtzKF.jpg)
काठमाडौं । नोबेल शान्ति पुरस्कार पाएका बंगलादेशका मुहम्मद युनुससहित १३ जनामाथि भ्रष्टाचार आरोप लागेको छ । युनुसमाथि बंगलादेशको सबैभन्दा ठूलो टेलिकम कम्पनीमा २० लाख डलर अपचलन गरेको आरोपमा अदालतमा मुद्दा दायर भएको हो ।
युनुसले ग्रामिण क्षेत्रका कर्मचारीहरुको कल्याणकारी कोषको रकम अपचलन गरेको आरोप लागेको छ ।
युनुसले बंगलादेशका हजारौं व्यक्तिहरुलाई ऋणबाट मुक्त गरिदिएवाफत् सन् २००६ मा विश्वप्रतिष्ठित नोबेल शान्ति पुरस्कार जितेका थिए ।
उनले आफूमाथि लागेका आरोपको खण्डन गर्दै विनाकारण प्रताडित गरिएको आरोप लगाएका छन् । युनुसले प्रधानमन्त्री शेख हसिनाले आफूमाथि झुट्टा मुद्दा दर्ता गराएको बताएका छन् ।
बंगलादेश सरकारले भने युनुसले लगाएको आरोपको खण्डन गरेको छ ।
ट्रम्प भन्छन्, –‘म राष्ट्रपति भएको भए रुस–युक्रेन युद्ध कहिल्यै हुने थिएन’
काठमाडौं । अमेरिकाका पूर्वराष्ट्रपति डोनाल्ड ट्रम्पले राष्ट्रपति पदको उम्मेदवारी स्वीकार गर्ने बताएका छन् । रिपब्लिकन पार्टीको चारदिने सम्मेलनलाई सम्बोधन गर्दै ट्रम्पले आगामी चार महिनामा रिपब्लिकन पार्टीले अतुलनीय जित हासिल गर्ने दाबी पनि गरे । उनले भने, ‘जितेर हामी अमेरिकी इतिहासको सबैभन्दा ठूलो चार वर्षको सुरुवात गर्नेछौँ।’ सम्बोधनका क्रममा ट्रम्पले युक्रेन–रुस युद्ध र इजरायलमा जारी युद्धका विषयमा वर्तमान सरकारको आलोचना पनि गरे । ट्रम्पले भने, ‘यदि म राष्ट्रपति भएको भए रुस र युक्रेनबीच चलिरहेको भयानक युद्ध र इजरायलमा हमलाका कारण सुरु भएको युद्ध हुने नै थिएनन्।’ सम्बोधनमा ट्रम्पले वर्तमान सरकारले सिर्जना गरेका सबै अन्तर्राष्ट्रिय समस्यालाई हटाउने दाबी पनि गरेका छन् ।
चीनको सपिङ सेन्टरमा भएको आगलागीमा कम्तीमा १६ जनाको मृत्यु
काठमाडौं । चीनको सपिङ सेन्टरमा आगलागी हुँदा कम्तीमा १६ जनाको मृत्यु भएको छ । एक १४ तले सपिङ सेन्टरमा भएको आगलागीमा उनीहरुको मृत्यु भएको हो । सरकारी सञ्चारमाध्यमले आगजनीको यो घटना चीनको सिन्हुआन प्रान्तको जिगोङ सहरमा बुधबार साँझ भएको जनाएका छन् । आगलागीमा परेका अरु ३० जनाको उद्धार गरिएको जनाइएको छ। प्रारम्भिक अनुसन्धान अनुसार भवनमा निर्माणाधीन कामका कारण आगलागी भएको बताइएको छ । चीनको सरकारी मिडिया र सामाजिक सञ्जालमा सार्वजनिक भिडिओमा यस भवनको चारैतिर आगोको मुस्लो सहित कालो धुवाँ देखिएको छ ।
चिनियाँ अर्बपति अमेरिकामा दोषी ठहर
एजेन्सी । चीनबाट निष्काशित अर्बपति गुओ वेंगुई अमेरिकामा दोषी ठहर भएका छन् । अमेरिकाको संघीय अदालतले उनलाई समर्थकको १ अर्ब डलर बढी ठगी र धोखाधडीको आरोपमा मंगलबार दोषी ठहर गरेको हो । सीएनएनका अनुसार १२ आरोपमध्ये ९ वटामा गुओ दोषी ठहर भएका छन् । सेयर बढाउन ठगी गरेको, सम्पत्ति शुद्धीकरणलगायतका आरोपमा माइल्स गुओका रुपमा परिचित उनी माथि आरोप लागेको थियो । योसँगै उनले दशकौँ जेल बस्नुपर्ने सजाय पाउने सम्भावना रहेको समाचारमा उल्लेख छ । आगामी नोभेम्बर १९ मा उनलाई सजाय तोकिनेछ। गुओले धेरै अन्तर्सम्बन्धित धोखाधडीका स्किमहरु चलाएको र बफादार समर्थकले मिहिनेतले कमाएको पैसामा खेलबाड गरेको अदालतले ठहर गरेको छ। चिनले निश्कासित गरेपछि उनी अमेरिकामा निर्वासित जीवन बिताइरहेका थिए । उनको जीवनशैली पनि अत्यन्तै विलासी थियो । न्युयोर्कमा उनीविरुद्धका आरोपमा ७ हप्तासम्म सुनुवाइ भएको थियो । गुओका वकिलहरुले यसबारे केही प्रतिक्रिया दिएका छैनन् । दोषी ठहर भएसँगै उनका केही समर्थकमा रुवाबासी समेत चलेको छ । गुओ सन् २०१४ मा चीनबाट निर्वासित भएका थिए । उनले वरिष्ठ चिनियाँ अधिकारी र धनाढ्यहरुको काण्डको खुलासा गर्ने चेतावनी दिदै आएका थिए । यसबाहेक उनलाई अहिले राष्ट्रपतीय दौडमा रहेका रिपब्लिकन उम्मेदवार डोनाल्ड ट्रम्प निकटस्थ स्टिभ ब्याननका साथी समेत मानिन्छ । ब्यानन पनि यही महिनाको सुरुतिर संसदीय अनुसन्धानलाई असहयोग गरेको आरोपमा संघीय कारागार चलान भइसकेका छन् । ब्याननलाई गुओले १० लाख डलर दिएको पनि खुलासा भएको छ । आफ्ना अनलाइन समर्थकलाई आफ्नो व्यवसाय र क्रिप्टोकरेन्सीमा लगानी गर्न हौस्याएर २०१८ र २०२३ को बीचमा १ अर्ब डलर बढी डुबाइदिएको आरोप गुओमाथि छ। सन् २०१७ मा हङकङ तथा चीन सरकारले सम्पत्ति शुद्धीकरण अनुसन्धानसँगै उनको सम्पत्ति जफत समेत गरेको थियो ।
बिहे गरेको ८ दिन पछि श्रीमतीसहित परिवारका ८ जनाको हत्यापछि आत्महत्या
एजेन्सी । भारतको छिन्दवाडा जिल्लाको अन्तिम सीमामा पर्ने आदिवासी बाहुल्य क्षेत्रको बोदलकछर गाउँमा एक आदिवासी परिवारका ८ जनाको सामूहिक हत्या भएको छ । महुलझिर प्रहरी चौकीअन्तर्गत पर्ने यो गाउँमा परिवारका छोराले बन्चरो प्रहार गरी ८ सदस्यको हत्यापछि आफू पनि झुण्डिएर मरेका छन् । भारतीय सञ्चारमाध्यमका अनुसार ती युवकले आफ्नै आमा, बुवा, श्रीमती, छोरा, छोरी र भाइसहित परिवारका आठजनालाई बन्चरोले हानेर मारेका छन्। यसपछि उनी आफू पनि झुन्डिएर प्राण त्यागे। घटना राति २–३ बजे भएको बताइएको छ । महुलझीर प्रहरी घटनास्थल पुगेको छ। प्रहरीले पुरै गाउँ सिल गरेर अनुसन्धान गरिरहेको छ। विस्तृत जानकारी आउन भने बाँकी छ । प्रहरीका अनुसार आरोपितले यही मे २१ तारिखका दिन बिहे गरेका थिए । सुरुमा उनले श्रीमतीको हत्या गरेका थिए । त्यसपछि ५५ वर्षीया आमा, ३५ वर्षीय भाइ, ३० वर्षीया भाउजुको हत्या गरे । बन्चरो प्रहार गरी उनले ५ वर्षीया भतिजी तथा ४ र डेढ वर्षका भतिजाको पनि हत्या गरेको प्रहरीले जनाएको छ । अहिलेसम्म घटनाको कारण भने खुल्न सकेको छैन। प्रहरीले आरोपित युवक मानसिक रूपमा विचलित भएको जनाएको छ ।