ट्रम्प भन्छन्, –‘म राष्ट्रपति भएको भए रुस–युक्रेन युद्ध कहिल्यै हुने थिएन’

भारत । भारतीय प्रशासनअन्तर्गतको काश्मीरको एक पहाडी गाउँमा भीषण वर्षापछि आएको बाढीले ठूलो विनाश निम्त्याएको छ । स्थानीय प्रशासनका अनुसार, किष्टवार जिल्लामा बिहीबार बिहान एकाएक बादल फाटेर आएको बाढीमा परी कम्तीमा ३४ जनाको ज्यान गएको छ, भने दर्जनौं घाइते भएका छन् । “समाचार अत्यन्तै पीडा दायक छ,” काश्मीरका मुख्यमन्त्री ओमर अब्दुल्लाहले विज्ञप्तिमा उल्लेख गर्दै किष्टवारमा तीव्र वर्षाका कारण ठूलो क्षति पुगेको जानकारी दिए । बाढीबाट प्रभावित व्यक्तिहरूलाई उद्दार गर्न प्रयास जारी छ । किष्टवारका जिल्ला आयुक्त पंकज कुमार शर्माले भने, “हामीले हालसम्म ३४ शव फेला पारिसकेका छौँ र ३५ जना घाइतेको उद्धार गरिएको छ । अझै पनि केही व्यक्तिहरु हराइरहेका छन् ।” नजिकैको अथोली गाउँका एक स्थानीय बासिन्दा सुशील कुमारले एएफपीसँगको कुराकानीमा भने,“मैले आफ्नै आँखाले १५ जना मृतकहरूलाई अस्पतालमा ल्याइएको देखेँ ।” प्राकृतिक प्रकोपपछि उद्धार कार्य निकै चुनौतीपूर्ण बनेको छ, किनभने बाढीपछिका निरन्तर वर्षाले बाटोहरू ध्वस्त बनाएका छन् । घटनास्थल श्रिनगरबाट झण्डै २०० किलोमिटर टाढा रहेको कारण पनि उद्धार टोली पुग्न कठिन भइरहेको छ । भारतका प्रधानमन्त्री नरेन्द्र मोदीले पीडितप्रति समवेदना व्यक्त गर्दै भने, “संकटको घडीमा पीडितहरूलाई सबै प्रकारको सहयोग प्रदान गरिनेछ ।” यसअघि, अगस्ट ५ मा उत्तराखण्ड राज्यको धाराली गाउँमा पनि बाढी र पहिरोको कारण ठूलो विनाश भएको थियो, जसमा ७० भन्दा बढीको ज्यान गएको आशंका गरिएको छ । प्रत्येक वर्ष मनसुनको समयमा भारतमा बाढी, पहिरो र वर्षा जन्य विपद् सामान्यझैँ देखिन्छन् । तर विज्ञहरूका अनुसार जलवायु परिवर्तन र अव्यवस्थित विकासका कारण यस्ता घटनाहरू पहिलेभन्दा धेरै गम्भीर र बारम्बार हुने गरेका छन् । संयुक्त राष्ट्रसंघको विश्व मौसम विज्ञान संगठन (डब्लुएमओ)ले गत वर्ष चेतावनी दिँदै भनेको थियो, “बढ्दो बाढी र खडेरीहरू जलवायु संकटको गहिरिँदो सङ्केत हुन्, र विश्वको जलचक्र पहिलेभन्दा अझ अनियमित बन्दै गएको छ ।” 

  लन्डन। गत जुन १२ मा भारतको अहमदाबादबाट लन्डनको ग्याट्विकतर्फ उडेको एअर इन्डिया बोइङ ७८७-८ विमान (उडान नं. AI171) दुर्घटनामा २६० जनाको ज्यान गएको थियो। यो दुखद घटनाले विश्वभर त्रास र शोक उत्पन्न गरेको छ। तर, यो दुर्घटनापछि अर्को गम्भीर र पीडादायक घटना सार्वजनिक भएको छ। मृतक शोभना पटेलको शवपेटिकामा अन्य व्यक्तिका पार्थिव अवशेषहरू मिसिएको पाइएको छ, जसले मृतकका परिवारमा थप आघात र आक्रोश पैदा गरेको छ। मितेन पटेल, जसले यो दुर्घटनामा आफ्ना आमा शोभना पटेल र बुवा अशोक पटेललाई गुमाए, उनले बीबीसीलाई बताएअनुसार इनर वेस्ट लन्डन सिनियर कोरनरले उनकी आमाको शवपेटिकामा अन्य व्यक्तिका अवशेषहरू भेटिएको पुष्टि गरेको छ। मितेनले यो घटनालाई "अत्यन्त पीडादायक" भएको बताए। उनले प्रश्न उठाए, "मेरी आमाको शव भएको पेटिकामा अरू कति जनाको अवशेष छ? यो कुराले मलाई रातभर सताइरहन्छ।" शोभना र अशोक आफ्ना दुई छोरा, मितेन र हेमित, तथा नातिनातिनीहरूलाई भेट्न लन्डन फर्किंदै थिए। यूकेबाट प्रकाशित हुने 'द डेली मेल'ले बुधवार (२३ जुलाई २०२५) मा यस्ता दुईवटा घटनाको विवरण छापेको थियो। मितेनको परिवारको शवपेटिकामा विभिन्न व्यक्तिका अवशेष मिसिएको पाइएको छ भने अर्को परिवारले आफ्ना आफन्तको शवको सट्टा पूरै अर्को व्यक्तिको शव प्राप्त गरेको थियो। यी घटनाहरूले शवहरूको पहिचान र व्यवस्थापनमा गम्भीर त्रुटि भएको देखाउँछ।  मितेन पटेलले भने, "यो गल्ती अस्वाभाविक नहोला, किनभने त्यहाँ ठूलो दबाव र थकानको अवस्था थियो होला। तर सही शव यूके पठाउन उच्च स्तरको जिम्मेवारी चाहिन्छ। मेरी आमाको शवसँग अरूको अवशेष मिसिनुले हामीलाई ठूलो आघात भएको छ।" उनले थपे, "यो केवल मेरो परिवारको कुरा होइन, अन्य परिवारहरू पनि यस्तै पीडाबाट गुज्रिरहेका छन्। हामीलाई सत्य थाहा पाउने अधिकार छ।" दुर्घटनामा आफन्त गुमाएका परिवारहरूले यस्ता त्रुटिहरूले अन्तिम संस्कार र शोकको प्रक्रियालाई झनै जटिल बनाएको बताएका छन्। एक वकिल, जसले यी परिवारहरूको प्रतिनिधित्व गर्छन्, ले भने, "यी परिवारहरूले तत्काल जवाफ र आफ्ना प्रियजनका शवको अवस्थाबारे स्पष्ट जानकारी पाउनुपर्छ।" उनले ब्रिटिश प्रधानमन्त्री सर किअर स्टार्मरलाई भारतका प्रधानमन्त्री नरेन्द्र मोदीको आसन्न यूके भ्रमणमा यो गम्भीर विषय उठाउन आग्रह गरेका छन्। भारत सरकारको प्रतिक्रिया भारतको विदेश मन्त्रालयले यी विवरणहरूप्रति आफूलाई जानकारी भएको र शवहरूको व्यवस्थापन "उच्च व्यावसायिकता र मृतकप्रति सम्मान"का साथ गरिएको दाबी गरेको छ। मन्त्रालयका प्रवक्ता रणधीर जयसवालले सामाजिक सञ्जाल एक्समा लेखे, "दुर्घटनापछि सम्बन्धित निकायहरूले स्थापित प्रोटोकल र प्राविधिक उपायअनुसार शवहरूको पहिचान गरेका थिए। हामी यी चासोहरूलाई सम्बोधन गर्न यूकेका अधिकारीहरूसँग समन्वयमा छौँ।" यद्यपि, मृतकका परिवारहरूले यो दाबीलाई पर्याप्त नमानेका छन्। उनीहरूले शवहरूको पहिचान र हस्तान्तरण प्रक्रियामा भएको लापरबाहीको पूर्ण छानबिन र जवाफदेहीताको माग गरेका छन्। यूके सरकारका एक प्रवक्ताले शवहरूको औपचारिक पहिचान भारतीय अधिकारीहरूको जिम्मेवारी भएको बताए। उनले भने, "हामी इनर वेस्ट लन्डन सिनियर कोरनरको तर्फबाट गुजरात सरकार र भारत सरकारसँग कोरनिअल प्रक्रियालाई सहयोग गर्न सम्पर्कमा छौँ।" यूकेको विदेश मन्त्रालयले मृतकका परिवार र आफन्तलाई सहयोग प्रदान गरिरहेको जनाएको छ। एअर इन्डियाको उडान AI171 जुन १२, २०२५ मा अहमदाबादको सरदार वल्लभभाइ पटेल अन्तर्राष्ट्रिय विमानस्थलबाट दिउँसो १:३९ बजे उडेको थियो। उडान ४० सेकेन्डभन्दा कम समयमा मेघनी क्षेत्रको बिजेएमसी मेडिकल कलेज र सिभिल अस्पतालको डाक्टरहरूको छात्रावास भवनमा ठोक्किएको थियो। ठूलो विस्फोटसहित भएको यो दुर्घटनामा २३० यात्रु र १२ चालक दलका सदस्यसहित २६० जनाको मृत्यु भयो। एकजना ब्रिटिश यात्रु विशवशकुमार रमेश मात्रै जीवित रहे। प्रारम्भिक प्रतिवेदनले विमानको इन्जिनमा इन्धन आपूर्ति बन्द भएको सङ्केत गरेको छ, तर दुर्घटनाको पूर्ण कारण अझै अस्पष्ट छ। यो घटनाले शव व्यवस्थापन र पहिचान प्रक्रियामा गम्भीर कमजोरीहरू उजागर गरेको छ। मृतकका परिवारहरूले आफ्ना प्रियजनको सम्मानजनक अन्त्येष्टिका लागि स्पष्टता र जवाफदेहीता खोजिरहेका छन्। भारत र यूके सरकारबीचको समन्वयले यो समस्याको समाधान हुने अपेक्षा गरिएको छ, तर अहिलेलाई मितेन पटेलजस्ता परिवारहरूले अपूरणीय क्षति र अनिश्चितताको पीडा भोगिरहेका छन्। (बिबिसीबाट साभार)

काठमाडौं । चीनको सपिङ सेन्टरमा आगलागी हुँदा कम्तीमा १६ जनाको मृत्यु भएको छ । एक १४ तले सपिङ सेन्टरमा भएको आगलागीमा उनीहरुको मृत्यु भएको हो ।  सरकारी सञ्चारमाध्यमले आगजनीको यो घटना चीनको सिन्हुआन प्रान्तको जिगोङ सहरमा बुधबार साँझ भएको जनाएका छन् ।  आगलागीमा परेका अरु ३० जनाको उद्धार गरिएको जनाइएको छ।  प्रारम्भिक अनुसन्धान अनुसार भवनमा निर्माणाधीन कामका कारण आगलागी भएको बताइएको छ । चीनको सरकारी मिडिया र सामाजिक सञ्जालमा सार्वजनिक भिडिओमा यस भवनको चारैतिर आगोको मुस्लो सहित कालो धुवाँ देखिएको छ ।

एजेन्सी । चीनबाट निष्काशित अर्बपति गुओ वेंगुई अमेरिकामा दोषी ठहर भएका छन् ।  अमेरिकाको संघीय अदालतले उनलाई समर्थकको १ अर्ब डलर बढी ठगी र धोखाधडीको आरोपमा मंगलबार दोषी ठहर गरेको हो ।  सीएनएनका अनुसार १२ आरोपमध्ये ९ वटामा गुओ दोषी ठहर भएका छन् । सेयर बढाउन ठगी गरेको, सम्पत्ति शुद्धीकरणलगायतका आरोपमा माइल्स गुओका रुपमा परिचित उनी माथि आरोप लागेको थियो ।  योसँगै उनले दशकौँ जेल बस्नुपर्ने सजाय पाउने सम्भावना रहेको समाचारमा उल्लेख छ । आगामी नोभेम्बर १९ मा उनलाई सजाय तोकिनेछ।  गुओले धेरै अन्तर्सम्बन्धित धोखाधडीका स्किमहरु चलाएको र बफादार समर्थकले मिहिनेतले कमाएको पैसामा खेलबाड गरेको  अदालतले ठहर गरेको छ।  चिनले निश्कासित गरेपछि उनी अमेरिकामा निर्वासित जीवन बिताइरहेका थिए । उनको जीवनशैली पनि अत्यन्तै विलासी थियो ।  न्युयोर्कमा उनीविरुद्धका आरोपमा ७ हप्तासम्म सुनुवाइ भएको थियो । गुओका वकिलहरुले यसबारे केही प्रतिक्रिया दिएका छैनन् । दोषी ठहर भएसँगै उनका केही समर्थकमा रुवाबासी समेत चलेको छ ।  गुओ सन् २०१४ मा चीनबाट निर्वासित भएका थिए । उनले वरिष्ठ चिनियाँ अधिकारी र धनाढ्यहरुको काण्डको खुलासा गर्ने चेतावनी दिदै आएका थिए ।  यसबाहेक उनलाई अहिले राष्ट्रपतीय दौडमा रहेका रिपब्लिकन उम्मेदवार डोनाल्ड ट्रम्प निकटस्थ स्टिभ ब्याननका साथी समेत मानिन्छ । ब्यानन पनि यही महिनाको सुरुतिर संसदीय अनुसन्धानलाई असहयोग गरेको आरोपमा संघीय कारागार चलान भइसकेका छन् । ब्याननलाई गुओले १० लाख डलर दिएको पनि खुलासा भएको छ ।  आफ्ना अनलाइन समर्थकलाई आफ्नो व्यवसाय र क्रिप्टोकरेन्सीमा लगानी गर्न हौस्याएर २०१८ र २०२३ को बीचमा १ अर्ब डलर बढी डुबाइदिएको आरोप गुओमाथि छ। सन् २०१७ मा हङकङ तथा चीन सरकारले सम्पत्ति शुद्धीकरण अनुसन्धानसँगै उनको सम्पत्ति जफत समेत गरेको थियो ।