जेठ २ गतेदेखि ‘जनतासँग माओवादीः मध्यपहाडी लोकमार्ग जनजागरण अभियान’ (तालिकासहित)

काठमाडौं । नेकपा (माओवादी केन्द्र)ले ‘जनतासँग माओवादी : मध्यपहाडी लोकमार्ग (पुष्पलाल मार्ग)जनजागरण अभियान’ जेठ २ गतेबाट सुरु गर्ने भएको छ। अभियानको उद्घाटन बैतडी जिल्लाको पाटनमा विशेष जनसभा गरेर गरिने माओवादीले जनाएको छ।
अभियानमा सहभागी हुन पार्टी अध्यक्ष पुष्पकमल दाहाल ‘प्रचण्ड’ सहितका शीर्ष नेताहरू आज जेठ १ गते सुदूरपश्चिम प्रदेशतर्फ प्रस्थान गर्दै छन्। पार्टीले अभियानमार्फत जनताको बीचमा पुगेर मध्यपहाडी लोकमार्ग आफ्नो पार्टीको अवधारणा भएको, यसको आवश्यकता, लोकमार्ग क्षेत्रको सम्भावना र विकास सम्बन्धी विषयमा जनस्तरसम्म संवाद र जागरण फैलाउने उद्देश्य राखेको बताइएको छ।
पार्टीद्वारा तय गरिएको कार्यतालिका अनुसार अभियान जेठ महिनाभरमा सम्पन्न गरिछ। यस अवधिमा मध्यपहाडी लोकमार्गअन्तर्गत पर्ने प्रत्येक प्रदेशका समितिहरूले कम्तीमा एक स्थानमा जनसभा आयोजना गर्नेछन् भने प्रत्येक जिल्ला समन्वय समितिहरूले एक–एक स्थानमा जनसंवाद कार्यक्रम सञ्चालन गर्नेछन्।
पूर्वका जिल्लाहरूमा हाल सञ्चालन भइरहेका जनसभाहरूलाई समेत यही अभियानअन्तर्गत समेटिने बताइएको छ। बाँकी जिल्लाहरूमा स्थानीय परिस्थितिअनुसार कार्यक्रमको समयतालिका तय गरिने पार्टीले जनाएको छ।
यस्तो छ प्रारम्भिक कार्यतालिका
जेठ १ गते – डडेल्धुरामा वास
जेठ २ गते – बैतडीको पाटनमा जनसभा, डोटी (दिपायल) मा जनसंवाद
जेठ ३ गते – अछाम (मंगलसेन) मा जनसंवाद
जेठ ४ गते – दैलेख सदरमुकाममा जनसभा
जेठ ५ गते – जाजरकोट (खलंगा) मा जनसंवाद
जेठ ६ गते – पश्चिम रुकुमको चौरजहारीमा जनसभा, मुसिकोटमा जनसंवाद
जेठ ७ गते – पूर्व रुकुम (रुकुमकोट) मा जनसंवाद, रोल्पाको थवाङमा जनसभा
जेठ ८ गते – बागलुङमा जनसंवाद
जेठ ९ गते – पर्वतको कुश्मामा जनसंवाद
जेठ १० गते – कास्की (पोखरा)मा जनसभा
माओवादी केन्द्रले यस अभियानलाई पार्टी र जनताबीचको सम्बन्ध थप सुदृढ गर्ने, आफ्नो सरकारले चालेका सकारात्मक काम जनतामाझ लैजाने, सरकारको गलत क्रियाकलापको भन्डाफोर गर्ने, राजावादीहरुको अन्दोलन एंव पश्चगमनविरुद्ध जनतामा जागरण ल्याउने अवसरका रूपमा लिएको जनाएको छ। साथै, पुष्पलाल लोकमार्ग आफ्नो पार्टीको योजना रहेको बताउँदै यसलाई देशको विकास, समृद्धि र राष्ट्रिय एकताको मेरुदण्डका रूपमा स्थापित गर्न एंव पहाडका जनतासँग सम्बन्ध सुधार गर्न अभियानले गर्न लागिएको माओवादी केन्द्रले जनाएको छ।
पूर्वराष्ट्रपति भण्डारी भन्छिन् -'म अझै पनि राजनीतिमा सक्रिय छु'
विराटनगर । पूर्वराष्ट्रपति विद्यादेवी भण्डारीले आफू हाल पनि सक्रिय राजनीतिमा रहेको बताएकी छन्। शुक्रबार विराटनगरमा आयोजित उपप्रमुख तथा उपाध्यक्षहरूको राष्ट्रिय भेलामा सहभागी भएपछि पत्रकारसँग कुराकानी गर्दै उनले 'म अहिले पनि सक्रिय राजनीतिमा छु' भन्दै आफ्नो भूमिकाबारे संकेत गरेकी हुन्। एमाले नेतृत्वबारेको चर्चामा उनले समय आएपछि प्रतिक्रिया दिने जनाइन्।कार्यक्रममा उनले गठबन्धनका कारण महिलाको सहभागिता घटेको र स्थानीय तहमा महिला नेतृत्व प्रभावकारी देखिएको उल्लेख गरिन्। भेलामा उपप्रमुख र उपाध्यक्षहरूको भूमिका र स्थानीय तहका समस्यामाथि छलफल हुने आयोजकले जनाएका छन्।
६४ यताका सबैलाई छानबिन गरौं भनेका छौँ, तर माधव नेपालप्रति पूर्वाग्रह देखियो : अध्यक्ष प्रचण्ड
काठमाडौं । माओवादी केन्द्रका अध्यक्ष पुष्पकमल दाहाल ‘प्रचण्ड’ले भिजिट भिसा प्रकरणमा विश्वासिलो छानबिनको वातावरण बने संसद् अवरोध हट्न सक्ने बताएका छन्। विपक्षी दलहरूको बैठकपछि संसद् भवनबाहिर पत्रकारहरूसँग कुरा गर्दै प्रचण्डले गृहमन्त्रीको राजीनामा संसद् सञ्चालनको प्रमुख सर्त नभएको संकेत दिए। उनले नेपाली कांग्रेसका सभापति शेरबहादुर देउवासँग पनि छलफल गरेर समस्या समाधानतर्फ जानुपर्ने धारणा राख्दै एक–दुई दिनमै सकारात्मक वातावरण बन्ने विश्वास व्यक्त गरे। बिहीबार अख्तियार दुरुपयोग अनुसन्धान आयोगले पतञ्जली जग्गा प्रकरणमा पूर्वप्रधानमन्त्री माधवकुमार नेपालविरुद्ध विशेष अदालतमा भ्रष्टाचार मुद्दा दायर गरेपछि उनले सरकारको नियतमाथि प्रश्न उठाए। प्रचण्डले २०६४ सालपछि सत्ता सम्हालेका सबै प्रधानमन्त्री र मन्त्रीहरू छानबिनको दायरामा पर्नुपर्ने माग आफ्नै पार्टीले उठाउँदै आएको स्मरण गराउँदै भने, “तर, माधव नेपालप्रति छानबिनमा पूर्वाग्रह देखिएको छ।” उनले यसअघि ललिता निवास प्रकरणमा माधव नेपाल र बाबुराम भट्टराईको नाम चर्चामा आए पनि अख्तियारले ‘प्रधानमन्त्री तथा मन्त्रिपरिषद्को नीतिगत निर्णय’ भन्दै मुद्दा नचलाउने निर्णय गरेर पत्र पठाएको उल्लेख गरे। “त्यही अख्तियार अहिले प्रधानमन्त्रीमाथि नै मुद्दा दर्ता गर्न पुगेको छ। यो गम्भीर प्रश्न हो,” उनले भने, “माधव नेपाललाई जसरी पनि फसाउने नियत देखिन्छ। यो प्रतिशोध हो, जुन गलत छ।” प्रचण्डले प्रधानमन्त्रीका निर्णयहरू प्रायः नीतिगत हुने भन्दै माधव नेपालले आफैं पनि सो प्रकरणबारे आफूलाई थाहा नभएको धारणा राख्दै आएको उल्लेख गरे। “कहीँ न कहीँ प्रतिशोधको गन्ध आउँछ। अदालतमा मुद्दा पुगेको छ, न्यायको अपेक्षा गरौं,” उनले भने। उनका अनुसार माधव नेपालमाथि लागेको मुद्दाले अन्य थुप्रै विवादास्पद विषयहरू—जस्तै गिरीबन्धु, ओम्नी—समेत छानबिनको दायरामा ल्याउने सम्भावना बढाएको छ। “अब त सबै प्रधानमन्त्रीहरू खुला हुने भए। माधवलाई मात्रै हुने कुरा भएन,” प्रचण्डले हल्का शैलीमा हाँस्दै भने। तर उनले सरकारको व्यवहार नियोजित देखिएको भन्दै केहीलाई जोगाउने र केहीलाई फसाउने काम भएको आरोप लगाए। “एकथरिलाई दोष नदेखिए पनि कारबाही गरिएको छ भने, बढी दोष भएकाहरूलाई जोगाइएको छ। यो पूर्वाग्रहयुक्त कार्यशैली हो,” उनले निष्कर्ष टङ्ग्याए।
अध्यक्ष प्रचण्डद्वारा विश्व वातावरण दिवसको शुभकामना व्यक्त
काठमाडौं । नेपाल कम्युनिस्ट पार्टी (माओवादी केन्द्र)का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले आफ्नो प्रधानमन्त्री कार्यकालको स्मरण गर्दै वातावरणीय एजेन्डालाई नीति निर्माणको केन्द्रमा राखेको बताएका छन्। विश्व वातावरण दिवस–२०८२ को अवसरमा जारी शुभकामना सन्देशमा उनले जलवायु परिवर्तनका मुद्दाहरूलाई अन्तर्राष्ट्रिय मञ्चहरूमा प्रभावकारी ढंगले उठाएको उल्लेख गरेका छन्। “मैले प्रधानमन्त्रीको जिम्मेवारी सम्हाल्ने क्रममा वातावरणीय विषयवस्तुहरूलाई नीति निर्माणको मूल एजेन्डा बनाउँदै राष्ट्रिय तथा अन्तर्राष्ट्रिय मञ्चहरूमा जलवायु परिवर्तनका कारण नेपालले भोग्नुपरेको क्षतिको क्षतिपूर्तिको सवाल दृढतापूर्वक उठाएको छु,” उनले भने। पूर्वप्रधानमन्त्री प्रचण्डले संयुक्त राष्ट्रसंघका महासचिव एन्टोनियो गुटेरसको नेपाल भ्रमणलाई जलवायु न्याय र वातावरणीय मुद्दाको सन्दर्भमा ऐतिहासिक मानिएको बताए। गुटेरसको भ्रमणको क्रममा उठाइएका जलवायु सम्बन्धी सवालहरू विशेष महत्वका रहेको उनको भनाइ थियो। उनले जलवायु अनुकूलन रणनीति, हरित ऊर्जा, र वातावरणमैत्री नीतिहरूलाई प्राथमिकतामा राख्दै नेपाललाई हरित विकासतर्फ डोर्याउने प्रयास गरिएको पनि स्मरण गरे।
भिजिट भिसा प्रकरण : गृहमन्त्रीको राजीनामामा सहमति नजुट्दा संसद बैठक स्थगित
काठमाडौं । गृहमन्त्री रमेश लेखकमाथि भिजिट भिसा प्रकरणमा छानबिन र राजीनामाको माग भइरहँदा सहमति नजुटेपछि प्रतिनिधिसभाको बैठक भोलि दिउँसो १ बजेसम्मका लागि स्थगित गरिएको छ। सभामुखको पहलमा सत्ता र विपक्षी दलबीच छलफल भए पनि दुवै पक्ष आ–आफ्नै अडानमा अडिग रहे। सत्तापक्ष गृहमन्त्रीलाई सदनमा बोल्न दिनुपर्नेमा अडिएको छ भने विपक्षीले छानबिन आयोगको टीओआरसहित सरकार आउनुपर्ने माग राखेको छ।